Abenduaren 21ean onartu nahi du Pfizer txertoa Europako Medikamentuaren Agentziak

  • Hainbat herrialderen presioaren ondorioz, Pfizer-BioNTech txertoa onartzeko eguna abenduaren 29tik 21era aurreratu du Europako Medikamentuen Agentziak, “enpresari eskatutako datuen ebaluazioak emaitza egokiak emanez gero”. Egun gutxira baimenduko luke txertoaren merkaturatzea Europar Batasunak.


2020ko abenduaren 15an - 15:41

Europako Batzordeko presidente Ursula von der Leyenek eman du berria, nahiz eta Alemaniako hainbat egunkarik iragarria zuten aurreratu egingo zela txertoa onartzeko data. Behin txertoak Agentziaren oniritzia jasota, gutxi gorabehera hiru egun geroago baimenduko litzateke txertoaren merkaturatzea Europar Batasunean, eta beraz, urtea amaitu aurretik hasiko lirateke lehenengo txertaketak.

Agentziatik argitu dute txertoaren inguruan enpresari eskatu dizkion datu gehigarriak ebaluatu eta horri buruz hitz egiteko bilera 21era aurreratu dutela, eta dena egoki ikusiz gero, onartu egingo dutela txertoa. Beharrezkoa izanez gero, abenduaren 29ko data mantenduko dute.

“Ebaluazioa ahal bezain lasterren egingo du Europako Medikamentuen Agentziak, txertoaren kalitateari, segurtasunari eta eraginkortasunari buruzko datuak nahikoa sendoak" direla eta “txertoaren onurak arriskuak gainditzen dituela” ziurtatzeko, azaldu du erakundeak.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude