Hekimen Euskal Hedabideen Elkarteak urteko batzar nagusia egin zuen joan den ostiralean Andoainen. Hedabide euskaldunek administrazioetatik jasotzen duten finantzazioa izan zuten hizpide besteak beste, Jaurlaritzak iragarri duen politika aldaketa dela-eta.
Eusko Jaurlaritzak urtarrilean iragarri zuen komunikabide euskaldunak finantzatzeko modua aldatuko duela: 2016rako onartutako aurrekontuetan lehen aldiz hainbat urterako kopuru bat zehaztu dute, 11,46 milioi, konpromiso kredituen bidez gauzatuko dena.
EAEn aurrekontua izoztuta
Hekimenen ustez, horrek esan nahi du aurtengo udazkenean egitekoak diren hauteskundeetatik aterako den gobernuak azken bost urteotako aurrekontu ia bera izango duela hurrengo hiru urteetarako euskal hedabideentzat.
Urte ugaritako planteamendua txartzat jotzen ez duen arren, euskal medioak ordezkatzen dituen elkarteak adierazi du “diru berdina egotea eta deialdia sektorearekin irizpideak eztabaidatu gabe egitea” ez dela Hekimenek eskatzen duena, “ez duelako bermatzen sektore osoaren egonkortasuna eta garapena”.
Nafarroa: aldaketa zantzu gutxi
Jaurlaritzarena da euskal hedabideek jasotzen duten partida publiko garrantzitsuena, baina ez bakarra. Eta beste administrazioen ekarpena ere baloratu du Hekimenek: “Nafarroako Gobernu berriak UPNko gobernuak bideratzen zuen antzeko kopurua esleitu dio euskal hedabideentzako diru laguntza deialdiari, eta ezin dugu nahikotzat jo. Bizkaiko Foru Aldundiaren ekarpena jaitsi egin da azken urteotan. Gipuzkoako Foru Aldundiaren deialdia atzeratu egingo da Europako diru laguntzekin sortu daitezkeen arazoak direla, baina igoerak izan dira tokiko telebistetarako deialdian (%38) eta IKTkoetan (%31). Arabako Foru Aldundiak, berriz, bere ekarpena nabarmen igo du aurten: 10.000tik 50.000 €-ra”.
Euskal Hedabideen Behategia elkargune
2015eko urtarriletik uztailera bitartean Eusko Jaurlaritzaren Hizkuntza Politikako Sailburuordetzarekin hainbat bilera egin zituen Hekimenek: sektorearen diagnostikoa partekatzea helburu jarrita, medio euskaldunen audientziak, publiko potentzialak, balio sozialak eta administrazioen diru inbertsioak aztertu zituzten.
Sektoreak positiboki baloratu du dinamika hori, azpimarratu du elkarlanerako jarrerari eusten diola eta Euskal Hedabideen Behategiaren barruan kokatzen duela bere eskaintza: “Gune bat non Euskal Herriko unibertsitateek, administrazioek eta sektoreak berak euskal hedabideen zereginaz, helburuez eta garabideez hitz egingo duten”.
Joan den urtarrilaren 14an EHU, Deustuko Unibertsitatea eta Mondragon Unibertsitatearekin batera Bilbon sinatu genuen hitzarmenak bultzada handia eman zion Behategiaren proiektuari Hekimenen arabera.Behategiak aurrerantzean ere elkargune izateko bokazioa daukala azpimarratu du sektoreak. Hekimenek bere konpromisoa berretsi du datorren gobernuarekin epe luzera begirako planteamendu egonkor eta eraginkorra lantzen jarraitzeko.
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak
Iazko urteak eman duenaren azterketa eta 2023an dauden erronka nagusiak jasotzen ditu Behategiaren urteroko argitalpenak. Azken horien artean dago digitalizazioaren eta adimen artifizialaren garapena baliatzeko urrats sendoak eman beharra; dela eleaniztasuna, ikus-entzunezkoak,... [+]
Hedabideak laguntzeko Eusko Jaurlaritzak aurten egindako bi dirulaguntza deialdi aztertu ditu herri ekimeneko euskal hedabideen elkarteak, eta ondorioztatu du “baliabide handitze nabarmena” behar dela sektorea egonkortzeko, berrikuntza prozesuak sustatzeko eta... [+]
Jabetza intelektuala beti da garrantzitsua, sarri arazo iturri ere bai, eta horregatik mundu osoan ondo araututa dagoen esparrua da. Merkatua jaun eta jabe, eta salerostea eta lehia horren garrantzitsua den kapitalismoan, jabetza intelektuala batez ere copyright zigiluarekin... [+]
Ikus-entzunezkoen Espainiako legea onartzeko prozedura azken txanpan dela, une erabakigarria dela eta “gure hizkuntzaren presentzia duina bermatzeko” legeak hainbat puntu jaso beharko lituzkeela gogoratu dute Euskalgintzaren Kontseiluak, Euskaltzaleen Topaguneak,... [+]
Bingen Zupiria sailburuak Legebiltzarrean eman dituen azalpenak entzun ondoren, Hekimen elkarteko zuzendariaren arabera ezinbestekoa da COVID-19aren ondorioei aurre egiteko Jaurlaritzak emandako laguntzak gainerako euskarazko komunikabideei zabaltzea.
Eusko Jaurlaritzak COVID-19ak eragindako kalteak arintzeko asmoz zenbait komunikabideri emango dien laguntza gainerako euskarazko komunikabideei zabaltzeko eskatzen du Hekimen Euskarazko Hedabideen Elkarteak.
Donostia, irailak 14, Bingen Zupiria Kultura sailburua Euskarazko Komunikazioaren EHUko ikastaroetan: “Euskarazko hedabideak lerratuegiak daude posizio politiko-ideologiko batzuetara”. Ez da egokia argia izan behar duena ilun agertzea. Sikiera aukera izan bagenu... [+]
Euskarazko komunikazioa 2020ko hamarkadan, horixe izan zen EHUko Udako Ikastaroetan irailaren 14an eta 15ean Donostian landu zen gaia. Euskal Hedabideen Behatokiak antolatu zuen gogoeta, Hekimen herri ekimeneko hedabideen elkartea eta EHUko Nor ikerketa taldearekin batera... [+]
Dirulaguntza eredu berria adostu dute Eusko Jaurlaritzak, EAEko hiru foru aldundiek eta herri ekimeneko hedabideen Hekimen elkarteak. Itunak 2019-2021 urteetarako balio du.