19 urteko espetxe zigorra eta 82.000 euro, Bilbon enpresa batekin aurrera eramandako gatazka batengatik
Bilboko Langile Autodefentsa Sareak 2020an Limpiezas Arana – Fernández Aguilar garbiketa enpresarekin abiatutako gatazkaren harira, zazpi pertsona daude inputatuta, derrigortzeen delitu jarraitua gauzatu izana leporatuta. Orotara, 19 urte arteko espetxe zigorra eta 82.000 euro eskatzen dizkiete Fiskaltzak eta akusazio partikularrak. Errepresio kasua salatu eta prozesu judizialaren gastuei aurre egiteko Korapiloa Askatu kanpaina dute martxan.
2020ko azaroa akaberan abiatu zuen Bilboko Langile Autodefentsa Sareak Limpiezas Arana – Fernández Aguilar garbiketa enpresarekin gatazka, "kontraturik gabe eta egoera zaurgarrian zegoen langile migratu" batek jasandako gehiegikerien aurrean enpresari hainbat exijentzia helarazi zizkiotenean. Enpresak eskakizunei entzungor egin zienez zenbait astez luzatu zen gatazka, eta egoera horretan, "enpresaren abusu sistematikoak" ikusarazteari ekin zion sareak, mobilizazioen zein informazio-mahaien bidez. Enpresako jabeak salaketa jarri zuen beraien aurka, eta enpresak Bilboko Uribarri auzoan duen egoitzaren parean egindako mobilizazioetako batean Ertzaintzak zenbait kide identifikatu zituen, megafonoz hitz egiteagatik edota esku-orriak banatzeagatik. Tarte gutxiren bueltan, beste zenbait kidek zitazio judizialak jaso zituzten, mobilizazioetara deia egin edota hedabideei elkarrizketak eskaintzeagatik. Aste batzuen buruan, otsailaren 22a eta 25a artean, sei kide atxilotu zituen Espainiako Poliziak, langilea barne.
Atxiloketokin abiatutako prozesu judizialean zazpi kide deitu zituzten deklaratzera, derrigortzeen delitu jarraitua gauzatu izana leporatuta. Berriki jakinarazi dute zazpi pertsona horiei Fiskaltzak eta akusazio partikularrak eskatzen dieten zigorra: 19 urte arteko espetxe zigorra –2 urte eta bederatzi hilabete bakoitzari– eta 82.000 euro. Auzipetuek enbargatuta dituzte kontu korronteak eta nominak.
Korapiloa Askatu, errepresioari aurre egiteko dinamika
Jasaten ari direna errepresio politikoa dela azpimarratu, eta irakurketa egin dute: "Jakin badakigu errepresio politikoa burgesiaren interesak bermatzeko helburuz estatuak aplikatzen duen aparatu hertsatzailea dela eta honen botere hegemonikoa zalantzan jartzen duten antolakundeen aurrean erabiltzen dela. Errepresio-mekanismoak, hala nola isunak, identifikazioak, jarraipenak, kontrolak, atxiloketak eta baita espetxe zigorrak ere, indartu egin dira azken urteotan estatuaren deriba autoritarioaren eskutik, baina argi daukagu ez direla elementu berriak gizarte kapitalistan. Errepresioa ezinbesteko arma da klase zapaltzailearen boterea iraunarazteko, borrokak ahultzeko eta kriminalizatzeko".
Jasaten ari diren errepresio bistaratu eta prozesu judizialaren gastuei aurre egiteko Korapiloa Askatu dinamika dute martxan.
Ehunka lagun mobilizatu dira asteazken arratsaldean Gasteizko Alde Zaharreko kaleetan barrena, Korda espazioaren desalojoaren aurka. Manifestazio amaierako hitzartzean, goizeko desalojoan ertzainek buruan zauritu duten Kordako kidea jada etxean eta "ondo" dagoela... [+]
11:30ean burutu du Poliziak desalojoa, atea rotaflexarekin ireki eta barruan zeuden pertsonak aterarazi ondoren. Ertzaintzak pertsona bat zauritu du buruan eta furgoneta batean eraman du. Herritarren "babes itzela" eta Ertzaintzak erabilitako "biolentzia handia"... [+]
Salvador Puig Antich frankismoaren kontrako militantea izan zen. Askapen Mugimendu Iberikoko kidea, 1973ko irailaren 25ean atxilotu zuten. Gerra-kontseilua egin zioten, eta garrotez exekutatu zuten handik sei hilabetera, 1974ko martxoaren 2an. Aurtengo otsailean baliogabetu du... [+]
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
Iñigo Cabacas Herri Harmaila taldea eta Athleticen arteko harremana nahaspilatuta dago azkenaldian. Iñigo Cabacas Herri Harmailako Iñigorekin hitz egiteko aukera izan dugu astelehenean.
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]
Isunak baliogabetzeko helegitea jarri zuten Ernaiko gazteek eta arrazoi eman die epaileak. Naiz-ek eman du epaiaren berri eta ostegun honetan 10:30ean eginen du prentsaurrekoa Ernaik, zehaztapen guztiak plazaratzeko.
Mexiko Hiria, 1968ko urriaren 2a. Hilabete batzuk lehenago, ekainaren 22an abiatutako ikasle mugimenduak mitin bat antolatu zuen Hiru Kulturen Plazan, hiriko Nonoalco-Tlatelolco unitatean. Mexikoko ejertzitoak eta Batallón Olimpia talde paramilitarrak bildutako ikasleei... [+]
Bizkaiko Probintzia Auzitegiak amnistia aplikatu die Kataluniako prozesu independentistarekin lotutako mobilizazio batengatik kondenatutako lau gazteri. Kataluniarekin elkartasun ekimenengatik herritar gehiago ere zigortu zituzten Euskal Herrian 2011 eta 2023 artean, bide... [+]
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.