Ertzaintzak “biolentzia handiz” hustu du Gasteizko Korda espazioa
11:30ean burutu du Poliziak desalojoa, atea rotaflexarekin ireki eta barruan zeuden pertsonak aterarazi ondoren. Ertzaintzak pertsona bat zauritu du buruan eta furgoneta batean eraman du. Herritarren "babes itzela" eta Ertzaintzak erabilitako "biolentzia handia" nabarmendu ditu Kordako kide Haize Agirrek, ARGIAri eginiko adierazpenetan. Joan den astelehenean bilera egin zuten Kordako kudeatzaileek 21 Zabalgunea sozietate publikoko ordezkariekin, baina ez zuten inongo akordiorik lortu. Ertzaintza bertaratu egin da gauerdian; ordurako espazio barruan itxita zeuden hamar lagun.
aurre egingo dieten hedabide independenteak
"Gauerdian agertu dira sei polizia furgoi eta kalea moztu dute. Bizilagunak lehen momentutik gerturatu dira babesa ematera. Kide batzuk korda barruan jarraitzen dute erresistentzia egiten". Mezu hori zabaldu du Auzoan Bizi etxebizitza sareak goizaldean. Dozenaka dira poliziak, eta Korda dagoen Alde Zaharreko Pintore kalea moztu dute. Espazioaren desalojoa ekiditen saiatzera agertu diren herritarrak gero eta gehiago izan dira goizak aurrera egin ahala, amaiera aldera 100 eta 200 artean izateraino, Kordako kideen esanetan.
Kordako kide Haize Agirrek desalojoa nola gertatu den azaldu dio ARGIAri. "Ertzaintza barruan sartu da, atea rotaflex batekin apurtu ostean. Barruan zeuden hamar pertsonak beren kabuz irten dira, baina kalea zapaltzean pintura bota dute gainean. Orduan, ertzainek beren aurka egin dute, biolentzia handiz, borrak erabilita". Oldarraldi horretan Kordako kideetako bat buruan zauritu dutela azaldu du Agirrek, eta odola bistan zuela furgoneta batean eraman dutela. Espero dute ospitalera eramango dutela, baina Agirrek ardura azaldu du, atxilotu egingo ote duten. Korda barruan itxita zeuden beste bederatzi kideak banan-banan identifikatu ditu Ertzaintzak, eta ostean aske utzi. Azken identifikatua 11:30ean utzi dute libre.
Hunkituta hitz egin du Agirrek desalojoa amaitu berri. Batetik, auzokide eta herritarren "babes itzela" dela eta: "Gauerditik daramagu hemen, jendeak hamabi ordu eman ditu etengabe Kordari eta barruan zeudenei babesa helarazten". Bestetik, ertzainen jarrerak erasan dio: "Oso bortitza izan da".
Jarraian, Ertzaintza barruan itxita zeuden kideen aurka oldartu den momentuaren bideoa, Arabako Aleak zabaldua. Bi atxilotu aipatzen ditu, baina aske utzi dituzte pertsona horiek, identifikatu ostean.
‼️ [AZKEN ORDUKOA] Korda hustu berri du Ertzaintzak. Bi pertsona atxilotu dituzte, gutxienez.
— Arabako ALEA (@ArabakoALEA) June 4, 2025
Kordako kide bati sudurra hautsi diotela salatu dute.https://t.co/qfB6fnbyAp pic.twitter.com/0pykKyoSIL
Jarraian, Poliziak zauritu eta furgoneta batean eraman duen pertsona, Arabako Aleak utzitako argazkian.
Udalaren jabetza
Korda espazioko erabiltzaileek apirilean jakin zuten Gasteizko Udalak espazioa husteko agindua helarazi zuela, eta maiatzean ezagutu zuten horretarako data: ekainaren 4a. Gasteizko Udalaren 21 Zabalgunea sozietatearen jabetzakoa da espazioa. Iragan ostiralean sozietateak Alde Zaharrean duen egoitzara jo zuten Kordako kideek, eta “presioa” egin ondoren astelehenean bilera bat egiteko konpromisoa lortu zuten. Baina bilera horretatik ez zuten inongo ondorio positiborik atera, Kordako kide batek ARGIAri azaldu dionez: “Presioari esker bilera lortu genuen, baina ez dute negoziatzeko inongo asmorik adierazi, nahiz eta gu prest ginen gure jarduerekin jarraitzeko akordioren bat bilatzeko”.
Azken asteetan desalojoa salatu eta erresistentzia prestatzeko hainbat jarduera antolatu dituzte, eta dei egin diete herritarrei desalojo egun honetan espazioa babestera.
2022ko ekainean okupatu zuten Korda espazioa Auzoan Bizi etxebizitza sareak, Zaharraz Harrok eta Herrizoma elikadura sareak. Denbora luzea hutsik zeraman espazio munizipalak, Pintore kaleko 51 zenbakian, Gasteizko Alde Zaharrean. “Hutsik eta egoera txarrean zegoen espazio bat berritu dugu, eta auzoko hamarnaka kolektibok eman diote erabilera, auzoan egunerokotasunaren parte bilakatu den arte”, adierazi zuten huste aginduaren berri izan zutenean.
Iratzar eta Olaso Dorrea fundazioek antolatu duten erakusketa ibiltaria ezin izango da Zarauzko areto publikoetan ikusi. Udalak argudiatu du errelato "partziala" eta "ideologizatua" eskaintzen duela. EH Bilduren lokalean paratuko dute azkenean.
Duela mende erdi frankismo gotorrenak bere aurkako ahotsak isilarazi nahi izan zituen ETAko eta FRAPeko bost militante hiltzen. 1975a zen, eta irailak 27 zituen. Baina alderantzizkoa lortu zuen, eta zenbaitek nahi luketenaren kontrara, askatasunaren aldeko borrokalari gisa... [+]
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Bere konpromiso politikoagatik eta unibertsitatean zuen militantziagatik, eskuin muturreko taldeen hainbat eraso pairatu zituen 1987 eta 1988 urteetan. Hemezortzi urterekin pairatu zuen lehen erasoa, Bilboko Santutxu auzoan bizi zen eraikineko igogailuan; geroztik, hiru eraso... [+]
Ehunka lagun mobilizatu dira asteazken arratsaldean Gasteizko Alde Zaharreko kaleetan barrena, Korda espazioaren desalojoaren aurka. Manifestazio amaierako hitzartzean, goizeko desalojoan ertzainek buruan zauritu duten Kordako kidea jada etxean eta "ondo" dagoela... [+]
Salvador Puig Antich frankismoaren kontrako militantea izan zen. Askapen Mugimendu Iberikoko kidea, 1973ko irailaren 25ean atxilotu zuten. Gerra-kontseilua egin zioten, eta garrotez exekutatu zuten handik sei hilabetera, 1974ko martxoaren 2an. Aurtengo otsailean baliogabetu du... [+]
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
Aiaraldeako Ideien Faktorian egindako hitzaldia da honakoa, Eztizen Artolaren Gurpilak liburua aitzakia hartuta. Bertan hitza hartu zuten eleberriaren egileak, Joxe Blanco euskal preso politiko ohiak, Ilazki Ussia motxiladun umeak eta Ainhoa Ayesta presoen aldeko elkartasun... [+]
Iñigo Cabacas Herri Harmaila taldea eta Athleticen arteko harremana nahaspilatuta dago azkenaldian. Iñigo Cabacas Herri Harmailako Iñigorekin hitz egiteko aukera izan dugu astelehenean.
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]
Isunak baliogabetzeko helegitea jarri zuten Ernaiko gazteek eta arrazoi eman die epaileak. Naiz-ek eman du epaiaren berri eta ostegun honetan 10:30ean eginen du prentsaurrekoa Ernaik, zehaztapen guztiak plazaratzeko.