Mugikor bidezko mezuen bitartez bi adin txikikori sexu edukidun argazkiak bidaltzeko eskatu zien Donostiako Easo saskibaloi klubeko entrenatzaileak, baina mezua jaso zutenetako batek ere ez zion bueltan argazkirik bidali. Jazarritakoen familiek Donostiako udaltzaingoaren aurrean salaketa jarri dute, kluba gertatu denaren jakinaren gainean jartzeaz aparte. Klubak, bere aldetik, entrenatzailea kanporatu du eta bere salaketa propioa jarri du Udaltzaingoan.

Salaketok tarteko, entrenatzailea atxilotu eta aitorpena jaso zion Udaltzaingoak pasa den astean. Atxilotuaren etxebizitza ere miatu zuten, eta bertan konfiskatutako material informatikoa aztertzen ari dira. Udaltzaingoak autoritate judizialaren esku jarri zuen gizona, eta epaimahaiak karguekin aske utzi du ikerketa burutu artean.