Garoña uztailaren 6a baino lehen itxiko duela dio Espainiako Gobernuak

  • Garoñako zentral nuklearra itxi egingo du Espainiako Gobernuak uztailaren 6rako. Plantaren esplotazioa amaitu egingo da, bere luzapena epe legaletan betetzea ezinezkoa dela argudiatuta.


2013ko ekainaren 19an - 00:00
Azken eguneraketa: 2015-02-26 13:37:33
Garoñako zentral nuklearra.

Espainiako Gobernuaren kontrol saioan Jose Manuel Soria Industria, Energia eta Turismo Ministroak eman ditu azalpenak. Azaldu duenez, itxierak ez du zerikusirik segurtasunarekin, arrazoi ekonomikoengatik itxiko da.

Nuclenorrek Garoñako iharduerarekin jarraitzeko egindako eskaerari erantzunez etorri da Gobernuaren erabaki hau.

Soriak azaldu du ezin izan dutela Nuclenorren eskaera bete "prozedura administratiboak erregulatzen duen legean epeak betetzea ezinezko zelako".

"Instalazio nuklear eta erradiaktiboen araudiari jarraituz, Ministerioak Garoñaren behin betiko itxiera adieraziko du uztailaren 6a baino lehen", adierazi du Soriak.

 


Kanal honetatik interesatuko zaizu: Garoña
Enpresa publikoak eraitsiko du Garoña, 40 urtez Iberdrola eta Endesak ustiatu ondoren

Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]


Garoña eraisteko baimena eman du Espainiako Gobernuak

Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.


2022-12-19 | Hala Bedi
Garoñaren desegitea 2023ko ekainean hasiko da

Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.


2021-11-26 | Hala Bedi
Eguzkik alegazioak aurkeztu ditu Garoñaren desegitea "segurua eta gardena" izan dadin

Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]


2021-11-25 | Leire Artola Arin
Langile bat hil eta beste hiru zauritu dira Tarragonako zentral nuklear batean

Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]


Eguneraketa berriak daude