Zortzi urteko espetxe eskaera Nafarroako bost gazterentzat Ekinekoak izatea leporatuta

  • Jon Patxi Arratibel, Iñigo Gonzalez, Gorka Mayo, Iker Moreno eta Gorka Zabala gazte nafarrak haien epaiketa 2016ko apirilaren 14an hasiko dela iragarri dute elkarrekin egindako agerraldian.

Bost auzipetuak Aztnugal kanpainaren berri emateko egindako agerraldian.

2015eko azaroaren 27an - 23:44

“Dena da ETA” doktrinaren harira eraiki den beste auzi bat gehiago da hau. Auzitegi Nazionaleko Penal Aretoko 2. Sekzioko 4/2014 sumarioan auziperatuko dituzte eta, erakunde armatuko kide izatea leporatuta, 8 urteko espetxe zigorra eskatu du fiskaltzak. Ekin erakundekoak izatea bizkarreratzen die eta, beraz, ETAko kide izatea, fiskalaren ustez erakunde hau ETAren adar bat besterik ez zen eta. Auzipetuek ukatu egiten dute halakorik eta haien jarduna soilik politikoa zela azpimarratu dute.

Bost gazteak 2011ko urtarrilaren 18an atxilotu zituen Guardia Zibilak Fernando Grande Marlaska epailearen aginduz. Inkomunikatuak izan ziren eta torturak salatu zituzten.

Jon Arratibelen tortura salaketak Giza Eskubideen Estrasburgoko Auzitegiraino iritsi ziren eta honek 2015eko maiatzean Espainia zigortu zuen haren tortura salaketak ez ikertzeagatik. Europako Kontseiluaren menpe dagoen CPT torturaren aurkako elkarteak ere, 2011n egindako txostenean sinesgarritzat jo zituen gazte hauen tortura salaketak.

Aztnugal kanpaina abian da

Arratibelen kasua ezaguna egin zen bere garaian, torturak salatzeko eta laguntza eskatzeko, poliziaren deklarazioa ‘aztnugal’ hitzarekin (laguntza alderantziz) sinatu zuelako. Orain apirila arteko Aztnugal izeneko informazio eta salaketa kanpaina egingo dute.

Iker Morenoren tortura salaketa eta testigantza ere bolo-bolo ibili ziren sare sozialetan; joan den irailean tortura hauen eraginaz mintzatu zen iragan iraileko Larrunen egintako elkarrizketan.

Auzipetuek agerrialdian adierazitakoaren arabera, “bi aldagairen inguruan laguntza eskatzeko erabili nahi dugu kanpainaren izena: torturarekin amaitzeko laguntza eta gatazka politikoarekin amaitzeko laguntza”. Epaiketa eta sorgin ehizarekin ere amaitzeko eskatu diote Estatu espainiarrari.

 


Kanal honetatik interesatuko zaizu: Tortura
Eneko Valdés eta Juan Calvo, Ertzaintzaren zaintzapean hilak: 30 urteko aldea, kointzidentzia gehiegi

1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]


Joxe Arregi oroitu dute heriotzaren 43. urteurrenean, Zizurkilen

Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.


Euskal Herriko torturatu guztiak saretzeko ekimena aurkeztu dute Torturaren Aurkako Egunean

Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]


2024-02-11 | Nekane Txapartegi
Ubelduak moretuz, tortura itzaletik argitara

1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]


Eguneraketa berriak daude