Elkarrizketa Sozialerako Mahaiaren itunarekin haserre agertu dira ELA eta LAB
Akordioak ahalik eta sektore gehienetan eragin mugatuko itunak sinatzea ahalbidetuko du. Gehiengo sindikala alboratu izana salatu dute sindikatu abertzaleek.
“Arau demokratikoak arbuiatu dituzte, eta hori grabea da”. Elkarrizketa Sozialerako Mahaiko kideek lortutako akordioaren inguruan ELA sindikatuko Adolfo Muñozek egindako adierazpenak dira. Bere esanetan, “gobernu batek hauteskunde sindikalen emaitzak onartu behar lituzke”.
CCOO eta UGT sindikatuek Confesbakekin sinatutako itunak Eusko Jaurlaritzaren babesa du, eta bazter utzi ditu gehiengo sindikala (%59,20) osatzen duten ELA eta LAB. Akordioaren bidez, ahalik eta sektore gehienetan eragin mugatuko itunak erdietsi ahalko dituzte.
Bi sindikatu sinatzaileen arabera eragin orokorreko itunak egitea “hobea den arren”, inoiz ez diote uko egin patronalarekin bestelako akordioak sinatzeari, ELA eta LABek ez bezala. Euskal Herriko gehiengo sindikalak sekula ez du onartu PPren lan erreforma, eta Confebaskek haren zirrikituak probestu izanak blokeoa ekarri du euskal lan harremanetara.
Hala, blokeoaren korapiloa askatzeko asmoz elkartu dira CCOOk eta UGTk osatutako gutxiengo sindikala (%29,74) eta Confebask. Akordio horretatik sortutako hitzarmenak babesteko konpromisoa hartu du Jaurlaritzak, euskal hitzarmenak blindatzea xede.
Muñozen ustez, “CCOO, UGT eta patronalaren estatalizazio estrategia” dago hitzarmenaren atzean. Horregatik, Angel Toña Enplegu sailburuaren dimisioa eskatu du: “Hau da euskal demokraziari egin dion ekarpena; gehiengo sindikalak gutxiestea”.
Euskararen normalizazioaren motorrak herri dinamikara bueltatu behar du aurrera egin nahi badugu
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
ELAk astearte honetan eman dio amaiera XVI. Kongresuari eta Mitxel Lakuntza aukeratu dute hirugarrenez idazkari nagusi, ordezkarien %90,37ren babesa lortuta. Aurrera begira lantokietako "botere sindikalean eta eragin politikoan" jauzi bat emateko beharra azpimarratu du,... [+]