PSOEn hautsak harrotu ditu Ciudadanosekin sinaturiko akordioak

  • PSOE barneko hautsak harrotu ditu Pedro Sanchez eta Albert Riveraren arteko akordioak. Alderdiko idazkari nagusiak asteartean iragarri zuen Ciudadanosekin bat egiteko erabakia, Espainiako gobernuko presidente izateko ahaleginean. Hala ere, Ciudadanosen babesa ez zaio aski, eta PPk eta Podemosek baztertua dute Pedro Sanchezen saiakera babesteko aukera.


2016ko otsailaren 26an - 13:31
Barne kontsultan hartzen duten erabakia ez da loteslea; azken erabakia batzorde federalaren esku egongo da.

PSOE eta Ciudadanosen arteko akordioak aldebiko erreakzioak eragin ditu alderdian. Ostirala eta larunbata bitartean alderdiko kideak kontsultatuko ditu idazkari nagusiak; zenbaitek zalantzan jartzen dute galdeketaren zilegitasuna. “Erantzun laburra eskatzen duen galdera nahasia da”, dio Ezker Sozialista korronteko kide Perez Tapiasek. Ez dago ados PSOE eta Ciudadanosen arteko akordioarekin: “PSOE eskuinean jartzen du erabakiak. Alderdiaren sinesgarritasuna kolokan dago, barnera zein kanpora begira”. Barne kontsultan harturiko erabakia ez da loteslea; azken erabakia batzorde federalak hartuko du datorren astelehenean.

Andaluziako presidente Susana Diazek ere eman du bere iritzia. Ciudadanosek diputazioak ezabatzea exijitu dio Pedro Sanchezi, eta hala jaso du asteazkenean sinaturiko akordioak. Diazek uste du gisako neurriek alderdi guztien arteko akordioa eskatzen duela, eta ez biren artekoa. Hala ere, Diaz Ciudadanosekin negoziatzearen alde azaldu da: “Espainiaren batasuna eta berdintasuna defendatzen ditu”.

Gaiaren inguruko diskurtso kontserbadoreagoa eskaini du Felipe Gonzalezek. Podemosen aurkako jarrerarekin jarraitzen du presidente ohiak; ezkerreko alderdi berriari ahalik eta eskumen gutxien eman behar zaizkiola iritzi du. Itxaropen gutxi du Pedro Sanchezen saiakeran.

Prozesu luzea

Sanchezek martxoaren 2an aurkeztuko du bere proposamena Kongresuan eta hurrengo eguneko bozketan gehiengo absolutua lortu beharko du gobernuko presidente izateko. Helburua erdiesten ez badu, Kongresuko kideek martxoaren 5ean errepikatu beharko dituzte bozak. Egun hartan PSOEko idazkari nagusiak gehiengo sinplea lortu ezean, Sanchezek bi hilabete izango ditu helburua lortzeko. Tarte horretan, berak edo beste batek gobernuko presidente izateko babesa lortu beharko du, bestela Gorteak disolbatuko dira –maiatzaren 3an–, eta hauteskunde berriak antolatuko dira ekainaren 26an.


Kanal honetatik interesatuko zaizu: Espainiako hauteskunde orokorrak 2015
Rajoyren inbestiduraren aurka manifestazioa deitu dute Madrilen, "Mafiaren kolpea" salatzeko

Mariano Rajoyren inbestiduraren aurka, larunbatean manifestaziora deitu du 25-S erakundeak. Rajoy presidente bihurtuko duen inbestidura saioarekin batera abiatuko da. “Mafiaren kolpearen aurrean, demokrazia” leloarekin abiatuko da.


2016-08-31 | Unai Brea
Rajoyri ezezkoa inbestidura saioko lehen bozketan

Espero zenez, Mariano Rajoy PPko hautagaiak ez du lortu Espainiako presidente izateko behar adina babes inbestidura saioko lehen bozketan. Baiezko 170 boto jaso ditu jarduneko presidenteak, eta 180 ezezko. Ez da abstentziorik izan.


Urkullu: "EH Bildu kontziente zen egoeraz. Ez dut ikusi hautagaitzarik erretiratu duenik"

Lehendakariak “oportunismoa” egotzi dio EH Bilduri Eusko Jaurlaritzaren ikasturte berriko lehen kontseilu bileraren ostean. Espainiako Gobernuari, abertzaleak mespretxatzea.


Espainiar eskuinaren hegemonia

Hauteskunde biharamuneko ARGIAren azal honek eskaintzen zuen irudia ez zen txantxetakoa. Hori da Mariano Rajoyren ahotan entzungo den diskurtsoa, Espainia urdinarena. Tribunatik Espainiako eskuinaren nagusitasun ia erabatekoa barreiatuko da.


Rajoyren inbestidura saioa: Ciudadanosen ultimatuma, Pastorren jokaldia eta eguberriak

Datozen 48 orduetan PPk bere eskaerak betetzen ez baditu, inbestidura saioan baiezkoa emateko negoziaketak bertan behera utziko ditu Ciudadanosek.


Eguneraketa berriak daude