20 urte beharko dira Gazan suntsitutako etxebizitzak berreraikitzeko
Duela astebete Gazan su-eten iraunkorra iragarri eta gero, palestinar askok beren etxeetatik kanpo jarraitzen dute eta milaka etxebizitza suntsiturik geratu dira Israelgo armadaren bonbardaketen ondorioz. Nazio Batuen Erakundearen (NBE) arabera, Israelek egun ezartzen dituen oztopoekin jarraituz gero, 20 urte beharko dituzte eraitsitako eraikinak berreraikitzeko.
500.000 palestinar baino gehiagok beren etxeak utzi behar izan dituzte Gazan. Ekialde Hurbileko Palestinar Iheslariei Laguntzeko Nazio Batuen Agentziaren (UNRWA ingelesezko sigletan) datuen arabera, 58.071 pertsonak NBEren 36 eskoletan bizitzen jarraitzen dute oraindik.
Israelen erasoek 15.670 etxebizitza kaltetu dituzte guztira, eta horietatik 2.276 guztiz suntsitu. 108.000 palestinar inguruk epe luzerako irtenbideak beharko dituztela aurreikusi du NBEk.
NBEren eskolak, “esperientzia negargarria”
Asma al-Rumi Nazio Batuen eskola batean Rafahn bizi da bere familiarekin uztailaren 18tik. “Leku txikia da, eta lehen jende asko zegoen, eta asko gaixo zeuden. Jendez beteta zegoen, zarata asko eta ur garbirik ez. Otordu bat genuen egunean, eta ez zizkiguten ematen manta eta koltxoi nahikorik lo egiteko”, azaldu dio Electronic Intifada webguneari. Dutxak su-etena iragarri baino hamar egun lehenago jarri zituztela ere adierazi du.
Batzuk beren etxeetara itzuli ahal izan direnez, egoera orain hobea dela dio al-Rumik, baina hala ere “esperientzia negargarria” dela: “Eskolako arduradunek gauero kontaketa egiten dute. Norbait ez badago ez diote janaririk ematen hurrengo egunetan. Esaten dute jarraibideak ez dituztela beraiek ezartzen, goi-karguetan daudenek baizik”.
Israelek abuztuaren 3an Rafah-ko eskolari eraso egin zion eta hamar pertsona hil zituen. “Israelgo armadari 33 aldiz esan genion eskola hori jendea hartzeko erabiltzen ari zela, azkeneko aldian erasoa egin baino ordubete lehenago bakarrik”, adierazi du Pierre Krähenbühl UNRWAren komisarioak.
Titularra irakurri eta baten batek pentsatuko du esajerazio bat dela, neurriz kanpoko orokortze bat egin duela kazetariak. Israelgo informazio zerbitzuetako sei langile ohien lekukotasunetan oinarrituriko 'Lavender': The AI machine directing Israel's bombing spree in... [+]
Nazioarteko eta Israelgo hedabideek zabaldu dute Nazioarteko Zigor Auzitegiak (NZA) asmoa duela Israelgo zenbait agintari atxilotzeko, gerra krimenak eta gizateriaren aurkako krimenak egotzita.
Turkiak jakinarazi du Israelekin zituen merkataritza harreman guztiak eten dituela eta Nazioarteko Justizia Auzitegian Israelen aurkako genozidio salaketarekin bat egitea eskatuko duela.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
34.500 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.