ARGIA.eus

2020ko ekainaren 06a

2021ean hasiko dira Garoņako zentral nuklearra eraisten, Espainiako Gobernuak dioenez

  • 2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.

ARGIA @argia
2019ko abuztuaren 30a
Garoņako zentral nuklearra 2012tik dago geldirik.

Eraistearen lehen fasea 2021eko erdialdean martxan jartzea aurreikusten du Espainiako Gobernuak eta bigarrena berriz, 2024an. Naizek argitaratu duenez, bigarren fasea izango da luzeena, 7 urte irautea aurreikusten baitute.

Une honetan Espainiako Segurtasun Nuklearreko Batzordea lanean ari da bi fasetako eraiste horren dokumentazioa prestatzen.

Aurreneko fasean, zentral nuklearreko putzuetan dagoen erregaia aztertuko da, turbinen eraikina botako da eta bigarren faserako dokumentazioa prestatuko da.

2024tik aurrera berriz, erreaktorean eta gainontzeko eraikinetan hasiko dira lanean. Bigarren fase honen iraupena luzeagoa da, edifizio horien kutsadura kendu behar delako beste ezer egin aurretik.  

Eta zer gertatuko da zentralak sortutako hondakin nuklearrekin? Moncloak EH Bilduri emandako erantzunaren arabera, El Cabrileko biltegiratze-zentro batera eramango dituzte, Andaluziara. Baina zentro horretako baldintzak betetzen ez dituzten hondakin nuklearrak Garoñan bertan gordeko dira.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Garoņa  |  Hondakin nuklearrak

Garoņa kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude