Garoña: 6 herritar kontra eta 2 alde EAEn
Herritarren %62ak zentral nuklearra behin betiko ixtea nahi du, %20ak nahiago du funtzionatzen segitzea eta %19ak ez du erantzun zehatzik eman. Horixe da Eusko Jaurlaritzaren Prospekzio Soziologikoen Kabineteak egindako inkestaren emaitza (pdf).
Arabako mugan dagoen Santa Maria de Garoña zentralak oposizio handia du EAEko herritarren artean, alde daudenen hirukoitza hain zuzen. Inkesta 950 laguni egin zieten maiatzaren 20 eta 21ean, Espainiako Segurtasun Nuklearraren Kontseiluak zentralaren jarduna luzatzea erabaki baino egun batzuk lehenago.
Jarrera irmoena arabarrek izan dute, %73a kontra baitago eta %13 baino ez dago alde; bizkaitarren artean Garoña itxita ikusi nahi dutenak %57 dira eta %23ak irekita.
Txernobylgo hondamendia gertatu zenean 90 kilometroko ingurua ebakuatu zuten eta Fukushimako kasuan AEBetako gobernuak 80 kilometro arteko ebakuazioa gomendatu zuen. Garoñatik Bilbora 60 kilometro baino gutxiago daude eta 90 kilometroko perimetroan 1.500.000 pertsona bizi dira.
Bestetik, inkestak adierazten du herritarren gehiengoak mesfidati hartzen dituela energia nuklearraren segurtasunari buruzko datuak: %53ak uste du, arrisku hori esaten dena baino handiagoa dela.
PPko boto emaileen artean gehiago dira Garoña irekita jarraitzearen aldekoak (%33) kontrakoak baino (%28), baina zati handienak ez daki edo ez du erantzun (%39). Gainerako alderdien jarraitzaileen artean kontrako jarrera masiboa da.
Inkestak beste hainbat gaien inguruko emaitzak ere badakartza, hala nola birziklapenaz edo erregai fosila lortzeko fracking teknikaz
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.
Ekainean hasi eta hamar urte inguru luzatuko dira Garoñako zentral nuklearra desegiteko lanak. Bi fasetan egingo dira, erreaktorea desegin aurretik igerilekuak husteko. Hondakinen %15 zentralean bertan geratuko da.
Ascoko zentral nuklearrean izandako istripu hilgarriaren biharamunean, Eguzki talde ekologistak salatu du Garoña desegiteko Espainiako Estuak martxoan aurkeztutako desegite proiektuak ez zituen jasotzen "ez neurririk, ez segurtasun-arriskurik, ez esperientziarik... [+]
Segurtasun iturrien arabera, karbono dioxido isuri batengatik gertatu da Ascoko istripua, ez "jarduera erradiologikoagatik". Eguzki talde ekologista eta antinuklearrak ohartarazi du zentral horietan “beste ezeren gainetik, lehentasun nagusia” izan behar... [+]
Garoña itxi zen garaiko ospakizunak urruti daude. Lasaitua hartu genuen gehienok, zentral nuklearraz ahazten has gintezkeelakoan
Eguzkik alegazioak aurkeztu dizkio Garoña desegiteko proiektuari. Talde ekologistak ingurunea eta segurtasuna fase guztietan aztertzea eta ingurunea biziberritzeko plan bat eskatu du, besteak beste.
2012. urtetik geldi dago Garoñako zentral nuklearra eta 2021ean hasiko dira hura eraisten, Espainiako Gobernuak EH Bilduren galdera parlamentario bati erantzunez informatu duenez.
Eraiste-aurreko lanen plangintzan gabezia nabariak daudela adierazi du Segurtasun Nuklearrerako Batzordeak. Ikuskatzea joan den martxoan izan zen, eta batzordeak ateratako txostenak dio langileen irradiazio-mailaren kalkuluaren gainean eragin handia izango dutela plangintzaren... [+]