Akordio batekin itxi dute hainbat emakumeri eraso egin zien Donostiako militantearen kontrako auzibidea
Engainuz, emakumeak biluzik ageri ziren argazkiak lortu zituen Haritz Varelak. Erasoa jasan zuten emakumeetako batzuk Tximeleten Reboluzioa dinamikaren baitan batuta ari dira erasoak kudeatzen, eta jakinazi dutenez, akordio batera heldu dira bi aldeak.
40 emakume baino gehiagori eraso egin zien Haritz Varelak, militante ezagun izateak ematen zion botereaz baliatuta. Engainuz eta manipulazioa erabiliz, hainbat emakume biluzik ageri ziren argazkiak lortu zituen. "Militante gisa zuen boterea erabilita emakumeok engainatu eta biluzik argazkiak ateratzeko proposamenak egin zizkigun, baita batzuei atera ere. (…) Guk ez genuen ezer txarrik egin, eta berriro egingo genuke. Arazoa erasotzailearena da, beti", adierazi zuten hainbat emakumek erasoen gaineko auziaren harira urrian egindako prentsaurrekoan.
2017ko uztailean kanporatu zuten Varela Donostiako Piratetatik eta Ezker Abertzalearen egituretatik, emakumeei egindako eraso horiek tarteko. Erasoa jasan zuten zenbait emakume Tximeleten Reboluzioa dinamikaren baitan antolatu ziren, erasoak kudeatzeko. Hamar emakumek Varelaren kontrako auzibidea abiatzeko hautua egin zuten. Azken jakinarazpenen arabera, auzitegietako bidea bukatutzat emango dute, bi aldeak akordio judizial batera iritsi direlako. Varelak egindakoa aitortu eta halakorik berriro gerta ez dadin lanketa bat egiteko prest azaldu izanak eman dio bide bi aldeen arteko akordioari.
Tximeleten Reboluzioa dinamikako kideen adierazpenak jaso ditu Berriak, eta horietan azaldu dutenez “ez genuen eta ez dugu justizia sistema espainiar eta matxistan sinesten, ezta zigorrean oinarrituriko erreparazioan ere: horregatik erabaki dugu kalte-ordainei uko egitea. Bide guztiak jorratu nahi genituen, ordea; gure minari erantzuteko gizarteak eskaintzen dizkigun guztiak, eta horregatik jo genuen epaitegietara ere”.
Pertsona bati heriotza sozialik opa ezin zaiola argi izanik ere, oraindik Varelarekin topo egiteko ez daudela prest azaldu dute, eta hargatik eskatu diote beraiekin harremanetan ez jartzeko: “Mina ematen digu oraindik gertaeren oroitzapenak, eta zu ikusita sabela estutzen zaigu. Badakigu egindakoaz kontziente zarena, eta, beraz, behar dugun distantzia hori errespetatzea eskatzen dizugu”. Zauriak oraindik sendatzear daudela adierazi dute.
Prozesu guztian zehar izandako elkartasunagatik eskertuta agertu diren arren, emakumeek jakinarazi dute beraien ustez hausnarketa sakonagoak egin behar direla “botere harremanen, militantzia ereduen, genero sistemaren, eta eraso sexual eta sexisten inguruan”.
Biarnoko Lestelle-Betharramgo ikastetxe katolikoan (Le Beau Rameau du izena orain) izandako indarkeria fisiko eta sexu erasoen biktimek 200 salaketa baino gehiago jarri dituzte. Kongregazio franko-italiarrak iragarri du kalte-ordaina emango diela, bere erantzukizuna onartu eta... [+]
Erran egin nion umetan sexu abusu bat jasanarazi zidanari: hala egin zidala. Bazekien, sinetsi zidan, eta errespetatu du harekiko behar dudan urruntzea. Zortea izan nuela uste dut; denok ez daukagula bera. Prozesu inperfektu haren kontakizun ez-fikziozko bat da hau.
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]