Eusko Jaurlaritzako Hekuntza sailburu Jokin Bildarratzek jakinarazi duenez, oinarrizko neurriei dagokienez, ikasturte berria aurrekoa amaitu zen bezala hasiko da: segurtasun-distantzia (1,5 m), higiene-neurriak, aireztapen egokia, kontaktu mugak edo maskarak.
Oinarrizko neurri horiekin batera, 12 urtetik gorako ikasleen txertaketa-prozesua ere azpimarratu du, "gaixotasunaren prebentzioan garrantzi eta eraginkortasun handiko neurri gehigarri gisa", Jaurlaritzaren oharrean jasoa dagoenez.
Hezkuntza Sailak astelehenean ikastetxeetara bidali duen protokoloan daude jasota ikasturte berrirako neurriak. Hainbat berrikuntza bildu du dokumentuak. Esaterako, ekainean ikastetxeetara bidalitako dokumentuak LHn burbuilak eratzea jasotzen zuen, betiere maskara erabilita. Gainera, gela bakoitzaren barruan lau edo bost ikasleko azpitalde egonkorrak osatu ahal izango dira. Eguneratutako protokoloak neurri hori mantentzen du LHrako.
Halaber, DBHko 1. eta 2. mailetan ere egin ahal izango dira lan-azpitalde egonkorrak, hiru edo lau ikasleren taldekatze egonkorrak. Taldekatze horien arteko distantzia 1,5 metrotik gorakoa izango da, eta egonkor mantenduko dira gutxienik hamar egunetik gorako oporraldiak igaro bitartean.
Bestalde, protokoloa berrikusterakoan eskolaz kanpoko jarduerei dagokien atala osatu eta garatu da. Jarduera horiek burutu ahal izateko oinarrizko segurtasun neurri batzuk zehaztu dira, ikastetxeen edo eskolaz kanpoko jarduerak antolatzen dituzten elkarteen eskariz
Ikasturte berrirako protokoloak Barnetegietarako propio sortutako eranskin bat ere badauka. Pandemia hastearekin batera bertan behera utzi behar izan ziren Hezkuntza Sailetik antolatzen diren “Euskal Girotze Barnetegiak”. Jarduera hau berriro abian jartzea "lehentasuna" izan da Hezkuntza Sailarentzat, "euskara ikasteko prozesuari bultzada eraginkorra emateko gune garrantzitsuak baitira hauek". Berariazko protokolo edo eranskinarekin, ikasturte berrian Barnetegiak berriro martxan jarriko dira.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.