Asteazken arratsaldean Adegik eta Gipuzkoako metalgintzako sindikatuen gehiengoak akordioa lortu dute lan-hitzarmen berria sinatzeko. Orain arteko patronalak soldaten, ultraaktibitatearen edota subrogazioaren inguruan onartutako neurriez gain, Berdintasun Batzordea martxan jartzea ere adostu dute, besteak beste. UGT izan da kanpoan geratu den sindikatu bakarra.
Hainbat hilabetetako gorabeheren ondoren, Gipuzkoako metalgintzako sindikatu gehienek, ELA, LAB eta CCOOk eta patronaleko ordezkari Adegi enpresarien elkarteak lan hitzarmen berria sinatzeko akordioa lortu dute –UGTk ez du sinatuko, "adar jotzea" iruditu zaiolako–. Besteak beste %9,6ko soldata igoera aurreikusten du hitzarmen berriak 2020 urtera arte eta KPIaren araberako igoera hortik aurrera.
Sindikatuen eta Adegiren arteko azken bilera urriaren 2an izan zen eta ordukoan ELAk baino ez zuen onartu patronalaren proposamena, "eduki paregabeak" zirela argudiatuz, Mitxel Lakuntza sindikatu horretako idazkari nagusiaren esanetan. UGT, CCOO eta LAB, baina, ez zeuden hitzarmen hura sinatzeko prest.
Gipuzkoako metalgintzako hitzarmenak 50.000 langileri eragiten die eta lurraldeko garrantzitsuena da zentzu horretan; baina hamar urte zeraman berritu gabe. ELAk babesturiko proposamenean enpresariek igoera nabarmenak onartu zituzten soldatetan, baita beste neurri ugari ere, hala nola lan erreformaren kontrako blindajea, azpikontratazioen subrogazioa, behin behineko urtebeteko gehienezko kontratazioak... LABek ordea hutsuneak ikusten zituen oraindik, besteak beste berdintasunari edo osasunari begira.
Negoziazioak hankaz gora geratzeko zorian izan dira azken bi asteetan, Adegik mehatxu egin eta gero proposamena egun batzuen buruan erretiratu egingo zuela. Baina azkenean asteazken honetan lortu du akordioa sindikatuen gehiengoarekin, besteak beste Berdintasun Batzordea martxan jarriko duela hitzemanez, 2006an abiatu baina sekulan aktibatu ez den organo bat.
"Soldata arrakalarekin bukatu edota emakumeen kontratazioa bultzatzeko" tresna izango dela ziurtatu du LABek, azken bileran orain arte ez zeuden beste neurri batzuk ere onartu direla gogoratzeaz gain –tartean lan ordutik kanpoko errekonozimendu medikuaren kostuak enpresak asumitzea–. "Beraz, pozik eta harro gaude, borrokan jarraitzeak merezi izan du".
ELA ere pozik agertu da adostutakoarekin. Bere esanetan beste sindikatuek bat egin dute aurrez berak ontzat emandako eduki nagusiekin eta horrek agerian uzten du akordioaren "garrantzi historikoa". Sindikatuak azaldu duenez, akordioak "ikuspegi estrategikoa" eta "epe luzekoa" du eta aitzindari edo erreferentziala izan daiteke.
Gipuzkoako Metaleko lan hitzarmen berria justuagoa da eta eskubide gehiago aitortzen dituhttps://t.co/prI5oat8n6 pic.twitter.com/MJg70AzFWb
— ELA sindikatua (@ELAsindikatua) October 14, 2020
Gipuzkoako metalgintzako hitzarmen berria sinatuko dugu, emakumeona ere izango dena #LanDuinaHitzarmenDuinak Xehetasun gehiago
— LAB SINDIKATUA (@LABsindikatua) October 14, 2020
👇👇👇https://t.co/w70MxsE7KI pic.twitter.com/jOQyFbQsVU
👩🏻🔧Lortu dugu!
— Industria Federazioa (@CCOOindustria) October 14, 2020
👷🏽Lo hemos conseguido!
👉Gipuzkoako metalgintzako langileok gure eskubideak eguneratu ditugu!
✊Hemos logrado un convenio para el metal de Gipuzkoa con mejoras en igualdad y salud laboral respecto a la propuesta de la patronal.
👓eguimos conquistando futuro! pic.twitter.com/GyFRFHSt52
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.