Garoña eraisteko baimena eman du Espainiako Gobernuak
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Santa María de Garoñako zentral nuklearra botatzen hasteko baimena eman du Espainiako Gobernuak. Orain arte Nuclenor (Iberdrola eta Endesak osatua) enpresa pribatuaren esku egon da instalazioaren titulartasuna; orain, ordea, Enresa enpresa publikoa izango da titularra.
Eraisketa bi fasetan bananduko da Diario de Burgosen esanetan; lehenengoan (2023-2026), sistema, egitura eta instalazioak deseraikiko dira; bigarrenean (2027-2033), guztiz eraitsiko da. Guztira, 475 milioi euroko gastua izango dute eraiste lanek, eta 350 pertsona inguruk parte hartuko dutela aurreikusi dute.
Nuklearrari ez
Nuklearren aurkako elkarte eta talde ekologistek behin eta berriz kritikatu eta mobilizatu dira Garoñaren aurka, segurtasun falta egotzita, besteak beste –1971n jarri zuten zentrala funtzionamenduan–. Hiriguneetatik gertu kokatuta egotea ere salatu dute sarri, Gasteiztik esaterako. 2009an Eusko Legebiltzarrak nuklearra ixteko eskatu zion Espainiako Gobernuari, hainbatetan eskatu dio berbera Gasteizko Udalak. 2013an agindu zuen Garoñako jardueraren etetea Espainiako Gobernuak; 2014an Endesak eta Iberdrolak berriz ekiteko baimena eskatu zuten; eta Energia Ministerioak 2017an ukatu zien baimena behin betiko.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.