Generalitatetik 2017ko atentatuen inguruan gertatutakoa argitzeko exijituko zaio Espainiako Gobernuari

  • Jose Manuel Villarejo espainiar polizia ohiak adierazi ostean Espainiako inteligentzia zerbitzuek 2017ko atentatuak gerta zitezen utzi zutela, Kataluniako Gobernuak zer gertatu zen ikertzeko exijituko dio Espainiako Gobernuari. Halakorik egin ezean, auzia nazioarteko auzitegietara eramateko asmoa agertu du Jordi Puignero Generalitateako presidenteordeak.


2022ko urtarrilaren 19an - 09:41
Azken eguneraketa: 10:54

Espainiako Gobernuari ikerketa komisio bat sortzeko exijentzia helaraztea adostu zuen asteartean Generalitateak, 2017ko abuztuan jazotako eta Estatu Islamikoak bere gain hartutako atentatuen bueltan gertatu zena argitzeko. “Ezkutatzekorik ez badago, inork ez luke aurkakotasunik agertu beharko”, adierazi zuen Jordi Puignero Generalitateako presidenteordeak sare sozialen bidez.

 

 

Espainiak bere eginbeharrak bete ezean, auzia nazioarteko auzitegietara eramateko asmoa dutela jakinarazi zuen Puignerok orain astebete.

Zehazki, hiru dira Kataluniako Gobernuak adostu dituen puntuak: Espainiako ikerketa komisio bat sortzeko exijentzia helaraztea; Generalitatearen eta Espainiako Estatuaren arteko aldebiko bileretan Pedro Sánchezek Pere Aragonési ikerketari buruz informazioa helarazteko betekizuna izan dezan eskatzea; eta Espainiako Gobernuan sekretu ofizialei buruzko legea aldatzeko eskatzea, “isilpekotzat edo erreserbatutzat jotako gaien iraupena murrizteko, eta berariaz aitortuz Kongresuak, Senatuak eta auzitegiek eskubidea dutela erreklamatzen duten informazioa eskuratzeko”.

Jose Manuel Villarejo espainiar polizia ohiak urtarrilaren 11n Espainiako Auzitegi Nazionalean egindako adierazpenen harira hartu du erabakia Kataluniako Gobernuak. Izan ere, Villarejoren arabera, 2017ko abuztuaren 17an eta 18an Bartzelona eta Cambrilsen jazotako atentatuak gerta zitezen utzi zuten Espaniako inteligentzia zerbitzuek. Bere hitzetan, asmoa "Kataluniari susto txiki bat ematea zen, baina ondorioak gaizki kalkulatu zituzten". Bi atentatuetan 16 pertsona hil eta 150etik gora zauritu ziren.

Hilabete eta erdiren buruan ziren autodeterminazio erreferenduma egitekoak kataluniarrak, baina atentatuez baliatuta, galdeketa bertan behera uzteko eskatu zuten Espainiako alderdi eta presio talde nagusiek. Villarejoren hitzak argitara eman eta gutxira, hala mintzatu zen Carles Puigdemont Kataluniako presidente ohia: “Estolderia espainiarrak hamabost pertsona errugaberen bizitza moztu zuen eta ehun zauritu baino gehiago eragin zituen Kataluniako herriari mezu bat bidaltzearren, independentziari buruzko erreferenduma egiteko prest baitzegoen. Espainiako politikari batzuek ohartarazia zuten "gauzak gertatuko" zirela. Horiek al ziren gertatu behar ziren gauzak? Villarejok baietz dio. Krisi hari aurre egin behar izan zion Kataluniako presidente gisa, munduaren aurrean aurpegia eman eta biktimekin egon behar izan nintzenez, azalpenak eskatzen dizkiet estatuburuari eta gobernuko presidenteari: Espainia susmopean dago”.

 


Kanal honetatik interesatuko zaizu: Bartzelona eta Cambrilseko erasoak
2019-07-16 | ARGIA
Bartzelonako Rambletako atentatuko taldearen burua CNIaren isil-mandataria zen

Público egunkariak hori frogatzen duten dokumentuak argitaratu ditu. Dokumentuen arabera, poliziak zelatatuak zituen atentatuak burutu zituzten gazteak, eta horien ustezko buru Abdelbaki es Satty Espainiako zerbitzu sekretuen (CNI) isil-mandataria zen.


2017-10-17 | Saioa Baleztena
Lola Lopez. Aniztasuna aldarri
“Islamari erasotzeko egiten da emakume musulmanen eskubideen aldeko diskurtsoa”

Bartzelonako Udaleko Immigrazio, Kultura Aniztasun eta Dibertsitate zinegotzia da Lola Lopez (Galizia, 1957) antropologoa. Bizikidetzaren alde eta islamofobiaren kontra ibilbide luzea egin du Kataluniako hiriburuan, eta aurretik Kataluniako Ikus-entzuneko Kontseiluan (CAC) eta... [+]


Gaizkiaren aurreko hutsalkeria edo ‘Alba Rico - Graupera’ auzia

Katalunian 2017ko abuztuaren 17an gertatutako erailketa masiboak direla kausa, zenbait hausnarpen idazteari ekin diot, batik bat bi artikulugile irakurri ondoren: Santiago Alba Rico eta Jordi Graupera. Alde batetik, biok filosofoak dira, eta eskarmentua daukate azterketa... [+]


Faxismoaren beldur barik

No tinc por atera zitzaion eztarritik Bartzelonan herritar bati. Deiadarra sentimendu askoren katalizatzaile izateaz gain, bizi dugun garai nahasien isla ere bada.


2017-08-31 | Itxaro Borda
Bartzelona: “No en el meu nom”

Freddy Mercury eta Montserrat Caballé irudikatu ditut abuztuaren 17ko gauaren minean, Rambla gainetan eta Cambrilsko itsasertzean, No tinc por bi bozetan kantatzen. Mina hazi zait bihotzaren sakonean: masa hilketen zerrenda emendatzen ari da, Parisko Charlie Hebdo-ren... [+]


Eguneraketa berriak daude