900 euroko isuna jarri dio Bilboko Udalak euskaltzale bati, udaltzainei euskaraz egin zielako
Mozal Legea aplikatuta 900 euroko zigorra jarri dio Bilboko Udalak Arkaitz Zarraga euskaltzaleari. Abuztuaren 27an udaltzain batek identifikatzeko eskatu zion eta Zarragak euskaraz hitz egiteko eskubidea zeukala esan zionean, eztabaida izan zuen agentearekin eta isuna jarri zioten. Gertakaria salatu zuenean, oihartzun handia izan zuen, baita udalaren erantzun gogorra jaso ere.
“Egoera benetan kafkiarra da”, esplikatu du Arkaitz Zarragak. Mozal Legea aplikatuz Bilboko Udaletik 900 euro eskatzen dizkiote, udaltzain bati euskaraz hitz egiteko eskubidea zeukala esateagatik. Bi isun jarri dizkiote, 600 eurokoa bat, bere burua ez zuela identifikatu esanez; eta 300 eurokoa bestea, udaltzain bat iraintzea leporatuta.
Isunetako bakar bat ez dago justifikatuta Zarragaren ustez. Biak gezurretan oinarritzen direla dio eta gertatzen ari dena ezin sinetsita dago: “Nik ez nion irainik esan eta nire burua identifikatu nuen gidabaimenarekin”, esplikatu dio ARGIAri.
Aurtengo udako gertakaria zela-eta Zarragak idatziz kexa helarazi zion Bilboko Udalari. Osoko bilkura batean Juan Mari Aburto alkateak gezurretan aritzea leporatu zion eta, biharamunean, idatziz erantzun zion udalak, gaia hizkuntza-eskubideen alorretik desbideratuz. Identifikatzeko eskatu zion agentea emakumezkoa zela nabarmendu zuen udalak, Zarragak jarrera matxista izan zuela iradokiz.
“Oso mingarria” egin zaio hori euskaltzale honi: joan den abuztutik gaiarekin bueltaka aritzeak eragiten dion nekea esplikatu du, eta nabarmendu du udalak orain arte berarekin izan duen komunikatzeko modua erasokorragoa izan dela administrazioak erabili ohi duen hizkera baino.
Honakoa irakur daiteke, adibidez, urrian udalak bere kexari erantzunez eman zion erantzunean: “Aztertzen ari garen kasu honetan bigarren mailan gelditu behar da hizkuntzaren gaia, egiaz beste zerbait delako garrantzitsuena: zure jokaera tamalgarria (…) agentearekin izan zenuen jokaerak argi erakusten du zenbaterainoko gizalegea duzun eta zein den herritar gisa duzun erantzukizuna”.
Isunaren aurrean zer egingo duen galdetuta, Zarragak adierazi du lehenbizi kolpea asimilatu behar duela, baina isuna errekurritzeko asmoa daukala. Bai pribatuan, bai sare sozialetan eustera eta segitzera animatzen duten mezuak jasotzen ari dela dio, eta Hau Pittu Hau konpartsaren babesa ere uneoro izan duela.
Bere kasutik abiatuta, administrazioak euskararekin daukan jarrerari buruzko gogoeta orokorragoa ere egin du: “Euskaraldia eta antzeko ekimenak oso ondo daude hizkuntzaren erabilera sustatzeko, baina administrazioaren egitekoa beste bat da, hizkuntza eskubideak bermatzea dagokio. Administrazioa ezin da Belarriprest izan, Ahobizi izan behar du”.
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Oraingoz hamabi gazte-taldek eman dute izena. Taldeen arteko bikoteak osatuko dituzte, eta haien arteko harreman informalak euskaratik eta euskaraz garatuko dituzte. Helburua da kontzientzia linguistikoa berpiztea. Euskal Herrian Euskarazek eta Gazte Euskaltzaleon Sareak abian... [+]
Hizkuntz Eskubideen Behatokiak argudiatu du kontraesanean daudela jardunaldien helburua, hau da, gaztelania bultzatzea, eta euskararen normalizazioa eta biziberritzea. Observatorio Global del Español erakunde antolatzaileari gutunez eman dio erabakiaren berri, eta 2024an... [+]
Donostiako Udaleko langileen batzordea osatzen duten bost sindikatuek (ELA, LAB, CCOO, Erne eta ESAN), akordioa egin dute, Euskaraldia dela-eta langileen parte hartze aktiboa sustatzeko eta euskaraz bizi eta lan egiteko aukerak bermatzeko. LABeko ordezkari Joseba Alvarezek... [+]
Nafarroako Unibertsitate Publikoko Euskara Taldeak inkesta bat egin du ikasleen artean. Halaber, euskara plana ikasturte honetan amaitzen dela ikusirik proposamen berriak egin dizkiote unibertsitateko zuzendaritzari. NUPen euskaraz ikastea "ezinezkoa" dela ere salatu... [+]
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]