130 lagun hil ditu Estatu Islamikoak Bagdaden
Igande goizean Bagdad erdialdeko merkatalgune batean lehergailuz beteriko autoa leherrarazi zuen atentatugile suizida batek. 131 hildako eta 200 zauritu izan dira eta Estatu Islamikoak bere gain hartu du atentatua.
Karada auzoan izan zen atentatua. Bizilagun gehienak xiitak dira auzo horretan. Ramadana bukatzear dago eta jende asko zebilen merkatalgunean. Inguruko eraikinak ere suntsituta geratu dira.
Bagdadeko herritarren haserrea areagotzen ari da. Gobernuak segurtasun lanetan huts egin duela iritzi dute eta Karadatik irtenda Haider al-Abadi Lehen Ministroaren etxeraino manifestazioa egin zen atentatuaren ondoren.
Erasotutako eremuan izan zen Abadi goizean, hura gaitzetsi eta hiru dolu-egun izendatzeko. Hala ere, Al Jazeerak azaldu duenez txistuka eta haren autoari objektuak jaurtiz jaso zuten bertan zeudenek.
Hedabideetan oihartzun eskasa
Nazioarteko egunkari gehienen azalek ez dute albistea jaso, Eurokopako emaitzak izan baitira protagonista Frantziako eta Alemaniako hedabideetan, esaterako. Espainiako Estatuko hedabide nagusiek azalean jaso dute albistea.
Bost egun pasa dira Istanbulgo Ataturk Aireportuko atentatuak izan zirenetik. 41 lagun hil zituzten orduan eta egunkari gehienek azalean jaso zuten.
El Diario egunkari digitalak argitaratu du Ertzaintzaren txostena. Honela dio: “Espainiako Inteligentzia Zerbitzuak beraien Gasteizko langileak mobilizatu zituen ETA Al Qaedarekin lotu ahalko zuen informazio bila”. Dokumentuaren arabera, Italiako web orri bat... [+]
Lara Vilanova (1983, Bartzelona) argazkigintza zuzendaria da eta The Return: Life after ISIS, Sinjar, Cuerdas edota Hondarrak filmetan hartu du parte. Abenduan Euskal Herria bisitatu zuen The Purple Meridians topaketetan parte hartzeko Durangon.
Irakurleak badaki 2015eko Parisko atentatu izugarrien auzia hurbiletik segitzen dudala, eskura dauzkadan prentsa baliabideei esker. 130 herritarren herioa eragin zuten komandoetatik bizirik ateratako kide bakarra Salah Abdeslam izan zen eta bere bizkar datza justizia egin... [+]
Urtarrilaren 20an Siriako Ipar eta Ekialdeko Autoadministrazioaren menpe dagoen Hasake hiriko espetxeari eraso diote auto suizidekin, milaka islamista askatzeko. YPGk kontrola berreskuratu arren, tiroketek jarraitzen dute, Daex-eko zenbait kide ezkutatu baita.
Jose Manuel Villarejo espainiar polizia ohiak adierazi ostean Espainiako inteligentzia zerbitzuek 2017ko atentatuak gerta zitezen utzi zutela, Kataluniako Gobernuak zer gertatu zen ikertzeko exijituko dio Espainiako Gobernuari. Halakorik egin ezean, auzia nazioarteko... [+]