ARGIA.eus

2021eko abenduaren 02a

Langile bat hil eta beste hiru zauritu dira Tarragonako zentral nuklear batean

  • Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar dela herritarren eta langileen segurtasuna. Garoñako zentrala desegiteko “segurtasun-neurriak” eskatu ditu taldeak.

Leire Artola Arin @aleirea
2021eko azaroaren 25a
Karbono dioxidoa arnastuta hil da Asco zentral nuklearreko langilea. / Argazkia: CSN

Azaroaren 24 arratsaldean Tarragonako Asco zentral nuklearrean istripu bat jazo da, eta karbono dioxidoa arnastearen ondorioz langile bat hil eta gutxienez beste hiru arin zauritu dira. Generalitateko suhiltzaileek eta Segurtasun Nuklearreko Kontseiluak (CSN) jakinarazi dutenez, “ez du zerikusirik jarduera erradiologikoarekin”. Langileak suteen aurkako sisteman mantentze-lanak egiten ari zirela karbono dioxidoa isuri da (sua itzaltzeko erabiltzen dute CO2a, ura ezin delako erabili). Eguzki talde ekologista eta antinuklearrak ohar batean salatu du zentral nuklearretako istripuak “kosta ahala kosta” saihestu behar direla, eta gogorarazi du “lehentasun nagusia” izan behar dela herritarren eta langileen segurtasuna. Hildakoaren gertukoei “elkartasuna eta babesa” eskaini diete.

Hildako gizonezkoa zentraleko suhitzaile bat da, larrialdietarako talde bat baitute bertan. El Periodico Kataluniako egunkariak argitaratu duenez, langile batek ohartarazi die kanpoko larrialdi zerbitzuei istripuaz; zentralak oraindik ez zuen abisua emanda. Ez zekiten ezer Generalitateko suhitzaileek, Esquadra Mossoek, Guardia Zibilak, ezta SEM Larrialdietarako Medikuen Zerbitzuek ere. Zentral nuklearreko iturriek hedabide horri azaldu diotenez, hasiera batean zentraleko bertako larrialdi taldeak egin dio aurre istripuari, eta egoeraren larritasuna ikusitakoan eskatu dute kanpoko laguntza. CNTren Valentziako sindikatuak Twitter bidez salatu du Asco zentralak ez dituela beharrezko segurtasun neurriak betetzen.

Garoña desegiteko segurtasun neurriak eskatu dituzte

Era berean, Eguzki taldeak galdegin du Garoñako zentral nuklearraren eraistean “segurtasun neurriak bermatzea”. Hain zuzen, taldeak alegazioak aurkeztu ditu Arabarekin mugan dagoen Burgosko Garoña zentralaren desegite-prozesuan. Izan ere, martxoan argitaratu zuten Estatuko Aldizkari Ofizialean zentral nuklearra eraisteko 1. fasearen proiektua, baina Eguzkik “gardentasuna eta informazioa” eskatu ditu: “Proiektu horretan ez zen azaltzen segurtasun arloko ez neurrien ezarpenik, ezta segurtasun-arriskuari dagokionik ere, ez esperientziarik beste zentral nuklearretan, ez desegite-lanek pertsonen osasunari eta ingurumenari kalte egiteko arriskuarekin duten loturarik ere”. Halaber, ingurua biziberritzeko plan bat egitea galdegin dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Energia nuklearra  |  Garoña  |  Lan istripuak  |  Eguzki  |  Katalunia

Energia nuklearra kanaletik interesatuko zaizu...
2021-11-26 | Hala Bedi
Eguzkik alegazioak aurkeztu ditu Garoñaren desegitea "segurua eta gardena" izan dadin

Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]


COVID-19a estakuru, presidentzialetarako kanpaina kutsua gailendu zaio Macronen diskurtsoari

Txertaketari buruzko neurri berriak plazaratzeaz gain, erretreten erreforma eta nuklearra izan ditu aipagai Frantziako presidenteak. COVID-19 izurritea hasiz geroztik telebista eta irrati publikoetan plazaraturiko bederatzigarren diskurtsoa zuen azaroaren 9koa. Zentral nuklear... [+]


Argindarraren prezioa jaisten bada, zentral nuklearrak ixtearekin mehatxatu du Espainiako energiaren lobbyak

Espainiako Gobernuak asteartean onartu zuen argindarraren prezioaren hazkundea gelditzeko neurri multzoa. Energia enpresek kobratu dezaketen gehienezko prezioa kilowatt orduko 20 euroan jarri dute. Foro Nuklearra kexu da: gutxienekoa 57-60 euroan ez badago, zentralak itxi... [+]


2021-06-10 | Juan Mari Arregi
Iraultza?

Zarata handia ateratzen ari dira zenbait eremutan, Espainiako Estatuan ustezko "iraultza elektriko" baten eta munduan egosten ari omen den beste "zerga iraultza" baten inguruan, hedabide handietako editorialek azpimarratu duten bezala. Propaganda gehiegi.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude