ARGIA.eus

2022ko urtarrilaren 24a

Kokaina garraiatzeagatik ikertua den Espainiako Armadaren Elcano itsasontzia Getarian izango da uztailean

  • Juan Sebastian Elkanoren mundu biraren 500. urteurrena ospatzeko ekitaldien barruan, Espainiako Itsas Armadaren ikurra Getarian eta Getxon izango da uztailean. Elcano Itsasontzia ezaguna da Espainiaren eta Espainiako Armadaren aldeko apologia egiteaz gain, 2014an 127 kilo kokaina atzeman zizkiotelako mastetan ezkutatuta. Espainiako Justizia militarrak aste honetan kasua ikertzen jarraitzea erabaki du.

Axier Lopez @axierL
2019ko otsailaren 07a
Espainiako Armadaren Elcano eskola-ontzia

Urtarrilaren 13an abiatu du bidaia Cadizetik eskola-ontzi militarrak. “Espainiaren alde bizitza eman zuten“ itsas-gizonei omenaldia egin ostean Ameriketako bidea hartu du. Kontinente hartan hainbat hilabetez izango da, ondoren Portugal, Polonia eta Alemanian geldialdi bana egingo du eta uztailean Getarian eta Getxon izango da. Hala, Espainiako Armadako itsasontzia lehen aldiz izango da izena ematen dion itsas-gizonaren jaioterrian.

Espainiako Armadak eta Getxoko Itsas Klubak antolatutako estropada

Espainiako Armadak eta Getxoko Abra Itsas Kirol Errege Klubaren artean antolatutako Bilbo-Getaria-Bilbo estropadan parte hartuko du. Estropada hau da Elkanoren mundu bira ospatzeko Espainiako Gobernuak eta Armadak antolatu duten hamaika ekimenetako bat.

Espainiako armadako kideek Getariako geldialdi hori probestuko dute, XV. mendeko mertzenario getariarrari omenaldia egiteko herriko monumentuetako baten aurrean.

Espainiaren eta “narkotrafikoaren” zerbitzura

Armadako kide berriak itsasoan trebatzeko eskola gisa izateaz gain, Elcano ontzia “Espainiako Kanpo politikaren laguntzailea” da, “Espainiako ikur nazionala munduan barrena eraman” eta “itsasontzia bisitatzen dutenen maitasun eta estimua lortzeko”. Hala, portuz portu ibiltzen da urte osoan. Bidaia horietako batean itsasontzia mundu osoan ezagun bilakatu zuen kasua gertatu zen 2014an. Cadizen 127 kilo kokaina atzeman zizkioten, AEBetako agintariek narkotrafiko sare bat desegin ostean lortutako informazioari esker. 2014ko apirilaren 14an Kolonbiako Cartagena de Indias-en kargatu eta ezkutatu zuten droga itsasontzian. Eta horregatik orduko tripulazioarem sei kide ikertu dituzte.

2018ko maiatzean kasua artxibatu bazen ere, kasua berriz irekitzea erabaki du aste honetan Espainiako Justizia militarrak.

Kanal hauetan artxibatua: Elkanoren mundu bira  |  Drogak  |  Getxo  |  Espainiako armada  |  Getaria

Elkanoren mundu bira kanaletik interesatuko zaizu...
2022-01-21 | Axier Lopez
Tamainak axola du, Filipinetan

Filipinetako Rodrigo Duterte presidenteak adierazi du Lapu-Lapu heroi nazionalaren estatua handiagoa eta altuagoa izatea nahi duela, Fernando Magallaes konkistatzaile portugaldarrarenak baino. Mundu Biraren espedizioan Joan Sebastian Elkanoren nagusia izan zen Magallaes, hil... [+]


Ander Plaza eta Suni Reizabal, Lekeitioko Elkano Hankaz Gora ekimeneko kideak
"Exijitu beharko genuke zapaltzaileei egindako laudorioak desagerraraztea"

Lekeitioko herri ekimenak antolatuta, ‘Kolonialismoa, Elkanoren mundu bira eta kapitalismoaren hedapena’ hitzaldia eskainiko du Iñaki Gil de San Vicente militante eta pentsalari marxistak eguenean [abenduak 2], 18:00etan, kultur etxean.


Elkano Hankaz Gora! ekimena abiarazi dute Lekeition, "zapalduen historia azaleratzeko"

Elkanoren mundu birak suposatu zuena argitu eta "zapalduen memoria berreskuratzeko" asmoz, momentuz, hiru hitzaldi antolatu dituzte. Lehenengoa ostegunean, urriak 28, izango da, 18:30ean, Lekeitioko Kultur Etxean, ARGIAko Axier Lopez kazetariaren eskutik.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude