NUPeko ikasleen %85,5ek uste du unibertsitatea ez dela “behar bezala ahalegintzen” euskarazko ikasketak bermatzeko orduan
Nafarroako Unibertsitate Publikoko Euskara Taldeak inkesta bat egin du ikasleen artean. Halaber, euskara plana ikasturte honetan amaitzen dela ikusirik proposamen berriak egin dizkiote unibertsitateko zuzendaritzari. NUPen euskaraz ikastea "ezinezkoa" dela ere salatu dute.
NUPeko Euskara Taldeak 2024-2025eko Euskara Diagnosia egin du NUPek euskarari bizkarra, ikasleok euskarari indarra! dinamikaren baitan. Diagnosiaren bidez unibertsitateak aurrera eramandako euskara plana eta horren ezarpena aztertu dituzte, baita ikasleek horren inguruan duten iritzia jaso ere.
Ezagutarazi dutenez, euskaraz eskainitako kreditu kopurua hazi egin bada ere, hots, 2.061 kreditutik 2.856ra, "dirudiena baino pobreagoa" da. Horren adibide Erizaintza, Medikuntza, Lan Harremanak eta Psikologia jarri dituzte, horietako batzuetan, "ezta ikasgai bakar bat ere ez" dago euskaraz. Halaber, salatu dute unibertsitateak euskara plana eskari eta eskaintza "logika utilitaristaren" bidez planteatu duela eta "hezkuntza publiko eta duina" euskaraz jaso ahal izateko eskubidea ez duela errespetatu.
Gainera, jakinarazi dute euskaraz ematen diren kredituek gora egin badute ere, goraldia Gradu Amaierako Lanei (GRAL) eta praktikaldiei esker izan dela. Euskara taldeak azken horietan jarri du enfasia: "Praktiketarako ez da inolako baliabide materialik eskaintzen". Praktikak euskaraz egiteko aukera "soilik Psikologian, Historian, Gizarte Lanean, Lehen Hezkuntzako Irakasletzan eta Haur Hezkuntzako Irakasletzan" dagoela ezagutarazi dute. Bide beretik, salatu dute unibertsitateak GRALa euskaraz egitearen ardura ikasleen gain jartzen duela eta gradu osoa gaztelaniaz egin behar izan duen ikasle batek nekez egingo duela euskaraz.
Euskara Taldearen proposamena
NUPeko Euskara Taldeak 2026rako plan estrategikoan unibertsitateak kontuan izan beharko lituzkeen gomendio eta proposamenak aurkeztu ditu. Hasteko, euskara teknikaria kontratatzeko eta euskara errektoretza berria eratzeko eskatu dute, lehenengoak "unibertsitatearen plangintza linguistikoa egin dezan", eta bigarrengoak "NUPen euskaratze prozesuan esku hartzea duen" organo bat eratu dezan. Euskara klaseetan zera bermatzeko eskatu dute: "Euskarazko C1 duten irakasleak kontratatzea eta gradua osorik euskaraz egin ahal izateko beharrezko baldintzak ezartzea".
Donostiako Udaleko langileen batzordea osatzen duten bost sindikatuek (ELA, LAB, CCOO, Erne eta ESAN), akordioa egin dute, Euskaraldia dela-eta langileen parte hartze aktiboa sustatzeko eta euskaraz bizi eta lan egiteko aukerak bermatzeko. LABeko ordezkari Joseba Alvarezek... [+]
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]
"No entiendo, en castellano por favor" eta gisakoak ohikoak dira eskolako guraso Whatsapp taldeetan, baina Irungo Txingudi ikastola publikoan euskara hutsean aritzeko modu erraz eta eraginkorra dute, behar duenarentzat itzulpen sistema berehalakoa ahalbidetuta.
.jpg)
Hizkuntz Eskubideen Behatokiak jaso ditu kexak: bisita gidatuak gaztelania hutsean, eta sarrerako zerbitzuetan ere bai. Bitxia da kontua: baskoien mintzairaren hitzak dituela uste den brontzezko objektua ikustera joan... eta azalpenak gaztelaniaz. Kexek eragina izan dute, eta... [+]
Gabonetako argiak pizteko ekitaldia espainolez egin izanak, Irungo euskaldunak haserretzeaz harago, Aski Da! mugimendua abiatu zuen: herriko 40 elkarteren indarrak batuta, Irungo udal gobernuarekin bildu dira orain, alkatea eta Euskara zinegotzia tarteko, herriko eragileak... [+]
Manifestazioa goizeko 11:30ean izango da, Justizia Jauregian. Mugimenduak euskaldunon eskubideen alde eta auziperatuekiko elkartasunean luzatu du deialdia. Auziperatuek iazko Euskararen Egunean Baionako Justizia Auzitegian "Justizia Euskararentzat" pintaketa egin zuten... [+]
Eskola segregatua izan da Gasteizko Judimendi ikastetxe publikoa, hiri guztiko ikasleak hartu ditu, jatorri atzerritarreko familien seme-alabak. Baina A hizkuntza eredutik D eredura igarotzeaz gain, auzoak eskola bere sentitzeko eta auzoko familiak erakartzeko egindako... [+]