Abian da bigarrenez EuskarAbentura, euskal kultura eta historia ezagutzeko espedizioa
Mauletik abiatu dira, iaz bezala, EuskarAbenturan parte hartuko duten 121 gazteak eta euren begirale eta zaindariak, eta iaz bezala, Getxo izango dute helmuga uztailaren 31n. Ia 800 kilometroko ibilbidean gelditu ugari egingo dituzte, Euskal Herria xehe-xehe ezagutzeko.
Euskal Herriko eta diasporako 121 neska-mutilek hartuko dute parte EuskarAbenturaren bigarren edizoan. Denera 798 kilometro egin beharko dituzte Maule eta Getxo artean, horietatik 483 oinez. Iaz bezala, Done Jakue bideetatik ibiliko dira, eta UNESCOk Gizateriaren Ondare izendatutako guneei egingo diete bisita, baita bestelako hainbat leku esanguratsuri ere. Horrez gain, zazpi euskal hiriburuetatik igaroko dira.
Azken egunean, uztailaren 31n, ailegatuko da espedizioa Uribe Kostara, Bilbo eta Getxo lotuko dituen etapan. Lehenik, Bizkaiko hiriburutik Portugaletera ontziz joango dira ekimeneko kideak, eta handik Getxora, Bizkaia Zubia zeharkatuta. Goizeko 11:00etan dago aurreikusita bertara ailegatzea. Zubitik Muxikebarrira joango dira, oinez, eta bertan izango da espedizioaren amaierako ekitaldia, 12:30etik 14:30era.
Horren aurretik, parte-hartzaileek topaketa ugari izango dituzte hainbat arlotako adituakaz, Euskal Herria xehe ezagutzeko hizkuntzaren, historiaren, gizartearen, naturaren eta kirolaren arloetan, besteak beste.
Parekidetasuna, ingurumenaren zaintza, euskara...
Jzioqui dugu! da EuskarAbenturaren goiburua, eta parte-hartzaileak jzioquitarrak. Gazteen zaintzaz eta bestelako lanez arduratuko den lantaldeak prestakuntza berezia egin du Barriako aterpetxean (Araba), ibilbidean hainbat balore errespetatuko direla ziurtatzeko protokoloak lantzen. Hala, arreta berezia emango diete genero-berdintasunari, zaborren kudeaketari eta, zelan ez, euskararen erabilerari.
Horrez gain, neurri bereziak izango dituzte bidaia osoan segurtasuna eta mediku-arreta bermatzeko.
Euskal Kultur Erakundeak (EKE), Ipar Euskal Herriko euskarazko kulturaren eragile garrantzitsuenak, arriskuan dauka bere burua, eta elkarretaratze deitu du larunbaterako Uztaritzen. Frantziako Estatuaren laguntzetan 30.000 euroko murrizketa jasan dute 2025ean (udan jakinarazia),... [+]
2024ko irailaren 11n, "Lortzear ote gaude?" izeneko artikulua argitaratu ziguten hainbat hedabidetan. Urtebete igaro da eta garbi esan dezakegu: EHUko gobernu aldaketak (Ferreira zen buru, Bengoetxea da orain) ez digu aurrerabiderik ekarri. Orduko zailtasunek zailtasun... [+]
Orain Baionako merkatuko saltzaileek afitxa bidez jakinarazten dute euskaraz eta gaskoiz aritzeko prest direla. Baionako Herriko Etxeak duela bi urte abiatutako euskara plangintzaren ildotik ekintza abiatu du.
Larunbat honetan Gasteiz Euskararen Hiria ekimenak hartuko du Gasteizko Andre Mari Zuriaren plaza. Goizean hasi eta gauera arte, “euskararen aldeko festa handia” izatea nahi dute euskalgintzako eragileek, kirol jarduerak, kultur emankizunak edo arratsaldeko... [+]
Aste honetan, etxeko lanak jarriko dizkizuet. Hori gertatzen zaigu urte luzetan irakaskuntzan aritu garenoi: dena bihurtzen dugu arbel, etxeko lan eta ikas-egoera. Demagun euskal jai bat antolatu behar dugula herrian. Zer egitarau proposatuko dugu? Nola ospatu, dantzatu eta... [+]
'Su eta Gar' musika talde baten izen bezala ezagutzen duzu? Orain, exoplaneta baten eta bere izarraren izena ere badela jakinen duzu. 'GJ 486' izarra, Virgo konstelazioan, eguzkitik 27 argi-urtera dagoen nano gorri bat da eta bere inguruan Lurra baino hiru aldiz... [+]
Esnatu ala hil. Euskararen oraina eta geroa, diagnostiko baten argitan (Elkar) liburua argitaratu dute Garikoitz Goikoetxeak eta Iñaki Iurrebasok. Egileen helburua da gaur egun euskarak bizi duen egoera ulertzeko tresna bat eskaintzea, “ezinbestekoa delako aurrera... [+]
Labaren itzulera ospatzeko festa antolatu dute egun osoan zehar. Broken Brothers Brass Band-en kalejirak Alde Zaharreko kaleak zeharkatu ditu Estafetaraino, ondoren lehiotik kantua izan da Amets Aranguren, Julen Goldarazena Flako, Idoia Tapia eta Oier Zuñigaren eskutik; eta... [+]
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Donostiako epaitegi batek aurretik emandako epaia berretsi du EAEko Justizia Auzitegi Nagusiak. ELAk eta LABek mobilizazioa antolatu dute ostiralerako, eta Euskalgintzaren Kontseiluak bat egin du.
Sena ibaitik metro eskasera egon arren, ez dago Mundolingua museoa aipatzen duen turismo gidarik. Kasualitateak baino ez gaitu eraman horra. Nolanahi, horrela aurkitzen dira, maiz, hiri baten sekretu gordeenak.
Irailaren 9an eta 12an egingo dituzte udako eskolak. Telesforo Monzon eLab Euskal Herrigintzaren Laborategiak hizlari potenteak gonbidatu ditu, besteak beste, Iñaki Iurrebaso, Olatz Altuna, Jon Sarasua, Idurre Eskisabel, Josu Aztiria, Iñigo Urrutia eta Miren Zabaleta... [+]
Aurtengo ikasturtean A2 mailara arteko ikastaroetako dirua itzuliko dute EAEn, baita C1ekoak 16-18 urteko ikasleei ere. Nafarroan A1 mailan matrikularen prezioa itzuliko diete.