ETAren biktimen bi elkartek Estrasburgoko epaia onartu dute


2013ko urriaren 25an - 00:00
Azken eguneraketa: 2015-02-26 13:37:33
AVTk Inés del Ríoren kaleratzea salatzeko egindako kartelak. (Arg: El País)

Estrasburgok 197/2006 doktrina atzera bota eta Inés de Río kaleratu ostean, “Garaile eta garaituak izango dituen bukaeraren alde, Justizia”, lelopean kalera ateratzera deia egin du AVT-k.

“Justizia” exijitzearekin batera, Espainiako Gobernuari eskaera zuzen bat egin dio: epaia ez betetzeko. Hau da, Del Río ez askatzeko eta 'Parot Doktrina' delakoa ez deuseztatzeko.

El País egunkariari egindako adierazpenetan, AVTko presidente Ángeles Pedrazak esan du Estrasburgo Giza Eskubideen Epaitegiak kaleratutako erabakia ez dela loteslea, “deklaratiboa” baizik. Horregatik, Rajoyren exekutiboari esan dio “intsumisio” jarrera hartzeko.

Autonomia Erkidegoetako Biktimen Federazioko lehendakari Joaquín Vidalek, aldiz, adierazi du sententzia ez aplikatzea ezinezkoa dela: “Inés del Río ez askatzea ilegala litzateke”.

Bide beretik jo du Segurtasun Indarretako Biktimen Elkarteko presidente Francisco Zaragozak. Hark zuzendutako elkarteak ongintzako futbol partidua antolatu du, mobilizazioaren egun berean. “Nahiago dut jendearekin egon, kritikatzea ez dagokigun erabakiak kritikatzen baino”, esan du.

Biktimen elkarteen arteko bereizketaz mintzatu da Zaragoza: “Ez dugu elkarren kontra kolpeka jardun behar. Elkartasuna behar dugu”.

AVT, biktima gehien biltzen duen taldea

“Pazientziak muga dauka”, esan du AVTko Pedrazak, auziaren harira. Hamairu autobus antolatu ditu mobilizaziora joateko. Estatuak biktimak “abandonatu” egin dituela salatu du.

 


Kanal honetatik interesatuko zaizu: 'Parot doktrina'
Grande Marlaska tortura salaketen inguruan: "Egia bakarra egia judiziala da"

Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.


2015-01-13 | ARGIA
Etxeratek "Parot doktrina"-rekin alderatu du Gorenaren erabakia

Etxerat elkarteak "urgentziazko balorazioa" plazaratu du Espainiako Auzitegi Gorenak hartutako erabakiaren ostean. Osorik eskaintzen dizuegu jarraian:


Carmen Gisasola aske utzi du Espainiako Auzitegi Nazionalak

Carmen Gisasola aske geratu da astelehenean, kartzelan 24 urte eman ondoren. 1990. urtean atxilotu zuten Gaskoiniako Landetan (Okzitania) eta azken urteetan Zaballako (Araba) kartzelan zegoen preso. Langraitz bideari helduta, hirugarren graduan zegoen Gisasola.


ETAko presoen kondenak "gehiegizkoak" direla dio Espainiako Auzitegi Nazionaleko epaile batek

Jose Ricardo de Prada epaileak “neurriz kanpokotzat” jo ditu ETAko presoei ezartzen zaizkien kondenak. ETAkoak ez diren presoek betetzen dituzten zigorrekin alderatuta, aldea “handiegia” dela adierazi du.


2014-04-29 | Iera Aranburu
Euskal presoen kondenak luzatzeko doktrina berri bat eratu dute Espainiako epaileek

Presoen espetxeratzea urtebete edo bi luzatu ahalko dute neurri berriaren ondorioz. “Parot doktrina” delakoarekin alderatu dute Espainiako Auzitegi Nazionaleko bi magistratuk.


Eguneraketa berriak daude