Bilboko Langile Autodefentsa Sareak gatazka abiatu du garbiketa enpresa batekin
Limpiezas Arana-Fernández Aguilar garbiketa enpresako langile batek jasandako gehiegikerien aurrean, hainbat exijentzia helarazi dizkiote enpresaburuari.
Azaroaren 26an beren exijentziak biltzen zituen gutuna helarazi zion Bilboko Langile Autodefentsa Sareak Limpiezas Arana-Fernández Aguilar garbiketa enpresako buruari, lan gatazka abiatuz. Enpresak Bilboko Uribarri auzoko Matiko kalean du egoitza, eta dozenaka langile ditu soldatapean. Horietako bat da duela zenbait aste sarearekin kontaktuan jarri zen emakumea, bere lan egoera ezagutzera eman eta salatzeko asmoz.
Langile Autodefentsa Sareak gatazka abiatzeko arrazoiak zerrendatu ditu: langilea kontraturik gabe ari da lanean, nahiz eta kontratuaren inguruan maiz galdegin duen, beharrezkoa baitu bere egoera erregularizatzeko; enpresaburuak zigor ekonomikoak aplikatzen dizkio “etxebizitzak behar bezala ez garbitzeagatik”, inolako froga eta argudiorik gabe; langilea ordaindu gabeko lanak egitera behartzen dute; gaixo egon denean ere, lan egitera behartu dute; eta guzti horrekin batera, erabateko ordutegi malgutasuna eta disponibilitatea exijitzen zaizkio, ezinezko bilakatuz lanaz haragoko egunerokoa antolatzea.
Gehiegikeria horiei guztiei langilearen egoera are gehiago okertzera datorren beste faktore bat gehitu die sareak: langileari egokitzen zaion lan karga, eta ondorioz hilabeteko soldata, “enpresaburuaren borondatearen araberakoa” da erabat. Eta horrek, azpimarratu dutenez, dependentzia are handiagoko lan harremanari ematen dio bide.
Esplotazio egoera ezagutzera ematearekin batera, Langile Autodefentsa Sareak langilearen lan baldintza “jasangaitzak” salatu ditu. Bidenabar, salaketa publikoa probestu dute seinalatzeko etxeko lanen sektoreko enpresak, beren mozkinak areagotzeko, baliatu egiten direla sektorea feminizatua izateaz –horrek ahalbidetzen baitie soldatak debaluatzea, lan baldintzak okertzea eta “langile klasearen baitako geruza ezberdinen arteko arrakala” handitzea– eta langile migratuen egoera zaurgarriaz –esklabutza zantzudun lan harremanei bide emanez–.
Behin gatazka abiatuta, beronen izaera publikoa indartzen joateko asmoa agertu du sareak, baldin eta enpresaburuak ez baditu betetzen helarazi zaizkion exijentziak.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.