AEBetan dagoeneko 200.000 jende hil ditu COVID-19ak
Irailaren 20an AEBk gainditu dute COVID-19agatik hildako 200.000 jendeen langa, Worldometers estatistika zerbitzuak ezagutarazi duenez, noiz eta Ipar Amerikako erraldoia lehendakaria hautatzeko hauteskunde lasterketa betean dagoenean. Herrialde hau da munduan orain arte kalte handienak nozitu dituena, bigarrena den Brasilen aurretik.
AEBek apirilaren 7an gainditu zuten 10.000 hildakoen marka, justu Txinak azaldu zuenean lortu zuela pandemia deklaratuz geroztik lelhenbiziko aldiz heriotza bakar bat ez edukitzea. 100.000 hildakoen arrastoa maiatzaren 29an pasa zuten, koronabirusagak kaltetuenen zerrendan buru jarririk. Igandean, irailaren 21ean, iragarri dute dagoeneko 200.000 direla AEBetan koronabirusak hildakoak: pandemiaren hasieran AEBentzako aurreikuspen katastrofikoenek iragartzen zuten eta Donald Trumpek lehenbiziko hilabeteetan hipotesitzat ere onartuko ez zuen kopurua.
Iparramerikarren ostean, Brasil dator zerrendan bigarren 136.000 heriotzarekin, India 87.000rekin, eta hamarrekoa osatzera datoz: Mexiko (73.258), Erresuma Batua (41.777), Italia (35.707), Peru (31.369), Frantzia (31.285), Espainia (30.495) eta Iran (24.301).
Koronabirusaren rankingak, ordea, bestelako itxura hartzen du heriotzak biztanle kopuruaren proportzioan kalkulatuz gero, alegia, heriotzak milioi bat biztanleko.
.png)
Tristea arren bere txikitasunagatik anekdotikoa gertatzen den San Marinoren kasua kenduta, Peru da munduan biztanleen proportzioan heriotza gehien nozitu dituen herrialdea, ia 950. Ondoren datoz Belgika (657), Andorra (686), Espainia (652), Bolivia (648), Brasil (643), Txile (641), Ekuador (626) eta hamargarren AEB (616). Eta ondotik hiru herrialde aberats gehiago: Erresuma Batua, Italia eta Suedia. Nabarmendu ditugun 15 lehenen ondoren dator 16. Frantzia (479).
Kontinenteka, galera handienak Ipar Amerikak dauzka orain artean, 298.530 hildako. Hego Amerikan 237.965 hil dira, Europan 216.186, Asian 177.173 eta, horietatik urrun, Afrikan 34.008 eta Ozeanian 885.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.