Gipuzkoako metalgintzan Adegik bere eskaintza “behin betiko” erretiratzeko mehatxua egin du
Sindikatuen artean ez da akordiorik izan Gipuzkoako metalgintzako negoziazio mahaiko azken bileran. ELAk Adegiren proposamenari baiezkoa eman dio, baina beharrezkoa du beste sindikatu baten babesa, eta LABek, CCOOk eta UGTk ez dute onartu. Patronalak egun batzuetako epea eman du, eta ondoren eskaintza “behin betiko” erretiratuko duela jakinarazi du.
Uztailean hasi zituzten bilerak Gipuzkoako metalgintzan langileen ordezkaritza duten sindikatuek eta Adegik. Sei bileraren ondoren, bi aldeen arteko jarrerak gerturatu dira, patronalak hitzarmenean hainbat puntu onartu baititu, besteak beste azken urteetako soldatak atzerako eraginez %8,8 igotzea, KPIren araberako igoera hemendik aurrerako soldatetan –KPI negatiboa denean izan ezik–, lan-erreformatik blindatzeko klausulak, ultra-aktibitate mugagabea…
ELA izan da eskaintza hori begi onez ikusi duen bakarra. Ostegun arratsaldean publiko egin zuen baiezkoa emango ziola Adegiren proposamenari: “Edukiak paregabeak dira, ez dago Euskal Herrian halako hitzarmenik”, azaldu du Mitxel Lakuntza sindikatuko idazkari nagusiak Euskadi Irratian egindako elkarrizketan. Orain arteko soldatetan, esaterako, 1.000 eta 3.000 euro arteko igoerak izan ditzakete langileek, ELAren esanetan.
Aldiz, beste sindikatuak ezkorragoak izan dira eta LABen ustez ELAren “azken uneko” iragarpenak arriskuan jarri du metalgintzako hitzarmena bera; horregatik, nahiz eta Adegiren eskaintzan alderdi “positiboak” atzeman, ez du bat egin ELAk “erakutsitako presa eta erabakiarekin”. LABen ustez hitzarmenean badaude hobetzeko gauzak, berdintasunari edo lan osasunari dagokienean esaterako.
ELAk Gipuzkoako metalean %49ko ordezkaritza dauka, baina hala ere Adegiren eskaintzak beste sindikatu baten babesa behar du, hitzarmena sinatu ahal izateko. Ostiral honetako bileran baina, ez da adostasunik izan eta LABek, UGTk eta CCOOk ezezkoa eman diote berriz ere.
Adegik behin behinean erretiratu du eskaintza eta jakinarazi du “egun batzuk” utziko dituela sindikatuen artean egoera aztertu eta adostasunera irits daitezkeen ikusteko, bestela “behin betiko” erretiratuko duela.
Puntu honetara iritsita, bai patronalak eta bai ELAk negoziaziorako ibilbidea amaituta ikusi dute: “Azken bileretan oso garbi geratu da prozesu baten amaieran geundela –azaldu du Lakuntzak–, eta negoziazio bat amaitzen denean bi gauza egin daitezke: edukiak ontzat ematen dira, eta gure ustez edukiak oso onak dira, edo gatazka eta grebara jotzen da”.
LABek baina, “akordio batera iristeko konpromisoa” berresten duen beste proposamen bat eraman du azken bilerara, “negoziagarria eta lorgarria”, sindikatuak ohar bidez jakitera eman duenez, eta adierazi du ez duela “xantaiarik” onartuko.
Gipuzkoako metalgintzako hitzarmenak 40.000 langileri eragiten dio; lurralde horretan langile gehien biltzen duen sektorea da eta hamar urte darama berritu gabe.
Ostiral honetan manifestazioa antolatu dute Gasteizko lorezainek, greba mugagabea hasi zutenetik sei hilabete beteko diren egunean. “Gatazka konpontzeko aurrerapausoak urriak izan dira”, salatu du enpresa batzordeak aste hasieran. Irtenbide bakarra “soldata... [+]
Garnica taldeak egin nahi dituen 39 kaleratzeen aurka hasi dute greba mugagabea Laudioko egur fabrikako langileek. Goizean bilera izan du Enpresa Batzordeak Garnicako zuzendaritzako kideekin, eta langileek txistu artean jaso dituzte.
Hala iragarri dute langileek ostegun arratsaldean Laudion eginiko mobilizazioaren amaieran.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Greba eguna da gaurkoa Ipar Euskal Herrian zein Frantziako Estatuan. "Dena blokeatzeko" mobilizazioaren kari, 50 bat lagunek ekintza bideratu dute Miarritzen, Hotel du Palais luxuzko hotelaren atarian. Bi lagun atxilotu ditu Poliziak.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
