Espetxeen aurkako Tattoo Circus topaketen hiru eguneko egitaraua aurkeztu dute

  • Hitzaldi eta ikuskizunez gain, tatuaiak eta piercingak egiteko aukera izango da martxoaren 31, apirilaren 1 eta apirilaren 2an, Donostiako Firestone Lantegi Berreskuratuan. Egitarau oparoa aurkeztu dute.

Lander Arbelaitz @larbelaitz
2017ko martxoaren 20a
Tattoocircus Euskal Herria topaketen kartela.

Hiru eguneko egitarau oparoa prestatu dute. Hitzaldi eta mahai inguruen alorrean ondorengoak antolatu dituzte: "Zubietan, edo burtsan kotizatzen diren kartzelak" hitzaldia larunbat goizean, "partiarkatuaren itxiturak: kartzela gizonezko zuri bat da" mahai ingurua larunbat arratsaldean, "ABZ/CIE-ak eta mundu-kartzela: migrazioak giltzapean" igande arratsaldean.

Ikuskizun eta kontzertuak ere: Bunker-612 tragikomedia post-apokaliptikoa eta Bertsxoratan ostiralean, kabaret ikusgarria parte-hartzaile ugarirekin larunbat arratsean edo Jimmy Muelles bakarlariaren kontzertua igandean. Igandean, Pruison Culinary Center deitu duten espetxe sukaldaritza tailerra antolatu dute.

Egitaraua egunez egun:

 

Tatuatzeko eta piercingak egiteko aukera izango da egunero 10:00eattik 21:00ak arte. Presoei idazteko txokoa eta shibari suspentsio pertsonalak egiteko aukera izangoda. Jana eta edana bertako produktuekin prestatuko dute eta otordu beganoak eskainiko dituzte.

Zer da Tattoo Circus?

2007an egin zuten Erroman lehen edizioa. Ordutik Europako hainbat lekutan antolatu izan dute, lekuan lekuko izaera propioarekin: Bartzelona, Londres, Tesalónica, Berlin eta Zaragoza, besteak beste. Euskal Herrian seigarren edizioa da aurtengoa eta aurretik ondorengo lekuetan egin izan dute: Bilbo, Eibar, Bergara, Durango edo Soraluzen.

Tatuaia, piercing eta zulatzeak, eskarifikazioa edo gorputzaren bestelako moldakuntzak oinarri dituen kultura, eta kartzelen kontrako borroka batzen dituzte Tatto Circus-ean. Antolaketatik jakinarazi dute, langintza hauetan aritzen direnek, zein bestelako kolektibo eta taldeek, diru irabazi asmorik gabe parte hartzen dutela ekimenean. "Tatto Circus-ean jasotako ezagutza eta baliabide oro presoekiko elkartasuna eta kartzelaren aurkako borrokaren mesedetan jartzen da", adierazi dute.


Herri mugimenduak kanaletik interesatuko zaizu...
Bozkatzera deitutakoen %24,83k eman du botoa estatus politikoari buruzko galdeketetan

124.274 pertsona deituak zituen Gure Esku Dagok igande honetako herri galdeketara, eta horien %24,83k bozkatu dute: 30.862k. Tolosaldean, Oarsoaldean, Astigarragan, Hernanin eta Larrabetzun antolatu dituzte galdeketak, 35 herritan denera.


Odolez zikindutako etekinen aurka

Bilboko Euskalduna Jauregian urtero egiten den BBVAren Akziodunen Batzarra protesta gune bilakatu zuen BBVAren aurkako Plataformak. Ohi bezala, umorea galdu barik, salatu zituzten etekinak kosta ahala kosta lortzeko “sufrimenduz eta odolez zikindutako negozioak”: Armagintzan diru gehien inbertitzen duen enpresa da BBVA –3.000 milioi euro–; kalte handiko makroproiektuen finantzatzailea da, tartean, Donald Trumpek berraktibatutako Dakota Access olioduktua, AEBetako... [+]


2017-03-26 | Garazi Zabaleta
Baserriko lanak eta etxekoak batzen direnean

Lehen sektoreko emakumeen egoeraz hausnarrean aritu dira Arabako bost eskualdetan –Gasteiz, Arabako lautada, Aiara, Trebiñuko konderria eta Arabako Errioxa– otsailean zehar. UAGA nekazarien elkarteak antolatu ditu jardunaldiak, Arabako emakume nekazari eta abeltzainak, landa munduko protagonistak izenburupean.
    Jardunaldien helburuetako bat Arabako Udalei, Kontzejuei, Kuadrillei nahiz bestelako erakundeei lehen sektoreko emakumeen egoeraren berri ematea... [+]


2017-03-26 | Unai Brea
"Guk gure gailuak etengabe berritzeko, beste batzuen eskubideak zapalduta daude"

Mugarik Gabeko Ingeniaritzako kidea da Izaro Basurko (Donostia, 1981), baina Ingurumen Zientziak ikasi zituen. “Elkartean oso beharrezkoak dira ingeniariak ez direnak ere”, azaldu digu. Energia berriztagarrietan eta lankidetzan aditua da, baita militante ekologista ere. Teknologiaren garapenari lotutako kontraesanez hausnartu dugu harekin.


Biraka dabilen fenomenoa

“Bizitza modernoak itsu bilakatzen gaitu ilargiaren eraginen aurrean. Mitoa zena, zientziak frogatu du gerora. Izan ere, egunero ikus ditzakegu errealak diren efektuak gure bizitzetan”, dio Michel Gros idazle eta nekazariak. Egunero ikusten dugu ilargia, baina ezagutzen al dugu?


2017-03-25 | Estitxu Eizagirre
Ekonomia Foro Feminista, kapitalismoari hegemonia irabazteko

Bilgune Feministak antolatuta, "Bizitza erdigunera ekartzeko indar bat dabil hor" gogoeta kolektiboa egin dute larunbatean. Goizean, ausnarketa eta bizipen pertsonaletatik abiatuta, hiru eremu aztertu dituzte: prekarietatea, zaintzak eta harremanak.


Non izango dira hurrengo herri galdeketak?

Apirilaren 2an, maiatzaren 7an eta ekainaren 18an egingo dira herri galdeketak. Busturialdea, Debabarrena, Durangaldea, Lea-Artibai, Urola Kosta, Basaburua eta Sakanako herritarrek izango dute bozkatzeko aukera, besteak beste.


2017-03-24
Donostia eleaniztuna
MULTIMEDIA - erreportajea

Euskal Herrian hitz egiten diren hizkuntzak jasotzeko proiektua da 101 L. Hemengo aniztasuna jaso eta ezagutaraztea du helburu. Donostian hitz egiten diren hizkuntzak jasotzen hasi ginen, eta pixkanaka zabaltzen joan da. 190 elkarrizketa baino gehiago egin ditugu, han eta hemen. Orain arte guztira 99 hizkuntza jaso ditugu. Donostiako hizkuntzei buruzko lana da hauxe.


2017-03-24 | Hala Bedi
"Frankismoaren garaian ere kartzeletan emakumeen arteko erlazioak egon ziren"

Gaur Estibaliz de Miguel EHUko irakasle eta soziologoa izan dugu Kantoian, eta emakumeen kartzelako bizipenez hitz egin digu. Emakumeen arteko erlazio sexu-afektiboak eman izan direla eta ze egoeratan eman diren azaldu digu.


Azkenak
EGILEA
Eguneraketa berriak daude