Asteazkenean gizarte zibileko 30 pertsona baino gehiagok proposatu zuten Espainiako hauteskundeetarako Hego Euskal Herriko ezkerreko hautagaitza bateratua sortzea. Podemos Euskadik proposamena baztertu du.
EH Bildu, Ezker Anitza eta Equo-rekin “legealdirako ituna” adosteko baldintza egokiak falta direla arrazoituz baztertu dute proposamena, nahiz eta “akordio puntualak” egiteko arazorik ez duten agertu.
Zabaldutako komunikatuan, Podemos Euskadik hautagaitza bateratuaren proposamenari erantzun dio esanez beraien proiektua herritarrengan oinarritzen dela eta izaera transbertsala duela, “fronteetatik” urrun.
Bestalde, Ezker Anitza-IUk eta Equok proposamena aztertuko dutela adierazi badute ere, gogorarazi dute lehenagotik beste hautagaitza bateratu batean parte hartzen dutela, Ahora en Comúnen.
Equok, gainera, “zail” ikusten du EH Bildurekin erabakitze eskubidearen edota giza eskubideen inguruan akordioetara iristea: “Bere alde interesgarriak ditu hautagaitza bateratuaren proposamenak, baina baita bere konplexutasun ideologiko eta antolakuntzazkoak ere”.
Mariano Rajoyren inbestiduraren aurka, larunbatean manifestaziora deitu du 25-S erakundeak. Rajoy presidente bihurtuko duen inbestidura saioarekin batera abiatuko da. “Mafiaren kolpearen aurrean, demokrazia” leloarekin abiatuko da.
Espero zenez, Mariano Rajoy PPko hautagaiak ez du lortu Espainiako presidente izateko behar adina babes inbestidura saioko lehen bozketan. Baiezko 170 boto jaso ditu jarduneko presidenteak, eta 180 ezezko. Ez da abstentziorik izan.
Lehendakariak “oportunismoa” egotzi dio EH Bilduri Eusko Jaurlaritzaren ikasturte berriko lehen kontseilu bileraren ostean. Espainiako Gobernuari, abertzaleak mespretxatzea.
Hauteskunde biharamuneko ARGIAren azal honek eskaintzen zuen irudia ez zen txantxetakoa. Hori da Mariano Rajoyren ahotan entzungo den diskurtsoa, Espainia urdinarena. Tribunatik Espainiako eskuinaren nagusitasun ia erabatekoa barreiatuko da.
Datozen 48 orduetan PPk bere eskaerak betetzen ez baditu, inbestidura saioan baiezkoa emateko negoziaketak bertan behera utziko ditu Ciudadanosek.