2022ko urtarrilaren 25a
Osakidetzak 6.000 euroko isuna jarri dio Last Tour enpresari, La Polla Records taldeak Gasteizen emandako bi kontzertuen arduradun izanik covid-19ari aurre egiteko "osasun-araudia ez betetzeagatik". Arrazoi horregatik jarri daitekeen isunik handiena agindu du Osakidetzak. Zehazki, COVID ziurtagiria ez eskatzeagatik eta espazio itxietan maskararen erabilera derrigorrezkoa dela ez gogorarazteagatik.
Urtea bukatu aurretik bi zuzeneko eman zituen La Polla Records taldeak Gasteizko Buena Arenan, abenduaren 17an eta 18an. Zuzeneko haien harira, antolatzaile lanetan aritutako Last Tour enpresari 6.000 euroko isuna jarri diola jakinarazi du ostiralean Eusko Jaurlaritzaren Osasun Sailak. Arrazoia: Covid-19ari aurre egiteko osasun-araudia urratu izana.
Ikuslegoari COVID ziurtagiria eskatu ez izana eta espazio itxietan maskararen erabilera derrigorrezkoa dela gogorarazi ez izana, bi neurri horiek urratzeagatik erabaki du Osakidetzak ekimenaren antolatzaileei zigorra ezartzea. Horrelako arau-hausteentzat aurreikusitako isunik handiena agindu du: 3.000 euro, zuzeneko bakoitzagatik; orotara, 6.000 euro.
Zuzeneko haietako batean, pandemiaren aurrean inkonformismoa agertu zuen La Polla Records taldeko abeslari Evaristo Paramosek, OMEren ikurra gurutzatuta ageriko egiten zuen kartel batekin igoaz agertokira. Irudi haiek zabalpena izan zuten hainbat hedabidetan eta sarean, zeresana sortuz.
Eusko Jaurlaritzako Osasun sailak jakinarazi duenez, azken zazpi egunetan 94 lagunek galdu dute bizia COVID-19aren eraginez. Aurreko astean kausa beragatik hil ziren 101 lagunei gehituta, azken hamabost egunetan ia 200 lagun hil dira koronabirusaren eraginez Araban, Bizkaian eta... [+]
Astelehenetik, txertatzea da hainbat leku eta zerbitzu publiko erabiltzeko eskubidea izateko modu bakarra.
Bizitza plataformak manifestazioa egin du Bilbon “Stop diktadurarako pasaportea” eta “Askatasuna” zioten bi pankartarekin. Milaka pertsona batu dira La Casillatik atera eta Autonomia kalean barrena joan den mobilizazioan. Covid pasearen eta haurren... [+]
Igande eguerdian milaka lagun atera dira Donostia, Bilbo eta Gasteizko kaleetara gehiengo sindikalak deituta, kalitatezko osasun publikoaren alde eta Lehen Arreta jasaten ari den kolapsoaren aurka. Oso gogor mintzatu dira Iñigo Urkullu buru duen Jaurlaritza osasun... [+]
