31 eta paso?
Hara, frantsesek hautatu dute datozen bost urteetan buruzagi gisa edukiko duten lehendakaria: adinez gaztea, bankari eta ministro ohia, suhi ideala askorentzat, kontraesanez betea, beldurgarria neurri handi batean erreforma drastikoak eramango dituelako ekonomia eta sozial mailan, alderdi klasiko bat baino mugimendu heteroklitoa den En Marche!-en sortzailea, politikaren xake jokoaren taula uhertzen duela ezkerra eta eskuina olde berdinean urtuz. Makronismoaren uhinak irentsi gaitu hondarrean, ondikotz hala beharrez.
Emmanuel Macronen aukeratze aski esperatuaz gain, abstentzioaren eta boto zuriaren kopuru erraldoia da bozketa honen beste ezaugarria. Herritarren laurdena baino aise gehiago etxean geratu da maiatzaren zazpi eguzkitsu honetan edo ez du arriskurik hartu nahi izan izurria eta kolapsoaren artean. Astean zehar entzun eta irakurri dira antzeko diskurtsoak prentsan, karrikan eta autobusen anonimotasunean. Bakoitzak bere ikusmoldea eman du, demokraziaren mekanismoak olioztatuz.
Belauna biluzik azaldu zuen afixa lizunagatik, zer nahi erranik ere, hauteskundeok egiazki galdu dituen Le Pen anderearen aurkako bozka izan dela argi dago. Ez al dira funtsean hauteskunde guztiak kandidatu baten kontrakoak? Oso bekan edo behin bakarrik eman dugu –ustez…– boza boterean gustukoa genuenaren alde: 1981eko maiatzaren 10ean Mitterrand atera zen lehen. Denak oroitzen gara nola bukatu zen hamarkada hura: sozialismoak neoliberalismoari bidea ireki zion. Frantziako hauteskundeen psikodramak ez du sendagairik eta dezepzionatuak izatera kondenatuak gara.
Langileak, jende xeheak, klase ertaineko partaideak ez direnak dardarez daude gaur. Duda frankorekin joan dira bozkatzera eta hotsa eman diote beharbada azken odol xortaraino xurgatuko dituen piztia bati. 49-3 ordenantzaren larderiaz eta parlamentuen erabakien gainetik gobernatuko omen du: ez luke Frantziak xantza izan behar –Macronen lema– soilik CAC40eko nagusi eta jendarteko gutxiengo aberatsenarentzat. Herriaren ordezkariak direla aldarrikatzen jarraitzen duten politikariak, MEDEFeko arduradunak, Angela Merkel eta Jean-Claude Juncker pozik dira. Ez daiteke sobera seinale ona.
Macron Eliseora bidaliz frantsesek (Les français sont des veaux zioen De Gaulle azeriak) erakutsi dute kanpotarren eta jendarteko zati ezberdinekiko gorrotoarekin, beldur manipulatuarekin eta haserrearekin gobernatuko lukeen buruzagirik ez dutela desiratzen. Eta gaztetasunak ideia kementsuak ere ekar litzake. Ageriko ondoko hilabeteetan. Karrikan aurkituko gaitu legedia antisozialak pasarazteko xedea baldin badu.
Louvreko piramidearen maldara, ilunpean, Europako himnoa ozen, bere sostengatzaileengana hurbildu denean oinez, gure baitan aurretik ikusi irudien (eta bizituriko sentimenduen) panela inarrostea lortu du igande arratsean.
Anartean, 31 badu baina eskurik ez.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
Bortizkeria zuzenak, agerikoak eta isilak, gainjarriak eta zeharkagarriak, mikroak eta geldoak. Bortizkeria egunerokoan irristatzen da, uneoro, boterea edo erabakitzeko ahalmena duenak ez duenaren aurrean boterea erabiltzen duenean. Hainbeste egoeratan murgiltzen gara... [+]
Duela urtebete, toki honetan bertan, existitzen ez zen herri bati buruz idatzi nuen, eta existitzen ez den herri horrek Palestinako genozidioa geldiarazten lagunduko zuela amestu nuen. Argi dago ez dugula lortu. Urtebete geroago, oraindik ere, haurren hilketa masiboak eta herri... [+]
Hainbeste jainko, arima, teontzi… beren izatea frogatu ezinik, eta jendeak ez ditu sinesten zientziak, kazetaritzak… ahal bezala, baina geure espezieaz harro egoteko moduan, frogatutakoak. Batzuek Lurra laua dela diote, eta debekatuta dagoela Antartikara... [+]
Maiatza Birjina Mariaren hilabetea den bezala, amak ospatzeko aukera da Mendebaldeko jendartean. Kasualitatea? Ez dut uste. Frantses lurraldean, Vichyko gobernuak besta hori instituzionalizatu zuen. Helburua bertuteko eta sakrifizioak egiteko prest den pertsona hori handiestea,... [+]
Joan den maiatzaren 23an iragan da, Baigorriko elizan, aparteko kontzertu bat: 180 haurrek, 7 eta 15 urte artekoek, maila handiko kantu emanaldia eskaini diote eliza mukuru bete zuen jendeari. Haur horietarik batzuk Donazaharre eta Baigorri aldean kokatua den Iparralai musika... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Bestea”-k gogaituta du gizateria, duena kenduko dio, duena eraldatuko du, kutsatuko du... “Bestea”-k definitzen gaitu... baina “bestea” denok izan gaitezke.
Egun, nor da “bestea”? Nork seinalatzen du izan behar ez dena?
Zapalduen... [+]
Oporretan nago baina oraindik ez dut zutabea hasi. Oporretan nago baina nire gelak ez du igarri. Oporretan nago eta etxeko hautsa ez da mugitu. Oporretan nago eta topaguneko kanpin dendak lokatzez beteta jarraitzen du egongelan. Oporretan nago baina nire agenda ez da... [+]
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Haurrak begiratzeko gure paradigma ez da erabat aldatu, baina aldaketak-edo egiten ari gara, egia da, beste kontzientzia maila batekin, aferak duen garrantziagatik-eta. Bazen garaia. Kontua da, baina, haurren bizitza gure esku dagoela, eta behar duten bizimoduan aldaketak... [+]
Stanfordeko Unibertsitateak dohainik eskaintzen duen Storm deituriko erreminta ezagutu berri dut. Adimen artifiziala erabilita, edozein gairen inguruan artikulu akademikoak sortzeko diseinatutako ikerketa tresna da. Fidagarriak eta baimenduak diren hamaika iturri erabiltzeko gai... [+]