Urkullu: "EH Bildu kontziente zen egoeraz. Ez dut ikusi hautagaitzarik erretiratu duenik"

  • Lehendakariak “oportunismoa” egotzi dio EH Bilduri Eusko Jaurlaritzaren ikasturte berriko lehen kontseilu bileraren ostean. Espainiako Gobernuari, abertzaleak mespretxatzea.


2016ko abuztuaren 31n - 11:36
Eusko Jaurlaritzako kideak, ikasturte berriko lehen gobernu kontseiluaren aurretik. Erdian, Iñigo Urkullu lehendakaria. [Argazkia: Irekia]

Ohi bezala, Donostian elkartu dira Eusko Jaurlaritzako kargudunak uda osteko lehen gobernu bilera egiteko. Haren ostean, egoera politikoaz mintzatu da Iñigo Urkullu lehendakaria. Bi gai nagusiz aritu da Urkullu: Arnaldo Otegiren inhabilitazioaz, eta Espainiako bigarren hauteskundeek utzitako egoeraz.

Otegiren auzian “oportunismo politikoz” aritzea egotzi dio EH Bilduri, Berriak argitaratu duenez. Lehendakariaren esanetan, prozesu juridiko tekniko bat egoteak eztabaida oro baztertzen du. Gogorarazi du Otegik prozesu horren emaitza onartzeko asmoa agertu zuela, eta horren aurrean Jaurlaritzak “egitekorik ez duela” azaldu du.

Urkulluren arabera, Otegik esan zuen beste inori aurkeztea galaraziz gero bera ez litzatekeela aurkeztuko, eta horren inguruan ere aritu da: “EH Bildu kontziente zen egoeraz. Ez dut ikusi hautagaitzarik erretiratu duenik”. Lehendakariak azpimarratu du “Bateragune auziko kausa eta ondorioen aurka” egon dela beti.

EH Bilduko hautagaiak eskaintza luzatu zien larunbatean Ahal Dugu eta EAJri, Nafarroa-EAE harremanen egoera aldatu eta Madrilek erabakitze eskubidea onartu dezan ahalegintzeko. Urkulluren asmoak, baina, bestelakoak dira: “Ez dugu fronterik nahi”. Urkulluk esan du EAJ erabakitze eskubidearen alde dagoela, eta Eusko Legebiltzarreko autogobernu lantaldera eramana dutela gaia: “Euskadi eraikitzen jarraituko dugu”.

“Trantsizioaren espiritua hiltzen ari da”

Ciudadanosek eta PPk Espainiako presidentetzarako inbestidura saioan Mariano Rajoy babesteko sinatu duten akordioa arbuiatu du Urkulluk. Bere esanetan, akordioak “lege uniformizatzaileak” dakartza, eta kezkatuta agertu da bi alderdiek “idatzi ez, baina esandakoekin”.

Horrez gain, lehendakariaren arabera Ciudadanos eta PPk “estatua indartu nahi dute, autonomien gainetik”, eta salatu du “trantsizioaren espiritua hiltzen” ari dela. “Abertzaleok estatu paper bat bete dugu trantsizioaren garaitik gaur arte. Eta orain mespretxatu egiten gaituzte”.


Kanal honetatik interesatuko zaizu: Eusko Legebiltzarreko hauteskundeak
Aste politikoaren kronika
Orokorkerien Euskadi

Hilabete baino gutxiago falta da hauteskundeetarako eta bi aste baino ez kanpaina ofizialki abiatzeko. Lehen bi kolpe kanonikoak eman dituzte dagoeneko. Bata administrazioak, egin baitute zozketa, hauteslekuetan eguna botako duten herritarrena; eta alderdi politikoek bestea, 48... [+]


2024-03-24 | Anuntxi Arana
Barbie hauteskundeetan

Arropa bera luzaz eramatea ez da ongi ikusia, eskasa-edo dateke. Behin, lagun irakasle bati lizeoan ohartarazi zioten bazela ordua jaka berria eros zezan. Aspaldiko joera hori indartuz joan da. Telebistako esatari eta berriemaileek jantzi desberdinak luzitzen dituzte egunero... [+]


Aste politikoaren kronika
Bejondeiela

Pandemia aurretik mugarria ezarri zuena, geurean, Berri Txarrak izan zen; azken kontzerturako sarrerak mila hilabete lehenago ipinita, F5 tekla guztiak izorratu eta webgunea kolapsatu zituena. Pandemia aroan, gero, ugaldu zen txartelak online hartzeko moda, eta ordu luzez ilara... [+]


Aste politikoaren kronika
Infiltratua

Zikindu da aurre-kanpaina. Ertzaintzaren jardun polemikoak hartu du fokua eta, pasa den asteko kronikan iradoki moduan, herritarren eguneroko beste hainbat arazo, norbanakoaren poltsikoari edota osasunari zuzenki loturikoak, alboratu dira beste behin ere. Egia esan, ez da... [+]


Eguneraketa berriak daude