Gasteizko Korda espazio okupatua desalojo arriskuan dagoela salatu dute
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
aurre egingo dieten hedabide independenteak
“Martxoaren 20an heldu zitzaigun zitazio zedula batek jakinarazi digunez espazioa desalojo arriskuan dago, oraindik horretarako datarik jarri ez duten arren”. Herrizoma elikadura sareak, Auzoan Bizi etxebizitza sareak eta Zaharraz Harro jai herrikoien asanbladak okupatu zuten Korda espazioa 2022ko ekainean, auzoko jaien barnean, eta beraiek jakinarazi dute espazioa desalojo arriskuan dagoela.
Korda espazioa 21 Zabalgunea udal sozietatearen jabetzakoa da. “Alde Zaharrean eta Gasteizen ugariak dira Zabalgunearea jabetzakoak diren auzo, eraikin, pisu zein lokalak eta horietariko asko hutsik daude, asko eta asko abandonaturik eta egoera oso txarrean”, salatu dute hiru eragileek. 2022ko ekainean okupatu zutenean espazioak denbora zeraman itxita eta galbidean. Lurra eta hormak berritu zituzten, edo sukalde txiki bat jarri, erabilera ahalbidetzeko. “Erabilera komunitario eta politikoa ematen jardun dugu azken hiru urteotan; bertan hitzaldi, ginkanak, tailerrak, asanbladak, bilerak, antzerkiak, bazkariak, topaketak eta bestelakoak egin ditugu, auzoko eragile ugarik erabili dutelarik”.
Alde Zaharrean 130 lokal huts daudela salatu dute Herrizomak, Auzoan Bizik eta Zaharraz Harrok, eta Korda “defendatuko” dutela iragarri, “auzoak berreskuratutako lokala ez dadin merkatuaren logikara bueltatu, herri egituren eta auzoko komunitate antolatuaren mesedetan jarrai dezan”. Proiektuari babesa adierazteko espazioaren aurrean talde argazkia atera dute dozenaka auzokidek igande arratsaldean.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Tentsio uneak bizi ahal izan dira ostegun eguerdian Donostiako Udaletxeko udal batzar aretoan.
21 Zabalgunea udal soziatateak desalojo data ezarri diela jakinarazi dute Alde Zaharreko espazio okupatua kudeatzen duten Auzoan Bizi etxebizitza sareak, Herrizoma elikadura sareak eta Zaharraz Harro jai herrikoiak. Korda “defendatuko” dutela adierazi dute.
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Hainbat okupazio "sinboliko" egin ostean, dozenaka lagun Urgulleko Guardetxean sartu dira eta garbitzen eta txukuntzen ari dira, ekitaldi kulturalak antolatzeko.
Beste bizi eredu baten alde eginez, hainbat belaunaldik ikasteko, antolatzeko, esperimentatzeko eta trebatzeko aukera izan dute Lakaxitan bi hamarkada hauetan zehar. Gazte belaunaldi anitz ikusi ditu gaztetxeak, eta Jaion bestan, oraingo gazte mugimenduko kideak ez... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.