85 kamioi hozkailu eta 250 anbulantzia bidali dituzte New York hirira, gorputegi gisa erabiltzeko

  • AEBetako krisiaren epizentroa New York Hiria da. Bertan dagoeneko 1.100 pertsona hil dira eta gora jarraitzen du pandemiak. Democracy Now hedabideak zabaldu duenenez, behin behinean gorputegi gisa erabiltzeko 85 kamioi hozkailu eta 250 anbulantzia bidali ditu Larrialdiak Kudeatzeko Agentzia Federalak. Gurutze Gorriaren itsasontzi ospitala ere iritsi da hirira.


2020ko apirilaren 01an - 20:59
New Yorken gorputegi gisa erabiltzen ari diren anbulantzien irudi bat.

Horrez gain, The Intercept hedabide independenteak informatu duenez, espetxe gisa erabiltzen duten Rikers Uharteko presoei orduko 6 dolar eta gaitzetik babesteko ekipamendua eskaini diete Hart Uharteko hilerrian hobi komunak zulatzearen truke.

Rikers espetxean koronabirusa zabaltzen ari da eta dagoeneko 167 presok eta 137 espetxezainek positibo eman dute.

New York hiriko Central Park-en, larrialditarako ospitalea ere eraiki dute. Hala ere, Democracy Now-n jaso dutenez, Samaritan's Purse kristau fundamentalisten ekimena da, eta hauen lider Franklin Graham modu nabarmenean da islamofoboa, anti-LGBTQ eta anti abortista. New Yorkeko alkate Bill de Blasiok esan du gainbegiratuko dutela ospitale horretan ez dela gaixorik diskriminatzen.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude