Federazioko Zuzendaritza Batzordeak erabaki du ustezko erasotzailea federazio jarduera guztietatik baztertzea. Erakundeak adierazi du pertsona guztiek saskibaloiaz gozatzeko eskubidea dutela, eta "erabat gaitzetsi" du emakumeen aurkako portaera oro. Babesa eta elkartasuna adierazi dio biktimari.
Arabako Saskibaloi Federazioak gaitzetsi du iaz Gasteizko saskibaloi taldeko adin txikiko neska bati egindako ustezko sexu erasoa. Federazioak jakitera eman du erakundearen parte den entrenatzaile bat ikerketapean dagoela. Hala, Zuzendaritza Batzordeak erabaki du salatutako pertsona kargugabetzea eta federazio jarduera guztietatik baztertzea.
Saskibaloi erakundeak gogorarazi du saskibaloiko kirol federatuan eta eskolako kirol-jardueran parte hartzen duten pertsona guztiek "saskibaloiaz gozatzeko eskubidea dutela, sexu edo generoagatik segurtasun ezaren sentsaziorik izan gabe". Gainera, "onartezin eta salagarritzat" jo du saskibaloian parte hartzen duen edonoren "osotasun morala, sexuala edota generokoa erasotzen duen edozein motako jarrera, iruzkin, jazarpen, larderia edo eraso".
Halaber, erakundeak "erabat gaitzetsi" du emakumeen osotasun pertsonalaren eta askatasunaren aurkako portaera oro, "bidezko eta berdintasunezko harreman eredu baten alde eginez". Hala, "baldintzarik gabeko babesa eta erabateko elkartasuna" adierazi diote biktimari.
??COMUNICADO OFICIAL??
Desde Federación Alavesa de Baloncesto @basketaraba rechazamos y lamentamos profundamente cualquier comportamiento que atente contra la integridad personal y libertad de las mujeres. #basketara pic.twitter.com/TpqzORciuI
— FAB - Basket Araba (@basketaraba) May 8, 2023
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.
28 eta 37 urteko bi gizonezko atxilo hartu ditu Ertzaintzak, bata Tolosan eta bestea Ibarran. Biktimetako bi adin txikikoak dira.