16 urteko gazte bat hil da Paris inguruko Elancourt hirian, Poliziaren auto batek uzkailirik
Bertsio ofizialaren arabera, motocross batean zebilen eta Polizia ikustearekin "ihes egin" du gazteak, eta paretik zetorren beste polizia auto baten aurka hartu du kolpea. Bi inkesta abiatu ditu Frantziako Poliziaren Ikuskaritza Nagusiak: bata, gazteari dagokionez, "ez obeditzeagatik" eta bestea, bi poliziei begira, "nahigabeko kolpatzeagatik".
Bi hilabete eta erdi pasa direla Frantziako Poliziak Nahel Merzouk gaztea tiroz hil zuenetik eta banlieue edo auzo popularretan matxinada bortitzak izan zirenetik, beste gazte bat hil du Poliziak irailaren 6 honetan. 16 urteko gazte bat, motocross batean zebilena eta Polizia ikustearekin "ihes egin" duena, bertsio ofizialaren arabera. Ihes egin eta parean bildu du bigarren polizia auto bat, uzkaildu duena. Kolpaturik ospitalera eramana izan zen, baina asteazkengauean hil zen gaztea. Paris ondoko Elancourt hirian gertatu da ezbeharra.
Bi inkesta abiatu ditu IGPN Frantziako Poliziaren Ikuskaritza Nagusiak, bata, gazteari begira, "ez obeditzeagatik" eta bestea, "nahigabeko kolpatzeagatik", bi poliziei dagokionez.
"Ez obeditzeagatik" hilketak
2017an zabaldu zion Frantziako Gobernuak Poliziari arma erabiltzeko eskubidea, parekoak ez duenean obeditzen "bere burua defenditzeko" aukerari zabalduz. Orduz geroztik azkarki emendatu dira arrazoi hori esku artean bideratu kolpatzeak ala hilketak. Bideko segurtasunari buruzko ministerioarteko ikuskaritzaren datuen arabera, 2010etik 2019ra, arau-urratze hori %49ez emendatu zen –eta %80ez kasu larrientzat–. Oroit Nahel Merzouken kasuan ere hori leporatu ziola Poliziak gazteari, baina ibiltari batek grabaturiko bideoan argiki agertu zela hilketaren gehiegikeria. Ikuskaritza horren azken txostenean irakurri daiteke arrazoi horrengatik iaz 157 pertsona eta 2020an 153 tirokatu zituela Frantziako Poliziak.
Nahel Merzouken heriotzak matxinada bortitzak ondorioztatu zituen Frantziako banlieue anitzetan, eta errepresioz erantzun zuen Gobernuak. Orduz geroztik ez da neurririk hartu auzo popularretako egoera sozioekonomikoa hobetzeko ala Frantziako Poliziaren baitan kausitu daitekeen arrazakeria sistemikoari dagokionez lanketa bat abiatzeko.
Bi aste barru hasiko diren hiriko jaietan txosna jartzen utzi ez dietela salatzeko kanpaldia egin nahi zuten Gasteizko GKSk eta Etxebizitza Sindikatu Sozialistak, Andre Maria Zuriaren plazan. 20:30ak aldera, ertzainak oldartu egin dira kanpaldian zeudenen aurka, eta bi... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Arrazekeriaren aurkako eragilearen arabera, pertsona baten aurka piperbeltz espraia erabili du Poliziak, eta hainbat lagun identifikatu dituzte. Foruzaingoak eta Udaltzaingoak baieztatu dute pertsona bat atxilotu dutela, "ez laguntzeagatik eta aurre egiteagatik".
Kasuan "inpunitatea gailendu ez dadin" egingo du lan, "Poliziaren berezko izaera salatzearekin batera". Hiru aldarri zehatz egin ditu: foam balak eta jaurtigaiak debekatzea, polizien identifikagarritasuna bermatzea, eta brigada mugikorraren desegitea.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
Apirilean gertatu zen, Etxarri II gaztetxearen desalojoan, eta tiroaren ondorioz barrabila galdu zuen Iker Aranak. Aranak berak emandako materialetik identifikatu dute ertzaina.
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
Lagun marika batek deitu dit galdetzeko nola salatu dezakeen hurrengoa: joan zen Akarlandara, EHUren parean dagoen parkera, eta komun publikoetan bi tiporekin zegoela, udaltzainen bizpahiru kotxe agertu ziren super azkar, poliziak sartu ziren komunera borrekin hormak kolpatzen,... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Bilboko hooligan inbasioari buruz idatz nezakeen, baina herri txiki batean bizi naiz ni eta ez dut sufritu. Euskaraldiari buruz idatz nezakeen, eskerrak emateko euskarari bizkarra ez ematen lagundu gaituzuenoi, baina ez da hori gorputzak eskatzen didana.
Egunak daramatzat gai... [+]
2023ko abuztuan, Bilboko Kale Nagusian, saltzaile ibiltari baten defentsan Poliziari aurre egin zion emakumeari hiru urteko espetxe zigorra eskatzen dio udaltzain batek. Bideo batek Poliziaren kontakizuna ezbaian jartzen du.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.