Pasaiako Portuak eta Euskal Trenbide Sareak etxetik bota nahi dituzte hamabi familia. Ekainaren 1ean Trintxerpen mobilizatzera deitu du Oarsoaldeko Etxebizitza Sindikatu Sozialistak.
Maiatzaren 21ean, Pasaiako Portuan elkartu ziren Trintxerpeko (Pasaia, Gipuzkoa) Escalerillas blokeko hainbat bizilagun eta Oarsoaldeko Etxebizitza Sindikatu Sozialistako zenbait militante. Escalerillasetik hamabi familia bota nahi dituzte Portuak eta Euskal Trenbide Sareak, eta bizilagunek ez daukate bizitoki-alternatibarik ziurtatuta. Hortaz, Portura bertaratu eta guztientzako alternatiba bat aldarrikatu zuten atzo.
Bizilagunek eta Etxebizitza Sindikatuak 2.000 sinadura bildu dituzte azken asteetan, Escalerillaseko guztientzako bizitoki-alternatiba baten alde. Lortutako sinadura guztiak entregatu zizkioten atzo Pasaiako Portuko agintaritzari, nahiz eta hark uko egin zien bildutako sinadurei eta horiek oinarritzat dituzten exijentziei.
"Borrokan jarraituko dugu, entzun gaitzaten eta hamabi familia horientzako bizitoki-aterabide bat lortzeko", azaldu zuen atzo sindikatuko kide batek. Bide horretan, mobilizazio deialdi bat daukate eginda datorren ekainaren 1erako, Trintxerpen bertan. 12:00etan hasiko da manifestazioa, Gudarien Plazatik.
Kaleratzeak Stop plataformak hiri antolamendurako plan orokorraren (HAPO) berrikuspenaren kontra jotzea erabaki du. Zehazki, ostatu erabilerei buruzko aldaketari alegazioak aurkeztuko dizkiote. “Gure ustez, Donostia osoa tentsio handiko eremua da egun alokairuaren prezio... [+]
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]
Europako Banku Zentralak interes tasak jaitsiko ditu ostegun honetan, bi urtetako etengabeko gorakadaren ondoren. Diruaren garestitze edo merkatzeak zuzeneko eragina du Euriborrean eta herritarrek ordaindu behar duten hipoteketan. Baina nola nabarituko da aldaketa hori?
Emantzipatu nahi duten baina ezin duten gazteen kopurua gero eta handiagoa da Europar Batasunean. Errealitate hori datutan jarri du Eurofund erakundeak argitaratu berri duen ikerlan batek, eta etxebizitzaren garestitzea da arrazoi nagusietako bat, baina ez bakarra.
Orain dela egun batzuk Bilboko metropoliko AZET sindikatuak hitzaldi batean parte hartzera gonbidatu gintuen. “Turistifikazioaren aurkako tresnak eta borrokak aztergai” zioen solasaldiak, eta hantxe izan ginen gure ekarpen xumea egiten.