Aste erabakigarria hasi dute Ibilgailuen Azterketa Teknikoko grebalariek enpresarekin akordio batera iristeko
Urnieta eta Irungo IAT zentroetan greban dauden langileek aste honetan erabakiko dute lanuzteak luzatzen dituzten edo ez.
Duela zortzi hilabete hasi zuten greba mugagabea. Zerbitzuaren esleipena daukan TÜV Rheinland enpresako zuzendaritzarekin akordiorik ez daukatenez, greba “gutxienez” martxoaren 2ra arte, datorren igandera arte, luzatu dute.
Joan den astean bi aldeak, Irungo eta Urnietako zentroen zuzendaritzak eta langileen komitea, akordio batera iristeko asmoz elkartu ziren. Ez zen halakorik lortu eta grebak bere horretan jarraituko duela dirudi.
“Gure mobilizazioen helburua gaur egun ditugun lan baldintzak bermatzea eta egonkortzea da, ez lortu nahi ditugunak”, adierazi du Ketxus San Emeteriok, komiteko presidenteak. Langileek gatazka konpontzeko Eusko Jaurlaritzaren inplikazioa eskatu dute behin baino gehiagotan, Ibilgailuen Azterketa Teknikoa zerbitzu publikoa baita.
Informazio gehiago:
Gipuzkoako IATen grebak sei hilabete bete zituenean aferari buruzko erreportajea argitaratu genuen ARGIAn.
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka langile elkartu dira Iruñean, Bilbon, Gasteizen, Donostian, Baionan eta Maulen egindako manifestazio eta ekitaldietan. Langile eskubidea defendatu eta lortzeko, greba erreminta ezinbesteko gisa aldarrikatu dute sindikatu guztiek. LAB lehen aldiz... [+]
ELA sindikatuak mobilizazioak egingo ditu Bilbon eta Iruñean, eta LABek, berriz, Iruñean.