Hiru kolonoen gorpuak aurkituta, “mendekua” abiatu du Israelgo Gobernuak
Astelehen arratsean aurkitu dituzte desagertutako hiru kolono israeldarren gorpuak. Israelgo Gobernuak Hamasi egotzi dizkio hilketak, talde islamistak publikoki kontrakoa adierazi badu ere. Benyamin Netanyahuren Gobernuaren erantzuna justiziatik baino militarren eskutik etorri da: Zisjordanian 18 urteko gazte bat hil, Hebronen ustezko bahitzaileen etxeak suntsitu eta Gaza bonbardatu dute.
aurre egingo dieten hedabide independenteak
Ekainaren 12an desagertu ziren Naftali Frenkel, Gilad Shaar eta Eyal Yifrach gazte israeldarren gorpuak astelehenean aurkitu ditu Israelgo armadak Zisjordaniako Halhul herriko inguruetan. MaanNews berri agentzia palestinarrak zabaldu duenez, aurkikuntza horrek alarma piztu ditu bart Palestinan. Askok aurreikusi bezala, militarren erasoak geratu ziren Zisjordania eta Gazako hainbat lekutan.
Mendeku deiak
Israelgo Lehen Ministro Benjamin Netanyahuk, Palestinako talde politiko eta armatu nagusienari, Hamasi egotzi dio errua eta hiltzaileak "giza animaliak" izendatu ditu. "Hamasek ordainduko du", adierazi du baita "mendeku" hitza aipatu ere. Ildo horretako mezuetako bat Michael Ben-Ari politikariarena izan da. “Mina arerio krudelari pasa behar zaio. Ramadan bilaka dezagun haien hilabeterik ilunena!”, eskatu du bideo bidez. Etxebizitza Ministro Uri Arielek Hamaseko buruzagien hilketa eskatu du eta Gobernuak "kolonia berrien eraikuntza masiboari ekin" beharko litzaiokeela adierazi du. Sare sozialetan mugimendu sionistaren mezuak harago joaten ari dira eta "arabiarrak akabatzeko" mezuak ugaltzen ari dira.
Gobernuaren erantzun militarra
Iluntzeko erantzuna prestatu bitartean, Israelgo segurtasun kabinetea bildu bezain pronto armadak Halhul eta Hebron hiriko sarrera guztiak itxi zituen. Gauean Marwan Qawasmeh eta Amer Abu Aishah, Hamaseko ustezko kideen etxeak suntsitu ditu armadak. Israelgo Gobernuak bi gizon hauek ditu susmagarri nagusitzat. Bestetik, 18 urteko Yusuf Abu Zagha palestinarra tiroz hil du armadak Jeningo errefuxiatu eremuan.
Hilik aurkitu dituzten hiru israeldarrak
Israelgo Armadak Jeninen hil duen Yusuf Abu Zagha
Israelgo armadak suntsitutako etxeetako bat, Abu Aisha familiarena.
Rafah hiria, bart
Bonbardaketa
Munduko kartzelarik handiena bezala ezaguna den Gazako zerrendan, 30 bonba eraso burutu ditu bart Israelgo armadak, airez eta itsasoz. Israelgo iturri ofizialen arabera eraso hauek Hamas eta Yihad Islamikoa erakundeen instalazio militarren aurka egin dituzte. Erasoan Jan Yunis herrian lau herritar zauritu dituzte eta beste pertsona bat desagertuta dagoela zabaldu dute hainbat hedabidek.
Kolonoen erantzuna Bahiketa Alon Shvut koloniatik irtetzen ari zirela gertatu zen eta, Times of Israel egunkariak dakarrenez, asteartean kolonia horretako biztanleek gazteen memoria oroitzeko beste kolonia bat sortu dute Jerusalem hegoaldeko lurretan. 'Givat Oz Gaon' izena jarri diote Gil-ad, Eyal and Naftali izenen laburdura hebreeraz.
Bahituen bilaketa lanen emaitza militarra
Hiru gazteen gorpuak aurkitu aurretik Israelgo armadak itzal luzea utzi du azken bi asteetan Palestinan: 8 palestinar hil, 560tik gora atxiloketa egin eta bi mila etxe baino gehiago suntsitu ditu.
Asteartean Netanyahuren segurtasun kabinetea berriz bilduko da, erantzun militarraren tamaina nolakoa izango den aztertzeko.
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]