Ahate etxaldeak defendatzeko oihua Donapaleun
Ehunka lagunek erantzun zioten larunbatean ELB sindikatuaren deiari. Hegazti gripearen aurrean, konfrontazioa aurreikusi dute sano dauden hegaztiak hiltzera derrigortu nahi badituzte.
Baxe Nafarroako herrian larunbatean eginiko manifestazioa jendetsua izan zen. ELBren esanetan bostehun pertsona baino gehiagok babestu zituzten ahate etxaldeetako jabeak eta erresistentzia antolatzeko erakutsi duten asmoa administrazioak hegazti sanoak hiltzera derrigortu nahi izanez gero.
Manifestazioaren amaieran, zenbait ahate etxaldetako kideek hitza hartu zuten. Besteak beste, orain erasaten ari den gripea 2017koa baino bortitzagoa dela adierazi zuten, “errazago ukitzen ditu animaliak eta bizkorrago hiltzen ditu”. Etxalde txikien eta eredu industrialeko esplotazioen arteko aldean jarri zuten azpimarra: lehenbizikoetan, azaldu zuten, “dentsitatea ez da handia, hegaztiak dispertsatuak dira, eta ez daude bata bestearen ondoan”; bigarrenetan, aldiz, “animalia gehiago, kontzentrazio gehiago, arazo gehiago”.
Bataila antolatu
ELBko ordezkariek ere hartu zuten hitza, prefetari ohartarazpen zuzena eginez: “Historia errepikatu nahi badu mobilizatu egingo gara [2017an nekazariek aurre egin zieten jendarmeei], soilik sano diren hegaztiak hiltzen ez badituzte ekidin ahal izanen da konfrontazio irudia”. Behar izanez gero “bataila antolatzeko” deia egin zien ELBk bertaratutakoei, beren izenak ematera gonbidatuz “unea iristen denean behar bezala erantzungo duen sare bat prest izateko”.
Azken urteetan errepikatzen den gaitza dute hegazti gripearena laborariek. Frantziako Estatuak bideratu aterabideak –hegazti guzien hilketa prebentiboak eta kabalak barnean atxikitzea– gogorki gaitzesten ditu ELB sindikatuak. Egoeraren larritasunaz ohartarazteko eta... [+]
Animalien osasunaz arduratzen den DDPP departamendu mailako zerbitzuak Pauen dituen bulegoak okupatu dituzte ekainaren 8an, ELBk eta Biarnoko Modef eta Confederation Paysanne sindikatuek ere. Poliziak kanporatu ditu.
ELBk berriz ere bere arrangurak agertarazi ditu hegazti gripeari begira. Euskal Herriko Laborarien Batasunak jakitera eman duenez, iragan hiru asteetan 70 kutsadura kasu aitortu dira Aturri arroko etxaldeetan, horietatik 50 Gersen, hemezortzi Landetan eta bi... [+]
Ehundik gora lagun elkartu dira Ilharren (Nafarroa Beherea) Bidarteberria etxaldearen aitzinean, zerbitzu sanitarioko ordezkariei bidea mozteko. Hegazti gripearen testuinguruan, 200 ahateren hiltzea oztopatzea lortu dute.
Kanpoan hazten diren hegaztiak hiltzea da Frantziako Gobernuak darabilen estrategia, hegazti gripeari aurre egiteko. Euskal Herriko Laborarien Batasunak (ELB) ohartarazi du estrategia hori antzua dela eta etxalde txikiek ez dituztela kudeaketa txarraren ondorioak pairatu behar... [+]