Ernaik dio bere kontrako operazioa egon izana frogatzen dutela Jaurlaritzaren aurka aurkeztutako helegiteen lehen ebazpenek
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta "neurrigabekeriaz" jokatu izana baieztatzen dute lehen ebazpen horiek. Nahiz eta beste hiru epaiketa gelditzen diren oraindik argitzeko, lehen sententzia horiek gainontzeko kasuetan "eragina" izanen dutela uste du Maddi Bilbao abokatuak.
Jaurlaritzaren aurka aurkeztutako helegiteen lehen ebazpenak jakin eta biharamunean zabaldu du bere irakurketa Ernai erakundeak prentsaurreko bidez: "Izugarrizko garrantzia" du epaiak, hain justu, argi uzten dituztelako Segurtasun Sailak gazte independentisten aurka bideraturiko "desproportzionalitatea" eta "arbitrarietatea". Orotara, isun guztiak batuz, 290.500 euroko zigorra bideratzea "erabaki politikoa" izan dela frogatzen dute abenduaren 18an jasotako lehen ebazpenek: "Ernai zein gure proiektua deserosoa zaie. Eta oraindik deserosoagoa zaie independentziaren alde lerratzen garen eta antolatzen garen gazteak geroz eta gehiago izatea".
Ernaiko bozeramaile Amaiur Egurrolak eta abokatu Maddi Bilbaok egin dituzte adierazpenak kazetarien aitzinean. Gasteizko Auzitegiko laugarren aretoaren sententzia esku artean zabaldu dute beren irakurketa, argi utziz ebazpen guztiak ez dituztela oraindik argituak eta jakinak. Gasteizko gertakariak aztertzen dituen sententzian, Ernaik jarritako helegitea erabat onartu izanak ondokoa argi utzen du: "Ez zela desordena publikorik egon; are eta gutxiago horiek larriak izan zirenik; eta administrazioak inondik inora ez duela frogatu mobilizazio horretan parte hartu zuten pertsonek gainontzeko herritarren segurtasuna arriskuan jarri zutenik". Bilbokoari dagokionez, partzialki onartu zaie helegitea, "desordena publiko larriak" egon izana ez duelako baztertu epaileak, nahiz eta aitortu administrazioaren partetik egondako "kontraesanak" eta "froga gabeziak". Epaileak egindako desordena publikoaren inguruko interpretazioarekin ez du bat egiten Ernaik, eta baliteke helegitea jartzea.
Epaitegiak "borroka eremu"
Egurrolak ondokoa nabarmendu du: "Gezur bidez, gertakariak manipulatu, behar izanik gabeko operazioa aktibatu, herritarrei errua egotzi, eta hori guztia epaitegietan justifikatzen saiatu dira". Jaurlaritzaren jokabide "izugarri" horiek gelditzeko asmoz jo zuten epaitegietara, eta horretan segituko dutela argi utzi du Ernairen bozeramaileak, "egoera larria delako eta buelta eman behar zaiolako". Orotara, kasik 300.000 euroko isuna lukete ordaindu behar, 133 gazte independentistei jarritako zigorren harira, eta hori, justu, Galder Barbado eta Aitor Zelaiaren espetxeratze agindua salatzeko Gasteizen eta Bilbon egindako kateatze eta errepide mozketengatik.
Epaitegiak "borroka eremutzat" dauzka Ernaik, eta hori hiru arrazoiengatik, gutienez: "Administrazio publikoak, eta kasu honetan Segurtasun Sailak, egindako jardun desegokiak salatu behar direlako"; Ernairen aurkako jardunbide hori ez gelditzeko bestelako herritar eta herri mugimenduen aurka baliatu dezaketen "aurrekari gisa"; eta azkenik, gazteria independentistaren kontrako operazioa geldiarazteko.
Euskal Herriko zazpi lurraldeetan barna, hamabost egunez segidan hamabost kontzertu antolatu ditu Musika Zuzenean proiektuak, 15 urte betetzen dituztelako. Areto txiki, taberna eta espazio autogestionatuetan izango dira. Anari, Niña Coyote eta Chico Tornado, Ezpalak eta... [+]
Txikitatik pentsatu nuen nortzuk ote ziren paretetan, karteletan, oroitarritan, asteroko manifestazioetako aurpegi horiek. Baziren eskelak egunkarietan eta herriko plazan, baina gero, baziren besteak. Ez nituen inoiz kaletik ikusi, ez nekien izenik, baina edozein herritan... [+]
Ernaik manifestazio jendetsua egin du igandean Donostian, estropaden ostean, "Ekin eta bultza askatasunera" lelopean. Milaka gazte elkartu dira independentziaren alde eta faxismoaren aurka. Txiki eta Otaegi omendu dituzte, beren borrokarekin jarraitzeko konpromisoa... [+]
09:00etan Durangoko epaitegi aurrean biltzera deitu dute Kiñuko kideek. Duela bost urte hasi zen Gaztetxearen aurkako prozesua.
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Gazteak dira, jaiotzetik aro digitala baino ez dute ezagutu, eta hiperkonexioaz eta estimulu jarioaz nekatuta/nazkatuta amaitu dute. Gutxiengoa dira, baina garbi dute sare sozialen zurrunbilotik ihes egitea hoberako izan dela: "Ez da alarmismo kontua, baina jakin behar dugu... [+]
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Grabagailuari stop eman eta segituan galdetu dit Oiherrek: “Transkribatzean mantenduko duzu euskalkia?”. Baietz nik, batuaren mugek uzten didatenaren barruan baietz. “Arras inportantea da niretako”. Dutxa hartu eta Elizondora eginen du berriz, Aroztegiko... [+]
Unibertsitateko ikasleak azterketa garaian dauden bitartean, irakasleoi ikasturtea ixtea dagokigu. Irakasleak talde txikitan biltzean oso ohikoa da urte batetik besterako aldaketen gainekoak konpartitzea eta hausnarketaren brindis gisara ikasle belaunaldiaren
ezaugarritzea... [+]
Aste Santuan Berriozarren egindako topaketetatik egun gutxira bildu gara Gasteizko Sorturen bulegoan. Hango kontuez jardun dugu apur bat, baina batez ere gaur egun euskal gizartean dantzan diren gaiez aritu gara, Ernaik horien gainean duen iritzian sakontzeko asmotan. Amaiur... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Maiatzaren 22tik 23ra bitartean deklaratu beharko dute auzipetuek. Gazteek salatu dute instituzioak "geroz eta gehiago" ari direla mugatzen protestarako eta mobilizaziorako eskubide politikoa, eta 'Bajadikako 27ak' izenarekin sortu dute plataforma bat. Maiatzaren... [+]