Kutxabank berehala pribatizatzeko arriskuan dela salatu dute
Kutxabanken pribatizazioaren aurkako plataformak giza katea egin du asteazkenean Bilbon, Sabin Etxearen aurrean. Euren esanetan bankua kudeatzen dutenek “azeleragailua sakatu” dute pribatizaziori ekiteko. Ekainaren 21ean manifestazioa antolatu dute.
BBKren administrazio kontseiluak bilera du ostegunean, ekainak 12, hil amaierako batzarrerako gai ordena zehazteko eta litekeena da aurrezki kutxa fundazio bihurtzeko erabakia hartzea. Vitalek ere ekainaren amaieran hartuko luke erabaki hori. Bestalde, Kutxak prozesuari ekainaren 20an ekingo dio, baina udazkena arte ez dela fundazio bihurtuko aurreikusi dute. Itun eta oreka politikoek zerikusi handia dute abiadura desberdin horiekin.
LABeko ordezkari Jabi Garnikarekin Info7 irratiak izandako elkarrizketan, sindikalistak azaldu du EAJ, PSE eta PP prozesua azkartzen ari direla “horri erantzungo dion dinamika sozialik ez artikulatzeko”. Hain justu, sindikatuek eta hainbat eragile sozialek manifestazioa egingo dute ekainaren 21ean Bilbon Kutxabank. Pribatizaziorik ez! lelopean. #kutxabankpublikoa traola ere sortu dute sare sozialetan hemendik aurrerako mobilizazioen berri emateko.
Mario Fernandez Kutxabankeko presidenteak pribatizazioaren bideari ateak zabaldu zizkion joan den maiatzean egindako adierazpen polemiko batzuekin: “Ezin da pribatizatu jadanik pribatua dena”. Bere esanetan Kutxabankek legea betetzeko kapital pribatua onartu behar luke. Patronaletik ere antzeko mezuak zabaldu dituzte, Arabako SEAren ustez kutxak fundazio bihurtzeak Kutxabank “indartuko” luke
ELA sindikatuak argudio horiek goitik behera ezeztatu ditu txosten batean (pdf). Sindikatu abertzalearen ustez Espainiako legediak neurriak aurreikusten ditu kutxak fundazio ez bihurtu behar izateko eta alternatibak badaude: “Europar Batasunean dauden eredu desberdinek berezko lurraldean errotutako banku minoristen aldeko apustua egiten dute”.
EH Bilduren eskaintza
2011n Kutxabank banku bihurtzea onartu zuen EH Bilduk, gogor kritikatu du kutxak fundazio bihurtzeko intentzioa: “Gaur egungo hauteskunde prozesuak, batzarrak eta administrazio kontseiluak behin betirako amaitu eta hamabost kidek osatutako patronatu itxi eta ilun baten esku geldituko litzateke jarduera osoa –azaldu du koalizioak prentsaurrean–. Horrela, noski, pribatizazioa helburu dutenei bidea zeharo erraztuko litzaieke”.
Kutxak fundazio bihurtzeko legea PPren eta EAJren arteko akordio bati esker onartu zen Madrilgo Kongresuan 2013ko abenduan. Legeak urtebeteko epea ematen die kutxei beharrezko neurriak hartzeko. EH Bildurentzat oraindik badago betarik “herri akordio” bat lortzeko. Besteak beste, proposatzen du Kutxabanken kanpoko kapitala sartu behar izanez gero, akzioak erosiko lituzkeen sozietate publikoa sortzea: “Helburua, eta era berean marra gorria, kapital pribatuari akzio bat bera ere ez saltzea izango da”, dio.
Donostiako Kultura Garaikidearen Nazioarteko Zentroan dituen 6.300 metro koadroak erabiliko ditu Kutxa Fundazioak espazio berriarentzat eta 15 milioi euroko aurrekontua du proiektuarentzat. 2026ko udazkenean ireki asmo dute Atenea, eta hori baino lehen itxiko dute Miramongo... [+]
Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.
Komisioak ezabatu egingo dira 30 urtetik beherako guztientzat eta baldintza batzuk bete beharko dituzte kontua eta txartela doan mantendu nahi duten bezero orok. Urtarrilaren 15ean sartuko da araudi hau indarrean.
Kutxabankek inbertsio bankuen sektorean sartzeko pausoa eman du eta akordioa sinatu du sektore horretako Espainiako Estatuko eta Europako eragile nagusienetako batekin, Alantra sozietatearekin. "Enpresen merkatuan" presentzia handiagoa izatea litzateke helburua.
Ekainaren 15ean aurkeztu dute ekimena Inés Monguilot (Kutxabank) eta Luis Manuel Martínek (EITB). Guztira 60.000 ikurrin atera dituzte Frantziako Tourrean banatzeko, hiru erakundeen logoekin.
Kutxabankeko presidenteak finantza entitatearen hurrengo urtetarako asmoak azaldu ditu Cebek Bizkaiko patronalak egindako jardunaldi batean. Bere hitzartzean iradoki du Euskal Herritik kanpo hazteko proiektua duela Kutxabankek, eta horretarako banku pribatuetan eta inbertsio... [+]
Kutxa zerbitzua ez ematea, eskudirutan ordaintzeko zerbitzua ezabatzea eta "abusuzko praktikak" egitea egotzi dizkio Kontsumobidek erakundeari.
Sindikatuek salatu dute gero eta langile gutxiago daudela, presio komertziala handitu dela, eta Kutxabank "talentu handiko" langileak galtzen ari dela baldintza ekonomikoak okertu direlako.
Galdakaon 67 urteko pentsiodun bat eta emakume bat bere hiru seme-alabekin etxetik botatzeko prozedurak abian dituzte. Arduradunak Kutxabank eta Santander Bankua dira putre funtsekin elkarlanean. Astelehenean egindako prentsaurrekoan Etxebizitza Sindikatuak salatu du... [+]
Kutxabankek 2.500 zor "toxiko" saldu dizkio Irlandako Zima Finances funts putreari, eta salerosketak EAEko hainbat familia kaltetu ditu; putre-funtsak demandak aurkez ditzake, eta etxegabetze prozesuak abiatu. Stop Kaleratzeak plataformak zazpi kasu identifikatu ditu... [+]
Belen Bilbao mediku eta militante feministaren, Argitan Emakumeentzako Aholku Etxearen eta Skolastika literatur proiektuaren ibilbidea aitortuko dute VII. Zirgari Sariek. Martxoaren 7an egingo da sari banaketa, Bilboko BBK Aretoan.
Hiru erreferentzia gune garrantzitsu dira Gipuzkoan eta, fundazioak jakinarazi duenez, haietan egiten diren jarduerak Donostiako Tabakaleran dagoeneko duten 5.600 metro koadroko espaziora eramango dituzte. 2001ean ireki zen Zientzia Museoa 2023an itxiko da.
Euskaltelek jabe berria dauka: MásMóvil. "Gutxienez bost urtez" mantenduko du egoitza soziala eta fiskala Euskal Herrian. EAJk José María Aznar Espainiako presidente egitea ahalbidetzearen truke sortu zen enpresa duela 27 urte, %100 diru... [+]
Kaleratzeak Stop plataformak salatu duenez, Kutxabank banketxeak Egiako bi bizilagun kaleratu nahi ditu: 76 urteko Rosario eta bere semea, 51 urtekoa; biek ala biek ezintasuna dute, %54koa amak eta %70ekoa semeak.
Iturbe Kutxa enpresa gipuzkoarreko lehendakaria zen, Kutxabank pribatizatu zenean. Finantza zuzendaria izan da Euskaltelen, eta azken urteetan Kutxabankeko presidenteorde lanetan aritu da.