Baldintzapeko askatasunaren alde agertu bada ere Parisko dei auzitegia, ekainaren 19ra atzeratu du epaia, Georges Ibrahim Abdallahk ez dizkielako kalte-galerak ordaindu AEBei. Baldintzapeko askatasunaren alde agertu zen azaroaren 15ean Frantziako Zigorrak Aplikatzeko Epaitegia, baina helegitea jarri zuen terrorismoaren aurkako fiskaltzak. Frantziako presondegietan 40 urte preso daramazkiela, Europako preso politiko zaharrena da.
Oraindik ere preso segituko du –behintzat ekainera arte– Georges Ibrahim Abdallah Palestinaren aldeko militante libanoarrak. Frantziako presondegietan 40 urte preso daramazkiela, Europako preso politiko zaharrena da. Otsailaren 20 honetan ematekoa zuen Abdallahren askatzeari buruzko erabakia Parisko dei auzitegiak, baina epaia ekainaren 19ra atzeratzeko erabakia hartu du. Hain zuzen, baldintzapean aske uztearen alde agertu bada ere epailea, atzeratu egin du erabakia, Abdallahk ez dizkielako kalte-galerak ordaindu AEBei.
"Arrarotzat" jo du epaia Jean-Louis Chalanset abokatuak, eta "AEBen presiopean makurtu izana" deitoratu du. Orain arte, Abdallahk ez ditu AEBei ordaintza horiek bideratu nahi, Palestinan zein bestelako herrietan amerikarrek bideratu politika inperialistak ez dituelako onartzen. Epaia jakin bezain laster ondokoa azaldu du abokatuak: "Abdallahk eta ni neuk beti erran izan dugu Palestinako eta Libanoko umeen gainera bonbak bidaltzen dituen AEBei ez dizkiegula inoiz kalte-ordainik bideratuko". Ikusteke dago orain zer nolako jarrera hartuko duen preso libanoarrak, hain zuzen, orain artean ez bezala, askatasuna lortzeko baldintzen artean jarri diotelako AEBei dirutza bideratzearena.
1999az geroztik baldintzapean aske egon badaiteke ere, 1984az geroztik dago Frantziako presondegietan, behin eta berriz errefusatzen diotelako askapena. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatua da. Inoiz ez ditu bere gain hartu atentatu horiek, baina bere ideia politikoak ez ditu sekula isildu: antiinperialista suharra da. Abdallahk bizi duen gehiegikeriaren berri eman zuen ARGIAk Abdallah: Israelen lagun amerikarrek kartzelan hilik nahiko luketen libanoarra erreportajean.
"Erresistentzia bidezko kausa da, eta kartzelak ez du nehoiz nire borroka eten. Kartzelan nago, baina ez delituak egin ditudalako, preso politiko bat naizelako baizik. Jakina, ez da erraza hainbeste urte hetsirik bizitzea, baina horrek ez du nire engaiamendua ahuldu. Aitzitik, nire borrokak aitzina jarraitzen du nire kontzientziaren eta sinesmenen bidez. Kartzelan, ez diot inoiz zapalduen kausa defendatzeari utzi".
Horra zer dioen Abdallahk, Irati Esparza Guimon Kazeta.eus-eko kazetariari eskainitako elkarrizketan. Berrogei urte horietan "esperantza inoiz ez galdu izana" eta "duintasunez aurre egin izana" aipatzen dizkio kazetariari. Kanpotik jaso izan duen elkartasuna ere eskertzen du: "Kartzelako giro ilun eta hertsian, bizitzaren oihartzuna heltzen denean, eguneroko egonaldi hil horrek beste kolore bat hartzen du... Momentu batez bada ere, interesik gabeko giza harremanen edertasuna eta indarra berraurkitu ditut, elkartasuna, kartzela-zulo hauetan hainbeste urte iragan ondotik ere, miseria kultural eta afektibotik bizirik dirautenak. Gogo eta gizatasun iratzartze hori ez da oharkabean pasatzen".
Palestinak bizi duen okupazioaz eta genozidioaz ere luze eta zabal mintzo da: "Palestinako egoera oraindik lazgarria da, AEBko eta Israeleko inperialismoak bizitzak suntsitzen jarraitzen du, baina herriek azkenean garaipena lortuko dutela sinesten dut. Egunen batean, historiak epaituko gaitu". Itxaropena atxikitzen du, berak dioenaz, Palestinak pairaturiko egoerari buruzko kontzientzia "geroz eta handiagoa" delako, baita nazioarteko elkartasuna "hazten" ari delako ere.
Hildako kazetarietako bat Anas al-Sharif da, palestinarren genozidioa zerrendatik kontatzen dutenen artean ezagunenetako bat. Al Jazeera hedabideak adierazi du Israel errudun dela Gazako sarraskia barnetik azaleratzen duten kazetariak nahita hiltzeagatik, eta horrela sarraskia... [+]
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.
Ostiral goizaldean eman du erabakiaren berri Israelgo Gobernuak, hamar orduz luzatu den bilera baten ondoren. Dena den, okupazioa gauzatzeko, gobernu osoaren baiezkoa behar du Netanyahuk: igandean izan daiteke bilera. Segurtasun Kontseiluak, halaber, mugak jarri dizkio... [+]
Israelgo lehen ministroa Segurtasun Kabinetearekin biltzekoa zen asteartean, "Gaza osorik okupatzeko planaz" eztabaidatzeko eta hori aurrera eramateko; baina atzeratu egin dute bilera. Israelgo armadaren buru Eyal Zamirrek, aldiz, Gazan diharduten lurreko soldaduei... [+]
Bahituen "egoera larriaz" eztabaidatuko dute biltzarrean egongo diren herrialdeek, Danny Danon Israelek Nazio Batuen Erakundean duen enbaxadorearen arabera. Hamasek adierazi du bahituek osasun arreta jasoko dutela baldin eta Israelek Gazara laguntza humanitarioa... [+]
109 elkartek adierazi berri dute, tartean Munduko Osasun Erakundeak edo Mugarik Gabeko Medikuek, Gazan gosete masiboa sufritzen ari direla, Israelgo Gobernuak hala erabakita. Bi milioi lagunen kontra gosea arma gisa erabiltzen ari dira, etekin politikoak lortu asmoz. 2025ean,... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Milaka lagun bildu ziren Vienan ekainaren 13tik 15era, lehen edizioa izan zuen Judu Antisionisten Kongresuan. Hiru egunez eztabaidatu eta hausnartu ostean, ohar bat argitaratu dute Israel palestinarren aurka egiten ari den genozidioaren eta garbiketa etnikoaren aurrean ahotsa... [+]
Yinon Levi izeneko kolonoak Odeh Hadalin aktibista hil du Zisjordania hegoaldean. 'No Other Land' dokumentala grabatzen lagundu zuen Hadalin, dokumental onenaren Oscar saria irabazi zuen martxoan. Kolono hiltzailea palestinar lurraldeak okupatzeagatik AEBetako zigor... [+]
The Lancet aldizkari ezagunak iazko uztailean eginiko "aurreikuspen zuhurraren" ondoren, zuzenean eta zeharka Gazan hilda egon daitezkeen palestinarren kopurua eguneratu du Steven Donziger abokatu entzutetsu estatubatuarrak, The Lancet-en formula... [+]
Nire gorputza erortzen ari da. Ama kolapsatzen ari da nekeak jota. Nire lehengusuak egunero jokatzen du bizitza laguntza pixka baten truke. Gazako haurrak gure begien aurrean hiltzen ari dira eta ezin diegu lagundu.
Nafarroako Kutxa Fundazioari esker 41.000 euro bideratuko ditu Palestinara Salam Gaza Gobernuz Kanpoko Erakundeak, umezurtz geratu diren haurrei eskolak bermatzeko gutxienez beste urtebetez. Alor akademikoa eskaintzeaz gainera, babes psikologikoa eta laguntza emozionala... [+]
"Pausa taktiko" gisa definitu ditu Israelek. Igandean hasi da eta 35 kamioi sartu dira Gazako zerrendara.
Milaka pertsonak modu aktiboan parte hartu dute, eta hala jarraitzen dute, XXI. mendeko holokausto telebisatu handienaren aurka protestatzeko, eta pertsona horiei errespetu eta miresmen handiena zor diet. Baina, gizateriaren zoritxarrerako, askoz gehiago dira, egoerarekin... [+]