Ertzaintzaren txosten sekretu baten arabera Aznarrek Espainiako Inteligentzia Zerbitzuari eskatu zion ETA M11ko atentatuei lotzeko
El Diario egunkari digitalak argitaratu du Ertzaintzaren txostena. Honela dio: “Espainiako Inteligentzia Zerbitzuak beraien Gasteizko langileak mobilizatu zituen ETA Al Qaedarekin lotu ahalko zuen informazio bila”. Dokumentuaren arabera, Italiako web orri bat arakatzen aritu ziren.
2004ko martxoaren 12an idatzitakoa da aipaturiko Ertzaintzaren txosten sekretua, 20 urte geroago El Diario agerkariak argitara emandakoa. Dokumentuak agerian uzten du PPren gobernuak Espainiako Inteligentzia Zerbitzuko Gasteizko langileak mobilizatu zituela ETAren eta Al Qaedaren arteko lotura bilatu eta prentsara zabaltzeko, gutxienez martxoaren 14ra bitartean, Espainiako Kongresurako hauteskundeak egin arte. “ETArekin lotzea lortuko ez bazen, denak langabezian geratuko ziren”, argitzen du Ertzaintzaren txostenak.
‘Zulo’, iturri konfidentziala
Espainiako Inteligentzia Zerbitzuko goi-kargudunek martxoaren 11ko eguerdirako bazekiten, ia erabateko ziurtasunez gutxienez, Al Qaedak eragin zuela atentatua eta ez ETAk. Izan ere, ordurako Espainiako Poliziak atzemana zuen lehergailuak eta Koranaren olerkiak zituen furgoneta. Une horretatik aurrera, Al Qaedaren eta ETAren arteko loturak “bilatzeko” deia egin zieten Espainiako Inteligentzia Zerbitzuko Gasteizko langileei.
Martxoaren 11n, iluntzeko 20:00etan, Ertzaintzaren konfiantzazko Madrilgo pertsona bati hots egin zioten Gasteizko espiatzaileek. Konfiantzazko pertsona horrek Zulo zuen ezizena, eta “A”-tik “C”-rako fidagarritasun kalifikazioan, maila gorena zuen.
“Espainiako Gobernua izorratuta dago badakitelako Al Qaeda izan dela eta ez ETA”, esan zion Zulok Ertzaintzari. Txostenean irakur daitekeenez, Inteligentzia Zerbitzuko kideek dei batean baino gehiagotan eskatu zioten kontaktuari prentsari esan ziezaion ETAk parte hartu zuela atentatuan, edo gutxienez ETAk “harremanak zituela arabiar terroristekin”.
193 hildako, mila zauritu, eta desinformazio ugari
Lau trenetan lehergailuak jarri zituen Al Qaedak 2004ko martxoaren 11n, goizean. Lehen unetik ETAri egotzi zion egiletza Espainiako Gobernuak, bi aste lehenago lehergailu bat ipintzen ahalegindu zelako. Eusko Jaurlaritzako lehendakari zen Ibarretxek ere ETAri egotzi zion ardura zalantzarik adierazi gabe, nahiz informazio zehatzik eduki ez. ARGIAk gertakarien hurrengo astean argitaratutako erreportajean ideia horixe da gailentzen dena: gobernu batek ez lukeela suposizioetan oinarritu beharko.
Espainiako historiako atentaturik larriena izan zen, eta Espainiako Gorteetarako hauteskundeak deituta zeuden hiru egunera. Inkesta guztiek zioten Aznarren PPk irabaziko zituela berriro ere. Atentatuaren ardura ETAri egotzi zion PPk, era irmoan, eta, nahiz eta informazio horiek gezurtatzen zituen beste informazio batzuk argitara eman, gezurrari eutsi zion Aznarrek, Espainiako Gobernuak Irakeko gerran parte hartu izana baitzegoen erasoen atzean.
Anjel Berrueta eta Kontxi Sanchiz
Hauteskunde bezperan, berezko “hausnarketa egunean”, herritarren mobilizazio eta PPren gezurrek aurreko egunetan bezala jarraitu zuten. Zenbait sektorek ETA seinalatzen jarraitzen zuten testuinguruan, Angel Berrueta okina hil zuten Iruñean Espainiako polizia batek eta bere semeak. M11ko atentatuaren erantzule ETA egiten zuen kartel bat okindegian jarri nahi izan ez zuelako hil zuten. Hurrengo egunean, Berruetaren omenezko manifestazio batean Kontxi Sanchiz hil zen Hernanin, Ertzaintzaren karga baten ostean bihotzekoak jota.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Suhiltzaileek itzaltze lanetan jarraitzen duten arren, egonkortu dute kontrolik gabeko sutea. Espainiako Gobernuak larrialdi aurreko faserako plana onartu du, autonomia erkidegoen eta Espainiako Gobernuaren arteko komunikazioa hobetzeko; dena den, larrialdien kudeaketa autonomia... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Astearte honetako gobernu bileran onartuko dute PSOEk eta Sumarrek, akordioa iragarri baitute. Neurria "berehala" ipiniko dela indarrean jakinarazi dute.
Bide parlamentarioa egin beharko du orain. Lege testu honen arabera, 30 urteko epea ezarriko dute sekretuak desklasifikatzeko, eta 45 urtekoa "goi mailako" sekretuendako. Bakoitza hamabost urtez luza daiteke.
Egiari Zor elkarteak pozgarritzat hartu du Nazio Batuen Erakundeko Giza Eskubideen Batzordeak Espainiako Estatuaren indarkeriaz egin duen txostena. Elkarteak azpimarratu du txostenak Nafarroako Gobernuak eta Eusko Jaurlaritzak dokumentatutako 5.000 tortura salaketak balioan... [+]
Gipuzkoako enpresak hainbat kontratu sinatu ditu Israelgo industria militarrarekin, eta diru publikoa jasotzen du ibilgailu elektriko bat garatzeko, Espainiako Gobernuak finantzatutako proiektu baten bidez.
Espainiako Gobernuaren estrategia politikoaren barruan mugitu du fitxa PSOEk: protagonista handirik gabeko irudi batekin jakinarazi dute akordioa, baina detaile gutxi emanda eta datarik ipini gabe.
Espainiako presidente Pedro Sánchezek Madrilgo kongresuan aurkeztu du ustelkeriaren kontra bere plana, Santos Cerdán auziaren ondorioz oposizioak estu hartu ondoren. Bost atal nagusitan banatu du eta ELGA erakundeak gainbegiratuko luke kanpotik, betetzen ote den... [+]
1.300 milioi eurotik gorako 2 milioi isun baino gehiago ekarri ditu legeak. Atzera botako zutela hitzeman zuten PSOEk, Podemosek, Sumarrek, EH Bilduk, ERCk, EAJk, Juntsek nahiz BNGk.
Mark Rutte NATOko Idazkari Orokorrak ukatu egin du “baztertze klausula” onartu zaionik Espainiako Estatuari. Kalkuluen arabera, BPGren %3,5a gastu militarretara bideratu beharko du gobernuak, NATOk eskatzen dituen kompromisoak betetzeko.
Igandean iragarri du akordioa Pedro Sánchez Espainiako presidenteak. Espainiak gastu militarrera BPGaren %2,1 bideratuko duela ziurtatu du.
Oraindik ez dago garbi noiz arte eutsiko dion bere erabakiari Pedro Sánchez Espainiako Gobernuko lehendakariak, baina korapilo handi samarra sortzen ari da NATOren barruan, honek aurrekontu militarra %5era igotzea arbuiatu ondoren.
Espainiako Gobernua osatzen duten PSOEren eta Sumar alderdien arteko koalizioak aurkeztutako lege proposamena onartu dute Kongresuan ostegun goizean, frankismoaren apologia egiten duen edozein erakunde debekatuko edo legez kanpo utziko lukeena