43,5 milioi euro bideratuko ditu Jaurlaritzak gizarte larrialdietako laguntzetara

  • Iñigo Urkullu Eusko Jaurlaritzako lehendakariak agerraldia egin du. Gizarte politikan eta lan esparruan onartu dituzten neurriez, Aste Santuko jai egunetan areagotuko dituzten kontrolez eta eskuartean duten Normaltasunera Itzultzeko Planaz aritu da.


2020ko apirilaren 07an - 14:55

Covid-19ari aurre egiteko aurreikusita duten 1.025 milioi euroko funtsaren barruan, Gizarte Larrialdietarako Laguntzetara 16 milioi euro gehiago bideratzea erabaki dute. Hala, guztira 43,5 milioi euro izango dira, “familia askori beren bizi-baldintzak hobetzeko aukera” emango dietenak, Urkulluren hitzetan. Bazterkeria eta pobrezia egoerei aurre egiteko 10 milioi euroko funtsa ere iragarri du.

Bestalde, 76 milioi eurorekin beste hiru laguntza programa sustatuko dituztela adierazi du lehendakariak: autonomoentzako laguntzak Lanbideren bidez, gazte bermearen sistema, eta kontziliaziorako laguntzak.

Aste Santuan, etxean

Jai egun hauetan etxean geratzeko deia egin du: “Egindako lan guztiari eutsi egin behar diogu. Bide onean goaz”. Segurtasun Sailak bigarren egoitzetara mugitzea saihesteko dispositibo bat antolatuko du.

Isolamendua luzatzearen alde agertu da lehendakaria. Hori bai, “zenbait jarduera egitea ahalbidetzeko” malguago jokatu ahal izatea eskatu dio Pedro Sánchez Espainiako Gobernuko presidenteari.

Azkenik, Normaltasunerako Itzultzeko Plana lantzen ari direla azaldu du, pixkanaka gauzatzen joan beharko dena. “Fase honetan, funtsezkoa da erakundeen arteko lankidetzari eustea, bai estatu mailan Gobernu Zentralarekin, bai maila autonomikoan foru-aldundiekin eta udalekin”


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude