300 pertsona Mauleko jendarmeria aurrean Barkoxeko baserritarra sostengatzen

  • ELB sindikatuak deiturik, ostiraleko bazkalondoan Mauleko jendarmeriaren aurreanhiru ziento herritarrek laguntza handia eman diote hegaztien gripea dela eta bere ahate sanoak hiltzeko aginduari aurre egin zion baserritarrari, Barkoxeko Uhartia etxaldeko Cathy Xabalgoitiri.

Pello Zubiria Kamino @pellozubiria
2017ko abenduaren 18a
Herritarrak ahate haztegi txiki bat daukan Cathy Xabalgoiti barkoxtarra defenditzen. (Argazkia: De Prada)

Joan den apirilean poliziak saiatu ziren Gabadi eta Domintxinen bezala Barkoxeko baserri honetan ere sartzen, hegaztien gripea dela eta agintariek erabakitako ahate hiltze masiboa egiteko. Beren ahateak sano daudela demostratuz agindua betetzea errefusatu zuten hiru baserritarrek aurre egin zieten poliziei, orduan ere zientoka laborari, agintari eta orotako herritarrek lagunduta. Geroztik, ordezkari sindikalek agintariekin hala moduzko irtenbide bat negoziatu arre, administrazioak presio egiten jarraitzen du hiru abeltzainoi: urrian Bidaxunen kriaxera arrazako ahatekumeak ugaltzen dituen laboraria ordu luzez galdekatu zuten Bastidako jendarmerian, haren sostenguan hurbildutako jendeen haserre artea. 

Iparraldeko ahate hazle txikiek, eta oro har Frantzia osokoek, behin eta berriro salatu dute hegaztien gripea haztegi handi industrialetan antolatutako produkzio ereduak eragindako fenomenoa dela eta teknikarien laguntzaz erakutsi dute ahatekumeak sortuz geroztik hiltzera arteko prozesu osoa, elikagai gehienak etxean ekoiztea barne, lekuan bertan egiten duten haztegietan ahateen osasuna ondo kontrolatua dela. Administrazioak, hala ere, segitzen du ahate guztiak hiltzeko agindu orokorra bete ez zuten baserritarrak pertsegitzen. Mauleko jendarmerian konbokatutako Cathy Xabalgoitiren galdeketa izan da azken adibidea, polizi-etxearen atarian bildutako herritarrek gogor salatu dutena.

Frantziako telebista publikoak erreportai labur honetan Mauleko alkate Michel Etxebestek azaldu duenez, laborarien sostenguan parte hartu duten agintariek ere jasan dute Pariskoen errepresioa, bidean zeuzkaten diru-laguntzak etenez, esaterako.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hegazti gripea  |  Zuberoa

Hegazti gripea kanaletik interesatuko zaizu...
2018-10-22 | ARGIA
ELBko lehendakaria eta Barkoxeko laborari bat epaituko dituzte ahate sanoak hiltzen ez uzteagatik

ELBko lehendakari Panpi Sainte-Marie Barkoxeko Ühartia etxaldeko nagusi Cathy Xabalgoiti Pauen epaituko dituzte azaroaren 5ean, hegaztien gripearen aferan etxalde hartako ahatek hiltzera joandako DDPP zerbitzuko funtzionarioei bidea itxi zietelako. Ondoren prefetaren aginduz ahate haiei egindako analisi guztiek erakutsi dute ahateak sano zeudela, baina hala ere Paueko prokuradoreak auzitara iritsi arteko onik ez du izan.


Borrokatu eta irabazi: ELBk Bidaxunen aurkeztu ditu 'kriaxera' ahatekume intsumituak legalitate osoan

Albiste ona ahate gripearen gatazkan, ELB sindikatuak zabaldu duenez. Ahateak hiltzeari uko egin eta Frantziako agintariei aurre egin ostean, Bidaxunen inguruko baserritarrak ‘kriaxera’ arrazako ahatekumez hornitzen dituen Lataillade familiak baimen eta berme guztiekin saltzen ditu berriro.


Panpi Sainte-Mariek jendarmeen aurrean defenditu du ahateak eta baserritarrak salbatzeko herri harresia

Bi orduz galdekatu dute Panpi Sainte-Marie ELBko idazkari nagusia Mauleko jendarmerian, Barkoxeko Uhartia etxaldean hazten dituzten ahateak administrazioaren aginduz hiltzea eragozteko mobilizazioagatik. Sainte-Mariek uko egin dio galdeketa luzean egindako 50 galderetako bakoitzari erantzutea, baina bere kabuz egindako deklarazioan adierazi die hegaztien eritasuna baino arriskutsuagoak direla administrazioaren neurriak.

 


2018-01-10 | ARGIA
Ahate-hiltzeen aurkako ekintzengatik jendarmeen aurrean deklaratu beharko du ELBko idazkari nagusiak

ELBko idazkari nagusia jendarmeen aurrean deklaratzera deitu dute iaz ahateen hiltzearen kontra egindako mobilizazioarengatik.


Ahateen krisia
ELBko baserritarrek Bidaxuneko Lataillade familia defenditu dute jendarmeen aurrean

Bidaxunen ahateak hazten dituzten eta agintariek agindu bezala horiek hiltzeari uko egin dioten Lataillade familiakoak sei orduzeduki zituzten jendarmeek atzo galdeketan Bastidako (Nafarroa Beherea) jendarmerian. ELBko nekazariak eduki zituzten atarian, baserritarren babesean etorriak.


2017-06-20 | ARGIA
Ahateak hiltzeari uko egin zion Bidaxuneko etxalde batetik dokumentuak eraman dituzte jendarmeek

Bidaxuneko Lataillade familiaren etxera joan dira jendarmeak ekainaren 20ko goizean, Prefekturak Baionako Auzi Zibilen Auzitegiari jakinarazi eta gero etxalde horretan ez zela bete ahateak hiltzeko agindua, hegazti gripea dela eta. Etxaldeko buruari galderak egin eta hainbat dokumentu eraman dute poliziek.


ELBren beste desobedientzia ekintza bat: ahate-txitoak gorde ditu boluntarioen artean

Bidaxunen atzo, asteazkena 14, Parisko gobernuaren aginduz heriotzara kondenatuta zeuden ahate txitoak banatu ditu ELB sindikatuak horiek salbatzeko adoptatu nahi izan dituzten baserritar eta bestelako jende boluntarioen artean. Helburua: granja handietatik zabaltzen den hegazti gripearen kontrako borrokan kaltetuak ez daitezela atera gripearen zabaltzean errurik ez duten etxalde txikiak eta agintarien kanpainak arriskuan jartzen dituen lekuko ahate arrazak.


Barkoxe, Gabadi eta Domintxineko etxaldeen aldeko diru bilketa

Beren hegaztiak hiltzeari uko egin zioten hiru baserritarrek lortu zuten ahate eta oiloak bizirik atxikitzea, Iparraldeko beste laborari, herritar eta hautetsien laguntzaz. Baina ordainetan, 20.000 euro kostako zaizkien analisi garestiak egitera behartu ditu administrazioak. Ordaindu ezin dituzten gastuok kitatzeko Iparraldeko nekazari txikiak dirua biltzen ari dira.


Jean-Michel Berho. Domintxineko ahate hazlea
"Milioika hegazti hil dituzte, arazoaren zinezko kausari buru egin gabe"

Auzo baten etxean hegazti gripea agerturik, beste hainbat laborariren gisara, prebentzioz ahateak hiltzera behartu zuten Jean-Michel Berho. Neurria ez onarturik, etxaldera zetozen Frantziako Estatuko osasun zerbitzuko ordezkariak oztopatzen aritu zen, kontsumitzaileak eta ELB sindikatuko laborariak zituela ondoan. Borroka irabazirik, irakaspen bat atera dela dio: “Ekoizleek badakite kolektiboki garaitu daitekeela makina administrazio pisu hau”.


2017-04-26 | ARGIA
Gabadi, Domintxine eta Barkoxeko baserrietako ahate eta oiloak ez dituzte hilko

Zaintza sanitario pean ezarri dituzte Gabadi, Domintxine eta Barkoxeko oilo eta ahate sanoak  eta honenbestez hiltze agindua bazter utzi dute behin betiko, ELB sindikatuak jakinarazi duenez. "Sentsu ona garaile izan da azkenean".


Eguneraketa berriak daude