Ahateen krisia

ELBko baserritarrek Bidaxuneko Lataillade familia defenditu dute jendarmeen aurrean

  • Bidaxunen ahateak hazten dituzten eta agintariek agindu bezala horiek hiltzeari uko egin dioten Lataillade familiakoak sei orduzeduki zituzten jendarmeek atzo galdeketan Bastidako (Nafarroa Beherea) jendarmerian. ELBko nekazariak eduki zituzten atarian, baserritarren babesean etorriak.

Pello Zubiria Kamino @pellozubiria
2017ko urriaren 19a
ELBk deituta, baserritarrak Bastidako jendarmeriaren atarian: barruan sei orduz galdekatu zituzten Bidaxuneko ahatezainak. (Argazkia: ELB)

Dozenaka herritar bildu ziren atzo Bastidako jendarmeriaren aurrean, ELB sindikatuak deituta, bertan galdekatzen ari ziren Lataillade familiako ahatezainei beren babesa adierazteko. Gaur ELBk jakinarazi du sei orduko itaunketa gogorra jasan zutela baserritarrok. Hogei orri betetzen zuten galderak egin zizkieten, hegazti gripearen kontra agintariek erabaki eta sindikatuak ez onartutako neurriak urratzeagatik. "Hogoi orrialdetan bildu galderak pausatuak izan zaizkie –salatu du ELBk agiri batean–, administrazioak jadanik eskutan dituen informazioeri lotuak gehienak. Zer izanen zen zinezko gaixtaginak izan balire? Hori guzia ahate sano batzurendako!".

Jendarmeria atariak bildutako ziento bat jendeek pazientziaz egin zioten aurre euriteari, Lataillade familia ahateen hazkuntza iraunkorrean eta txitoen ugalketan seriotasun handiz jokatzen ari dela eta administrazioak bere jazarpen juridiko eta ekonomikoa eten behar duela adierazteko eta salatuz gaia ez dela batere azienden osasunari buruzkoa "baizik eta politikoa. Kontrol guziek argitu frogatua dute ez dela eritasunik etxalde horretan: aktibitate normal eta

legal batetara itzuli behar du beraz, eta inposatuak zaizkion zaintze neurriak altxatu behar dira. Ahate ttipiak Bidaxuneko etxaldean erosten dituzten etxe hazkuntza guztiei ere kuadro legala ideki behar zaie berriz, egun irrisku juridikoa baitute ahate ttipiak han erostean".

Presio neurri bezala, ELBk iragarri du hemendik aurrera ez dutela gehiago onartuko hegaztiei astero egiten dieten analisirik. Eta beste edozein etxaldetan agintariak eskua sartzen ari direla jakin orduko mobilizatuko direla.

Kanal hauetan artxibatua: Laborantza  |  Hegazti gripea

Laborantza kanaletik interesatuko zaizu...
"Historiaren estolda-zulotik joandako mundu baten ondorengoak gara"

Hernanin bildu gara Luzaiden bizi den bartzelonarrarekin, bilera-oste eta bazkalaurreko tartean. Marc Badali buruzko informazioa bilatzean, honelakoekin egin ohi da topo: nekazaritza ekologikoa, okupazioa, autogestioa… Izan ere, orain 20 urte mendiko eta landa-eremuko esperientzia libertarioak ezagutu zituenetik buru-belarri ibili da gizarte-eraldaketaren praktikan.


Baserria eta berton bizi garenon etorkizuna

Jesus Mari Gonzalez Martinez eta Angela Linskey Abaltzisketako "Naera Haundi" baserrian bizi dira. Produktu ekologikoak (mermelada, esaterako) produzitzen zituzten duela gutxi arte. Ekoizleek 65 urte betetzean diru-laguntzak eteten zaizkiela-eta, ezin izan diote lanari eutsi.


2017-11-22 | Jon Torner Zabala
Sagardo Forumak hamaika hitzaldi eta nazioarteko lehiaketa jasoko ditu

Sagarra, sagardoa eta sagardotegiak baliabide turistiko gisa. Gai horiek ditu ardatz ostegunetik larunbatera Hernaniko Orona-Ideo eraikinean egingo den II. Sagardo Forumak. Sagardoaren Lurraldeak antolatu ditu jardunaldiok.


2017-11-02 | Unai Brea
Zergatik da hain garrantzitsua Monsantorentzat glifosatoa defendatzea?

2016ko hasieratik bosgarren aldiz, Europako Batzordeak ez du lortu EBko estatu kideen gehiengoa glifosato herbizidari baimena luzatzearen alde agertzea. Indarrean dagoen baimena aurtengo abenduaren 31n iraungiko da, eta beste hamar urterako berritu nahi du Batzordeak, erabilerari inolako mugarik ipini gabe.


2017-10-30 | Etxalde
Lurzaindiak Zuberoan beste baserri bat erosteko kanpaina abiatu du

Lurzaindia diru bilketa kanpaina batekin Arrokiagako Eskanda etxaldeaz jabetuko da, Anne Lavis laborariari lan tresna atxikitzea ahalbidetzeko. Gazteen instalatzeko tresna balin bada Lurzaindia, aspaldiagotik laborari direneri ere laguntza ekartzen ahal die.


2017-10-12 | Errigora
Zubigintza Errigoran
MULTIMEDIA - erreportajea

"Zubigintza amildegiak gurutzatzeko artea da. Bizkarrez dauden munduak elkarri begira jartzekoa. Ertza abiapuntu bihurtzekoa. Alegia egia egitekoa. Horixe da, hain zuzen, Errigoraren langintza: zubiak eraikitzea".


"Argi utzi dugu gure feminismoa nekazariena eta herritarra izango dela"

La Vía Campesina mugimenduak mende laurdena darama martxan eta uztailean Euskal Herrian egin zuen bere ibilbideko zazpigarren kongresua. Derion bildu ziren munduko hamaika txokotako nekazarien ordezkariak, tartean, Francisca “Pancha” Rodriguez txiletarra, emakume eta nekazarien babeslea. Herrion kontzientzien gainean zama handia dagoela uste du, eta ez du erronka handia gutxietsi nahi, baina Pinocheten diktaduraren aurka borrokatu zenak oraindik ez du itxaropenik galdu.


2017-10-08 | Garazi Zabaleta
Denda ekologikoz gain gizarte eragile

Ordiziako produktu ekologikoen denda txikia da Goierriko Baratza, duela 13 urte bi kideren artean sortua. “Hastapen hartan ez zegoen egungo eskaintzarik produktu ekologikoetan, eta ikusi genuen bazegoela modu horretako denda irekitzeko aukera”, azaldu du Danel Etxeberria Pascual kideak. Hasieratik bi kideek garbi zuten, ordea, negozio hutsetik haragoko proiektua izanen zela abiatutakoa. Kontsumo ekologikoaren gaia gizarteratzeko lan aktiboa eginen zutela, alegia.


2017-10-06 | Etxalde
Baserritarrak kexu dira sagarraren prezioak tamalgarri izaten jarraitzen duelako

Sagardoaren Jatorri Izendapenak aukera itzelak ematen dituen tresna den arren, Euskal Sagardoa martxan jarri zenetik bildu den lehen uztan sagarraren prezio tamalgarriak mantendu dira.


2017-09-26 | ARGIA
Gasteizko ARGIA Eguneko bazkarirako txartelak jadanik salgai

Urriaren 7ko herri bazkarian bertako jaki ekologikoekin osatutako menua izango da aukeran Gasteizko Landatxo kirol gunean; eta kafearen ostean Mirari Martiarenaren monologo umoretsua. Erreserbatu tokia lehenbailehen.


Azkenak
EGILEA
Eguneraketa berriak daude