Epaitegian deklaratu beharko du hainbat emakumeri modu jarraian eraso egin zien Haritz Varelak
“Erasoa jasan genuen hamar emakumek Haritz Varelaren aurkako salaketa jarri dugu Donostiako epaitegian, eta auzibidea aurrera doala jakinarazi nahi dugu”. 80 emakumek astearte arratsaldean Donostiako Tabakalera ondoan prentsaurrekoa eskaini dute jakinarazteko ezker abertzaleko eta Donostiako Piratetako kide ohiaren aurkako auzia zertan den. Ez dute publiko egin noiz izango den deklarazioaren eguna, eta zailtasunak salatu badituzte ere, "bidean topatu ditugun emakumeen konplizitatea" eskertu dute.
Prentsaurrekoa hasi aurretik argi utzi nahi izan dute bertan bildu direla, bai erasoak jasan zituzten emakumeak, baita hauei babesa adieraztera joan direnak ere, eta guztien izenean irakurri dute adierazpena. Bidea ez dela erraza izan azpimarratuz hasi dira. "Zailtasunak ez ziren amaitu erasoarekin batera, are gehiago, lehenengoak atzetik ekarri zituen beste mota batzuetako erasoak". Zalantzan jarriak izatea, bakardade sentimendua, biktimizazio bikoitza eta administrazio arazoak salatu dituzte.
Salaketa jarri duten eta hau aurrera doan arren, epaitegien "izaera matxista eta eraso sexistei ematen dieten trataera egokirik eza" ere salatu nahi izan dute.
Haritz Varela 2017ko uztailean kanporatu zuten ezker abertzaleko egituretatik eta Donostiako Piratetatik, hainbat emakumeri modu jarraituan eraso egiteagatik. "Militante gisa zuen boterea erabilita emakumeok engainatu eta biluzik argazkiak ateratzeko proposamenak egin zizkigun, baita batzuei atera ere". Adierazi dutenez, erasotuak izan ziren kidearengan zuten konfiantzagatik eta beren lan militantean sinesten zutelako egin zuten. "Guk ez genuen ezer txarrik egin, eta berriro egingo genuke. Arazoa erasotzailearena da, beti", argi utzi nahi izan dute.
Erasoak jasan zituzten emakume hauetako asko, gaia publiko egin zenetik, Tximeletaren Reboluzioa dinamikaren baitan antolatu eta erasoak modu kolektiboan kudeatzen ari dira.
Egindako bidean elementu positiboak ere bizitu izan dituztela nabarmendu nahi izan dute, batez ere, bidean topatu dituzten emakumeen konplizitatea. "Ez ginateke honaino iritsiko erasoaren aurrean bakarrik aritu izan bagina, eta zorionez, elkar goxatu eta laguntzeko bideak topatu ditugu, eman ditugun pausoen bermea izan da".
Amaitzeko, salatu dutenez, "etxe-etxekoak diren espazioetan, gizarteko gainontzeko txokoetan bezala, erasoak ikusi eta biziko ditugu aurrerantzean ere, espazio horiek guztiak patriarkatuak gurutzatzen dituen neurrian". Erasoak pairatzen dituzten emakumeei babesa adierazi nahi izan diete: "Badakigu emakume feministok garela mehatxu horren muga, eta gure babespea eskaini nahi dugu: kontatu gurekin". Harremanak era kolektiboan iraultzea aldarrikatu ostean, erasotzaileei mezu argi bat botaz amaitu dute: "Erasotzaileak, aurrean topatuko gaituzue! Erasorik ez, erantzunik gabe!".
Ikusi prentsaurrekoa bideoan
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Tuteran 30 urteko gizon bati 23 urteko bikotekideari erasotzea leporatu diote, eta Ondarroan 31 urteko gizon bati lankide bati ukituak egitea, herriko osasun etxean. Bilboko jaietan bi sexu eraso salatu dituzte, eta Donostian 20 urteko gizon bat atxilotu dute, hiriaren... [+]
Zortzi pertsona atxilotu dituzte Nafarroan, beste biak, berriz, Gasteizen. Horrez gain, Algortako Portu Zaharreko jaietan gertatutako sexu eraso bat salatzeko elkarretaratzea egin dute, astelehenean.
Bi bortxaketa eta beste sei erasoren salaketa zuzenak jaso ditu Gasteizko Mugimendu Feministak. Elkarretaratzea egin du erasoak salatzeko txosna gunean, ostegunean. Gasteizko Udalak elkarretaratzea ostiralean 11:00etan egin du. Erasoen harira ez dute inor atzeman, momentuz.
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.