Bilboko Langile Autodefentsa Sareak 2020an Limpiezas Arana – Fernández Aguilar garbiketa enpresarekin abiatutako gatazkaren harira, zazpi pertsona daude inputatuta, derrigortzeen delitu jarraitua gauzatu izana leporatuta. Orotara, 19 urte arteko espetxe zigorra eta 82.000 euro eskatzen dizkiete Fiskaltzak eta akusazio partikularrak. Errepresio kasua salatu eta prozesu judizialaren gastuei aurre egiteko Korapiloa Askatu kanpaina dute martxan.