ARGIA.eus

2021eko apirilaren 20a

Arrasateko Aita Mennin bost langile kutsatu dira: administrazioko lau, eta babespeko etxeetako bat

  • Osasun etxetik baieztatu dutenez administrazio arloko langileek gune isolatu batean egiten dute lan, eta ez dute inongo harremanik izaten ez pazienteekin, ez bisitariekin. Bosgarren kasua babespeko etxeetan lan egiten duen langile batena da. Euren kabuz bizitzeko autonomia duten gaixoetako batzuk tutoretzapeko etxeetara bideratzen ditu Aita Mennik, eta bertara laguntza puntualak ematera joaten dira langileak. Bost langileak asintomatikoak direla baieztatu dute. 

Goiena @goiena
2020ko ekainaren 11
Albiste hau Goienak argitaratu du eta Creative Commons BY-SA 3.0 lizentziari esker ekarri dugu.
(Argazkia: Goiena)

Berriki ospitaleko langile guztiei egin dizkiete COVID-19a detektatzeko probak –serologikoak eta PCR bidezkoak– eta bertan izan dute kutsatzeen berri. Bostek eman dute positiboa PCR proban eta serologikoan, aldiz, negatiboa. 

Ospitaleko arduradunek jakinarazi dutenez, administrazio arloko langileen gunea ez dago ospitaleko eraikinean, gune isolatu batean baizik. Hala, gune hori "modu egokian" desinfektatu dutela jakinarazi dute, eta gaineratu dute bertako langile asko etxetik ari zirela lanean.

Kutsatutako bost langileak asintomatikoak direla baieztatu dute, eta une honetan euren etxebizitzetan daude isolatuta. Babespeko bi etxeetan bizi diren bederatzi paziente, aldiz, ospitalera eraman dituzte prebentzio neurri gisa. Unitate aislatu baten kokatu dituzte; sarbide propioarekin eta bestelako pazienterik gabe.

Une honetan ospitalera bisitak etenda daude, eta Osasun Sailarekin harreman etengabean daudela jakinarazi dute, "era koordinatu batean erantzuteko". 

Albiste hau Goienak argitaratu du eta Creative Commons BY-SA 3.0 lizentziari esker ekarri dugu.
Kanal hauetan artxibatua: Koronabirusa  |  Arrasate

Koronabirusa kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude